طالما ان المقابلة تقريبا فاضلها شهرين ومش مطلوب منك شهادة ..يبقي ان شاء الله هتلحق تخلصها ماتقلقش ...انت بس شوف واسمع كويس الفيديوهات الخاصة بالمهندس محمد سمير والمهندس محمد عزت بس علي فكرة الكورس بتاع المهندس سمير مش كامل لكن التاني كامل....شوفهم واسمعهم كأنك بتتفرج علي فيلم وطبعا الشرح بالعربي فمتقلقش من مشكلة اللغة ...بعد ماتخلص كل الفيديو ..لازم تقرا عشان تثبت المعلومة ...كتاب واحد بس اي كتاب ومش هاتلاقي كتاب عربي كامل يشرحلك الكورس ده فمعلش تعالي علي نفسك واقرا بالانجليزي كده كده انت لازم تتعود...طبعا كل الكلام اللي انا بقوله ده في حالتك انت بس لكن اللي لسة مالقاش شغل ولسة هايمتحن الكلام هايتغير...اخر حاجة هاقولهالك الفيديوهات دي بتشرح من اول الشبكات خالص لكن للتاكيد شوف برضه الفيديوهات اللي موجودة في قسم شهادات compatia اللي بتشرح N+ دي هاتفيدك برضه في الاول.
ربنا معاك ويوفقك
المفضلات