كيفية البدء في مجال البرمجة

**salah2008** · 03-09-2009, 14:07

الله كل التعاون الحلو ده مشكورين يااخوان ربنا يخليكن ويفرحنا بيكم

**Spirit Man** · 02-10-2009, 14:33

بص يا أخ سمسم
أنا خريج كلية التجارة دفعة 2009 السنة دي يعني والحقيقة أنا برده حابب مجال البرمجة وكان نفسي ادخل حاسبات ومعلومات علشان أدرس علوم الحاسب باستفاضة لكن التنسيق بقى وقدر الله وما شاء فعل لكن بجد ممكن من خلال كلية تجارة مع دراسة برمجة تقدر تعمل حاجات كتير حلوة أوي وأنا بعدما قرأت عن العديد من لغات البرمجة الحقيقة وجدت أن أقواهم وأفضلهم بالنسبة لي هي لغة السي شارب خصوصاً بعد ما عرفت أن مايكروسوفت تنتج حالياً كل برامجها العملاقة مثل الأوفيس من خلال لغة السي شارب وفرحت جداً لما لقيت الدورة الرائعة اللي عملها دكتور دانتي هنا في المنتدى ومتابعها دلوقتي وإن شاء الله ربنا يقدره ويجزيه عنا كل خير ونكمل معاه الدورة دي حتى مستوى الاحتراف وأنا مش اكتفيت بس بكدة بدأت أنزل كمان كورسات انجليزي للسي شارب وكتب وإن شاء الله ؤبنا يوفقنا جميعاً ونقدر نعمل حاجات كتير حلوة بإذن الله

**7ossam 3li** · 14-11-2010, 02:43

كلامك جميل جدا يا استاذ احمد وفعلا الناس الخبره لازم نرجعلهم فى كل امورنا
انا خريج نظم معلومات اداريه وحاليا انا بحضر دبلومه فى نظم المعلومات بمعهد الاحصاء وهابدأ كورس الجافا بعد العيد انشالله تبع منحه وزاره الاتصالات 9شهور ويارب استفاد منها انا كنت متردد فى الموافقه على الكارير ده لانى كنت مقدم على قواعد بيانات سكول والوزاره هى اللى غيرتلى الكارير لكن بعد كلامك انا اقتنعت جدا وكمان اتحمست للكورس اكتر .... ربنا يجعلك للخير دائما وكل سنه وانت طيب

**ahmed elsaied** · 04-11-2012, 02:14

السلام عليكم ورحمه الله وبركاته

يا جماعه انا طالب فى المعهد العالى لعلوم الكمبيوتر وكنت حابب جدا انى ادخل فى مجال البرمجه وحابب اكتر اشتغل فى الويندوز

بس انا مش عارف ابدا ازاى ولا ايه الدورات اللى ممكن اخدها علشان تدخلنى فى المجال ده وتدفيدنى فيه

ياريت يا جماعه حد يفهمنى امشى ازاى وايه اللى اعمله