طيب يا عم سمسم
هاعدل عنوان موضوعك هذه المرة فقط
بعد ذلك ان لم يكن عنوان موضوعك له علاقة بطلبك او مشكلتك سيحذف
اولا ...السلام عليكم ورحمة الله وبركاتة ..
انا طالب فى كلية التجارة ...وميولى كلها شغل برمجة ...
فعاوز اخواتى الاكبر منى يفيدونى اعمل اية بالترتيب كدة ...وجزاهم الله كل خير ...
ابدا منين وابدا ازاى .....
هل تصميم مواقع فى الاول ....ولغات البرمجة ...
واخد فين مع الدراسة كورسات فى البرمجة ...
وحاجات لسة للناس المبيتدائين عشان ابدا صح ...
ياريت يجماعة ترشدونى الى الطريق الصح ...بخبرتكو عشان اتعلم كويس ...واوصل الى كلمة مبرمج ..طبعا بجانب دراسة الكلية ...اللى انا داخلها وفضلتها على حاسبات ..عشان اعرف ادرس برمجة ومحاسبة مالية بازن الله تعالى ..
وجزاكم الله كل خير ...
طيب يا عم سمسم
هاعدل عنوان موضوعك هذه المرة فقط
بعد ذلك ان لم يكن عنوان موضوعك له علاقة بطلبك او مشكلتك سيحذف
اسف والله ..مكنتش اقصد اخى ...
شكرا ليك .
لو انت فعلا فضلت كليهة تجاره علي حاسبات ومعلومات يبقي بجد حرااااااااااااااااااام عليك.اللى انا داخلها وفضلتها على حاسبات ..عشان اعرف ادرس برمجة ومحاسبة مالية بازن الله تعالى ..
مع الاعتذار لكل خريجي تجارة بس اعتقد ان كليه حاسبات كانت هاتعملك اساس قوي جدا جدا جدا
في البرمجه وكان من السهل بعدها انت اللي تحدد اي طريق تختار و اي لغه برمجه تحترف
مع العلم اني لست خريخ حاسبات ولو قاولولي اتمني تخش لاتمنيت اني اخش كلية هاقول حاسبات ومعلومات قسم Computer
science
علي العموم شد حيلك انت وربنا يكرمك وتقدر بالكورسات تظبط نفسك
بص ده موقع لاكادميه بتدي كورسات برمجة هاتنفعك جامد اولا لانها هاتحطك علي اول الطريق ثانيا انها غير مكلفه زي بقية الكورسات
وبالتوفيق
https://www.agcacademy.com
ThinGs We Do DictatE OuR FuTuRe, AnD NoW We PaY FoR WhAt We Did IN ThE PaST
__________________________________________________
ياريت يباشا ...وليك جزيل الشكر وجزاك الله كل خير
بص يباشا هقول لحضرتك لية
هو اولا كلواحد بياخد نصيبة ..
بس كل الموضوع انا فكرت وقولت لية احط نفسى فى كلية وفى الاخر مجالها لازم يكون معاك شهادات برمجة عشان تظبط نفسك
هى اساسيات ماشى بس الموضوع بعد الدراسة هتعمل اية دة السؤال ؟؟
والمشكلة فى الكلية دى اللى شايفة مفيش مجال محدد ليها...ووقليل جدا اللى تلاقى شركة عاوزة خريج حاسبات
اما موضوع النقابة دة مش هيبقى دلوقتى خالص ..واخرها هتبقى جمعية كدة لغاية بقى لما اى حد يوافق وحتى لو اتوافق عليها شوف بقى كام سة لغاية اما حد يعرف م الخليج وكدة وويتاكدو ولازم بردة يكو معاك شهادات برمجة ...
وبعد التخرج ملكش مجال تاى تشتغل فية ...خير شغل البرمجة ..
يعى اربع snen كلية وكما بقى دراسة شهادات كورسات وكما خبرة
وبعديها تبدا تدور على شغل ...
اما تجارة سيبك م العدد
حضرتك ممكن مثلا الكلية فيها 7 تلاف
بس ممكن اقول لحضرتك حاجة
كام واحد فيهم بيتخرج عشا يقعد على القهوة
اقولك اكتر م 5تلاف
يعنى فى الاخر ليك مجالين البرمجة والمحاسبة
والاتنين بيكملو بعض ...
دة تفكيرى ..
ممكن غلط وممكن صح ..
وربنا يوفقا جميعا ان شاء الله وكل واحد بياخد نصيبة المهم الاجتهاد ..
وشكرا على الموقع
بس اا سمعت اراء كتير عن الاكاديمية دى ..
هى شهادتها عبارة عن اية ..
وهل انت جربتها فعلا ...
واية هى اهم الشهادات اللى انا ابدا فيها
وشكرا يباشا
السلام عليكم
الموقع للتنزيل هو:
https://www.python.org/download/releases/3.0.1/
أما مواقع للتدريب:
https://www.codesampler.com/python.htm
https://www.devshed.com/c/b/Python/
https://docs.python.org/tutorial/
https://www.sthurlow.com/python/
واذا بدك غيرهم اطلب
سلام
السلام عليكم
فعلا هو كل واحد بياخد نصيبه بس احب اوضحلك حاجه صغيره بالنسبه برضه لسوق العمل علما باني (مخلص وشغال)
والحمد لله
كلية زي حاسبات دي من كليات القمة اولا ثانيا فيها عده اقسام منها Computer science,Information Technologey , Information systems كل قسم وليه تخصصه وليه مجال شغله الاكثر احترافيه فيه
ولله واعلم جايز حامعات تانيه بها اقسام تانيه
بس لو جيت تفاضل بين واحد= خريج تجارة وواحد خريج حاسبات لو انت صاحب عمل مثلا اكيد طبعا الاولوية لحاسبات (لو الاتنين كويسن) ومعلومات ومش شرط علي فكره ان هما يشتغلوا مبرمجين فقط ما هو لو خلص و اخد كورسات في مجال مثل ال NetWork افتكر هايبقي عادي علما بانهم باخدوا خلال الاربع سنين مواد خاصة النتورك يعني ممكن يشتغل في اي مجال من مجالات الIT لانه راجل ذو عقليه متفتحه ومداركه واسعه جدا لاقصي حد
طب انا هاقولك ايه انت بتسمع عن مشاريع التخرج اللي بيعملوها مش ممكن بجد روعه
كليه زي دي مليانه بالمواد الاكتر من رائعه ابتداء من لغه ال.C,C++,Java,php,Delphi,SQL وغيرها من لغات البرمجه
وطبعا غير مواد خاص مثلا بال SYSTEM ANALYSIS و الData structure
علشان تاخد كورسات في كل ده لازملك مصاريف كبيره و وقت
يعني عاوز تفهمني ان واحد مثلا خريج حاسبات وانسان مجتهد(وواخد كورسات) وواحد خريج اي كلية تانيه وبرضه مجتهد(وواخد كورسات) بذمتك انهي .........؟؟؟؟
علي الاقل لو مثلا الاتنين Java Developer ممكن يبقوا زي في نفس المجال بس التاني عنده امكنيات اكبر
لكل مقام مقام
دي كلمه اتقالت لواحد زميلي في انترفيو واعتقد انها يعني الي حد ما صحيه ولو نسبيا
علي فكره انا زي ماقولتلك المره اللي فاتت انا مش خريج حاسبات بس بجد الكليه عشان ماتقولش انا منحاز ليها في كلامي بس بجد دي بتخرج عباقره
اما بالنسبه لموضوع النقابه انا واحد من الناس مش بهتم بحاجه زي دي خالص ولا تشغل تفكيري اطلاقا
وفي الاول والاخر ده يتوقف علي الانسان وهو عاوز يبقي ايه ويوصل لايهTo be OR Not to be
بالنسبه لكورس البرمجه ده
ده كورس كويس يعني وهايحط رجلك علي اول طريق البرمجه ويعرفك يعني ايه برمجه
الشهادات المعتمده بتاعته بيديلك شهدات خيره من الاكاديمه نفسها وتقريبا موثقه من الخارجيه وشهاده من التربيه والتعليم
وشهادة من جامعة المنوفية
بعد لما تخلص الكورس الاكاديميه منزله شرح شهاده الMCTS -MCPD من مايكروسوفت يعني مش هاتقف بعدها غير انك تروح تمتحن بعد لما تخلص الكورس
هو انا بخد الكورس ده , والحمد لله انا قربت خلاص اخلصه (في المستوي ال9)علي العموم روح واعمل registeration مش هاتخسر حاجه
ولو في اي استفسار تحت امرك
ThinGs We Do DictatE OuR FuTuRe, AnD NoW We PaY FoR WhAt We Did IN ThE PaST
__________________________________________________
بص يا سمسم انا برده مخلص تجاره وزيك بالظبط
اولا :طبعا مع الاحترام لكليه حاسبات ومعلومات وعلوم قسم كمبيوتر وهندسه قسم حاسبات وانا عن نفسي كان نفسي ادخل حاسبات بس دخلت تجاره علشان التنسيق .
تعالو نبص من وجهه نظر صاحب الشركه لما يجي يشغل حد هيكون بالترتيب
هيكون عايز واحد هندسه و3 حاسبات ومعلومات و50 واحد تجاره لان وبباسطه شديده المرتب اللي هيديه لخريج تجاره أأقل من الي هيديه لخريج حاسبات ومرتب حاسبات أأقل من خريج هندسه ودي من الواقع العملي
ثانيا:علشان تبدا بالبرمجه انت حظك حلو انك عايز تبدا في ظل كميه التسهيلات اللي مقدماها ميكروسوفت في فيجوال ستديو 2008 واكيد طبعا 2010 بس اللي هيفرق واحد عن التاني الفكر والابتكار كل الوسائل متاحه امام الجميع بس اللي هيفرقك عن واحد تاني انك بتستغل الادوات اللي قدامك احسن منه
نيجي لسؤالك ياسمسم عايز تبتدي في البرمجه ازاي:
لو عايز الطريق السهل بس مش هتكون فاهم حاجه عليك وعلى الاكواد الجهازه وهتلاقي طريقه تشغيل الكود دي موضحه وباينه
لو عايز تكون فاهم شويه ابتدي بالاساسيات حتى لو طولت فيها اصل انت مش هتبقى مبرمج من يوم وليله وبعد الاساسيات هتلاقي نفسك تقدر تدوس في الباقي
لو عايز تكون راجل فاهم وتمام يبقى ابتدي برده بالاسايات وتركز عليها وتشتغل بيها وبعدين لما تتقنها تمام جدا جدا ابتدي انطلق وشوف انت عايز تتخصص في برمجه ايه بالظبط(برامج وندوز,,ويب,موبيل)
اوكيه باشمهندس سمسم وانت طيب ممكن انا قريت ردك في المقارنه بطريقه انحياذيه لكليه الحاسبات والمعلومات ولكن حصل خير
واتمني ليك بدايه قويه في البرمجه اهم شئ في البرمجه لوجك البرمجه لو اتعلمت لوجك برمجه صح هتقدر تسيطر علي عدد كبير من لغات البرمجه ـــــــ حدد لغه مثلا ذي السي شارب وابدا فيها فيه دوره هنا في المنتدي كويسه خالص في السي شارب للدكتور دانتي شرح عالي المستوي وهتفيدك كتير
بص يا اخ سمسم انا من رايي تجرب سي شارب شويه وفيجوال بيسك شويه وشوف انت ممكن تتمكن من انهي كود اكتر وانهي نوع من الاكواد هيبقى سهل عليك حاليا الفروق بسيطه بين الاتنين تكاد لا تذكر بس طبعا طريقه كتابه الكود بتختلف بس زي ما قولتلك شوف انت انهي كود هيكون سهل بالنسبه ليك وبالتوفيق ان شاء الله
السلام عليكم يا شباب
اولا انا طالب في سنة 3 هندسة اتصالات قسم حاسبات - هندسة شبرا
احب اقول لاي حد بس يا ريت ميقولش ما لا يعلم عن هندسة قسم حاسبات او حاسبات و معلومات
لان الموضوع مش حبه كورسات و اقلب و لما تتكلمو عن شركات حددوا انتو بتتكلموا عن IT Worx , IBM Egypt ولا عن شركة الهدي لنسخ السيديهات
---------------------------------------------
بالنسبة ليك يا سمسم لو عايز تفهم يعني ايه برمجه صح و تتعلم لغه برمجه قوية و في نفس الوقت كتابتها مش صعبه بالنسبة للغات برمجه تانية زي السي++ اللي ليها برضه مكانتها و قوتها
اشتغل بالجافا
اتعمل J2SE عشان تعمل Applications
و بعد كدا هيتفح قدامك المجال انك تتعلم J2ME عشان تعمل برامج تشتغل علي الموبايلات
و ممكن تتعلم J2EE و تعمل Web Development محترمة
ميزة الجافا انها بتشتغل علي اي benchmark و اي operating system يعني البرنامج اللي انت هتكتبه هيشتغل علي الليونكس و الويندوز و الماك
الجافا عدد المبرمجين بتوعها في مصر قليلين و مرتباتهم محترمة و اعلي من الديفيلوبرز بتوع ال .Net
بالمناسبة الجافا انت بتكتب فيها اكواد الحجم بتاعها كبير لو انت جيت تقارنه مثلا بالبايثون
لكن في الجافا انت هتبأي عارف انت كل كلمة كاتبها ايه لازمتها علي عكس البايثون انت هتحفط الاوامر و ترميها و هي مختصره و خلصت
يعني انا ارجح ان البايثون لو عايز تتعلمها تكون بعد ما انت اتعلمت لغه زي الجافا او السي++ او سي شارب عشان تعرف ايه الاختصارات اللي انت بتعملها و اللي انت بتوفرها في الكتابة بتاعت البايثون
اها بالمناسبة حاجة كمان ميزة للجافا انها open source يعني اي شركة تقدر تشتغل بيها من غير ال license
و لو ان الخبر اللي حصل من كام شهر لما اوراكل اشترت صن مايكروسيستمز ممكن يحصل تغيير في موضوع ال open source بتاع الجافا ده
بالمناسبة برضه الجافا بتدعم الشغل علي الداتا بايزز SQL , Oracle علي عكس microsoft .net بيدعم بس ال microsoft SQL
و برضه بعد ما اوراكل اشترت صن مش بعيد تحدد الجافا بانها تشتغل مع اوراكل بس
من الاخر يا سمسم
ان قدامك طريقين في البروجرامينج
java with oracle و ده يرجح اكتر لو انت هتعمل mobile application او هتعمل linux application
Microsoft.Net with SQL و ده يرجح اكتر لل windows application
و ملحوظة اخيرة
لو عايز تنتج بسرعه ال .net اسرع الصراحه انت بتقدر تعمل البرامج بتاعتك في وقت صغير اوي و تختصر اكواد كتيرة عشان ال Msdn تقريبا فيها كل حاجة
لو عايز تعمل core لسيستم و يكون كويس و قدامك وقت اشتغل جافا و افهم كل حاجة رايحه فين و جاية منين
بالتوفيق
اي كلمه حاسس انها غريبة https://en.wikipedia.org/wiki/Main_Page اعمل عليها سيرش هنا
متواجد ان شاء الله في اي استفسارات
المفضلات