الظاهر ان الاسئله بتاعتى بايخه
معلش لسه بنتعلم
السلام عليكم ورحمه الله وبركاته
انا مستخدم جديد لنظام لينكس .
ولسه مسطب النسخه عندى امس او اول امس.
المهم.........................
عندى 3 اسئله:
اولا :انا لما اغير مثلا خلفيه سطح المكتب لما اعمل ريستارت للجهاز ترجع الخلفيه ال defult بتاعت النظام الاصلى مش عارف ايه السبب .
ثانيا: بالنسبه لتعريفات الجهاز لو انا مشغل نظام لينكس بس ازاى بتتعمل تعريفات الجهاز لان النظام مش بيدعم اسطوانه التعريفات.
ثالثا:كل ما افتح بارتشن معين اجده على سطح المكتب ....اعمل ايه علشان مش كل حاجه افتحها تظهر لى على سطح المكتب.
ارجو الاجابه عن الاسئله دى.
وجزاكم اله خيرا.
الظاهر ان الاسئله بتاعتى بايخه
معلش لسه بنتعلم
انا ممكن اقدر افيدك فى اجابة السؤال الاول
ان الصورة اللى انت عاملها خلفيه موجودة على بارتيشن ntfs بتاع الوندوز و البارتشن ده مش بيتعمله مونت الا لما تفتحته
ده اللى حصل معايا..... بس لما كنت بعمل مونت للبارتشن الصورة كانت بتظهر عادى
مش عارف قدرت اوصلك حاجة ولا لا بس اعذرنى انا مثلك جديد فى اللينوكس
بص ياباشا بالنسبة للسؤال الثانى فى اكتر من حل 1- تبحث عن تعريف الكروت بس تكون tar وانت تفك الضغط وتعرفها 2- ودة الاصعب وعاوز واحد متعمق شوية تشوف الكودينج بتاع التعريف من على اصدار ثانى وتضيفة عندك
بالنسبة للسؤال الثالث دة بيحصل مونت مؤقت ليك لو عملت رستارت كلة هيروح انت ممكن تعمل مونت ليها وتظهرها تحت home او اى directory
وجارى البحث عن حل اخر
بص ياباشا ..
اولا :انا لما اغير مثلا خلفيه سطح المكتب لما اعمل ريستارت للجهاز ترجع الخلفيه بتاعت النظام الاصلى مش عارف ايه السبب
السبب ان الاوبونتو مش شايف البرتشن الى علية الخلفية اول مبتفتح الجهاز لانة لسة متعملش ماونت
الحل ممكن تحط الخلفية فى فولدر الهوم بتاع اليوزر بتاعك او تعدل فى ملف fstab و تخلى الاوبنتو يعمل ماونت لكل البرتشنات و هو بيفتح( الاول افضل)
ثانيا: بالنسبه لتعريفات الجهاز لو انا مشغل نظام لينكس بس ازاى بتتعمل تعريفات الجهاز لان النظام مش بيدعم اسطوانه التعريفات.
السبب ان اسطوانت التعريفات معمولة لويندز "xxxxx.exe "
الحل: 1. انت مش هتحتاج التعريفات إلا فى حالة ان الاوبنتو مش معرف حاجة ودى صراحة نادرة اوى او معدتش علية خالص لانى كل ما بنزل الاوبنتو على اى جهاز بيعرف الهاردوير بتاع الجهاز كويس اوى
2. لو فى حاجة متعرفتش افتح اسطوانة التعريفات من المفترض تلاقى بداخلها فولدر اسمة linux هتلاقى فية تعرفات اللينوكس
3.لو فى حاجة متعرفتش يبقى ربنا يعينك دور فى المنتدى او اعمل موضوع تانى.
ثالثا:كل ما افتح بارتشن معين اجده على سطح المكتب ....اعمل ايه علشان مش كل حاجه افتحها تظهر لى على سطح المكتب
الحل:
1. هتضغط على alt + f2
2.هيفتحلاج حاجة زى الرن فى الوندز
3.اكتب فيها "gconf-editor" اول متكتب كام حرف منها هتلاقى الينوكس كملهالك علشان تعرف انة بيتجاوب معاك وبيعرف انت قصدك اية.
4.هيفتحلك شاشة كبيرة هتلاقى على يدك الشمال شجرة افتح المسار دة
app -----> natuilus -----> Desktop
5. شيل العلامة من على واحد هيبطل يحط ايقونة لكل برتشن على الديسك توب
ضع علامة على هيظهر
2 computer
3 home
4 network
5 trash
انتهى
المفضلات