بسم الله الرحمن الرحيم
السلام عليكم و رحمه الله و بركاته
فى البداية احب اهنى كل الاعضاء عبدالله و دانتى و عشماوى و مرمزى و الجوهرى و جوليانو و محمد كرم و كريبت و كل اللى شاركو معانا فى المسابقه دى و اقولهم كل سنه و انتو طيبين..خلاص بكره العيد يعنى عايزين نعيش يومين حلوين بعيد عن الكمبيوتر و النت و استريس المسابقه و الليله دى كلها
ثانيا : كل الشكر و التقدير و الاشادة للجوكر الاعظم على المجهود الرهيب اللى كان بيعملو و سعه صدره انو كان بيتحمل كل الضغوط دى...
كل سنه و انت طيب يا كبير و اوعدك ان شاء الله اول ما اخد ال 100 $ :D اللى اتفقنا عليها و لما عبدالله و دانتى هم كمان ياخدو نصيبهم من العمليه ..ممكن نبقى نجمعلك حاجه كده و اهه كله بثوابه :D:D
و بردو منقدرش ننكر دعم اداره المنتدى للمسابقه..و الحافز اللى مكناش نتوقعو ابدا..مش عارف اوفى حقكو ده ازاى..و شرف ليه انى انتمى لهذا المنتدى العريق...و شكر و تبجيل و احترام خاص منى للأستاذ شريف عبد العظيم و شركة QDS على الجوايز الرائعه دى اللى اعطت حس و حيويه للمسابقة
ثالثا : بالنسبه للاعتراضات الكتيره اللى حصلت انهارده...الحمد لله اظن ان الموضوع هدى..و ان كل واحد دلوقتى اخد حقه اللى يستحقو من غير ما يتظلم و انا بنفسى راجعت الاجابات تانى بتاعه انهارده و بتاعه امبارح و لقيت ان كده كل واحد اخد حقه تمام , وان ترتيب المراكز هى زى ما الجوكر قال...
رابعاً : دلوقتى نيجى لمشكله المراكز المشتركه..طبعا اقتراح ان جائزه المركز تقسم مناصفه ..فكره غير منطقيه و انا كنت وضحت قبل كده انه مينفعش الحل ده خاصه ان كل المتسابقين بذلو مجهود رهيب و كانت الجائزه الاولى 70 دولار للمركز الاول ..اذا لا يجوز تقسيمها الان
و اقتراح اننا نمد المسابقه يوم او اتنين بردو هيكون صعب جدا بل مستحيل سواء بالنسبه للجوكر لانه مش هيكون فاضى..او بالنسبه لاغلب الاعضاء هنا اللى خلاص تعبوا من قلق المسابقه و انا واحد منهم
انا كان فيه ايام بعد افكر فى الاسئله من ساعه ما تتحط بليل الساعه 9 لغايه الصبح الساعه 10 و يا دوبك انام كام ساعه و اصحى اكتب الاجابات..كان ضغط عصبى رهيب عشان الحق افكر فى الاسئله دى فى الوقت الصغير ده..بس الحمد لله
و للاسف كمان الاسبوعين الجايين بالنسبالى مش هبقى فاضى خالص و ربنا وحده عالم بالضغط اللى هبقى فيه ابتداء من بكره
بالنسبه لموضوع المراكز انا معنديش اى اقتراحات حاليا
و اعتقد ان الحل الامثل و الافضل هو قيام الاداره بزيادة الجوائز لتسمح بتوزيعها على المراكز الاولى بمثل ما كان متفق عليه فى البدايه لكل مركز
كل سنه و انتو طيبين و عيد سعيد علينا كلنا ان شاء الله
المفضلات