ظاهرة الميكروفونات فى المساجد بسخرية ابراهيم عيسى"OTV"

**The_wizard0** · 21-09-2009, 12:27

المشاركة الأصلية كتبت بواسطة moriatte

مقاطعة كل شركات هذا الخنزير وعلى رأسها لينك دوت نت وموبينيل ور ينج واوراسكوم فرض عين على كل مسلم.
أتعجب من كل مسلم يشترى خط موبينيل أو يشترك فى الانترنت على خطوط لينك دوت نت على الرغم من وجود البديل

:ah4::ah4::ah4:
فعلا كلام صح 100% الان اتصالات اسعارها أحسن منها بكتير جدا و كمان النت منها كويس .

**خالد000** · 21-09-2009, 13:48

هاذا المدعو مصراوي ولا ابصر ايه انا اول مرة بسمع عنه
وبغض النظر عن هل سماعات المسجد في حي مزدحم (مخيم) ولا في مدينة مرتبة والبيوت متباعدة وما حدا مزعوج
فهذا انسان وقح يتهجم على الاسلام بطريقة ساخرة ويتهجم على المسلمين بطريقة مضحكة
وهو يقصد من ذلك اضحاك الناس ليشاهدوا برنامجه وهذا واضح في حركته الأخيرة لما شال السماعة وتكلم بيها يا أخوان هاذا عيسى المصراوي ولا ابصر ايه اسمه مهرج متنكر بثياب العلمانيين الذين انتهى زمنهم وبطلة دعواهم
وارجوا ممن يعرف بريد هذا الرجل ان يرسل له كتيب صغير على قده حتى يقرأه ويعرف الحرام من الحلال
ويعرف انوا ما حدا حرم التكنولوجيا من الغرب الكافر لا زمان ولا اليوم...
وايضا اذا ممكن حدا يرسلوا رقم طبيب نفسي عشان اعالجوا من حالة التهريج المزمن ...
والطلب الأخير ولو ثقلت عليكم اذا ممكن تنشروا اسموا اكثر ولو بالسوء فهو رجل يموت والناس يشوفو برنامجو حتى ولو يضحك الناس على ربنا ولا على الدين - والعياذ بالله- ولا على حالو ولا على مرات صاحبو ولا مرتوا ولا على شرفوا المهم يشوفو برنامجه...
وامثال هؤلاء من الحثالة لا يشكلون خطرا على الاسلام ولكن تقصيرنا نحن وتركنا لتعاليم ديننا وانحرافنا عن الصواب هو ما يريده اسياد هذا وشياطينهم

اللهم اهدي بنا ولا تضلنا اللهم اقمنا على الدين صالحين واجعلنا على الصرط ثابتين وارنا الحق حقا وارزقنا اتباعه وارنا الباطل باطلا وارزقنا اجتنابه

**__eRa__** · 21-09-2009, 13:52

المشاركة الأصلية كتبت بواسطة tiito2005

الم يقم منكم احدا ليوسعه ضربا !!!!!!!!!!!!!!!!!!!!!!!!!!!

في المسجد ؟ !!!!!!

طب خد دي عندك. في يوم بيصلي بالناس وجه واحد بينادي عليه. وهو وسط الصلاة وإمام بالناس رد على من ينادي عليه
"أيوة يا جدع جايلك أهه"

!!!!!!!!!!!!!!!

**A-Bomb** · 21-09-2009, 16:56

تم حذف الرسالة السابقة لي, لأني بصراحة حسيت اني خرجت جامد عن الموضوع...
عامة, هو لازم يكون في تقنين لموضوع الميكروفونات دا علشان زي ما قلت ماتقلبش الاذان الي ضوضاء. بس كدة.

**Bloody Wolf** · 24-09-2009, 07:56

المشاركة الأصلية كتبت بواسطة A-Bomb

بصراحة شديدة و محدش يزعل...في احيان كتيرة جدا الكلام دا بيكون صح..و اللي ساكن في حي شعبي او مزدحم يعرف دا كويس...
الراجل و أنا معاه أكيد مش ضد وجود الميكروفون في الجوامع, بس بحد معين يا جماعة, اي شئ يزيد عن الحد بينقلبب لضد..فما بالك بحاجة زيادتها عن الحد ممكن فعلا تؤذي حد...
الشارع هنا عرضه 7 متر و طوله تقريبا 400-500متر, قيه اكتر من 5 جوامع, واحد كبير و الباقي جوامع صغيرة تحت كل عمارة, شوف لما الاذان يؤذن ايه اللي بيحصل لأن كل جامع مركبله ميركوفونين تلاتة علي الاقل. الموضوع ليس من الاسلام في شئ والله. هايحصل حاجة لو كان الاذان بطريقة لا تؤذي احد؟؟ دا اي شئ لو كان مساؤه تزيد عن منفعته فعدم فعله اصح...فليه يحولوا النداء الي الصلاة الي ضوضاء(شوفوا المؤذنين عاملين ازاي..99%منهم ربنا يهديهم). دا اللي اقصده, و دا اللي بيقصده, و يكفي رأي العلماء اللي جابهم. أنا مش بدافع عن الراجل أنا بختلف معاه في اغلب كلامه بس النقطة دي بالتحديد . لأنه بقاله فتره بيهاجم الاسلام المظهري, اللي قايم علي المظهر بس و ناسي الاساس, يبص للبس الواحد و ما يشفش اي حاجة تانية في اللي قدامه غير لبسه. هو طريقة التريقة ماكانتش حلوة بس الفكرة العامة وصلت, هو بس زود التريقة شوية, لكن غير كدة كلامه بنسبة كبيرة سليم.
ارجو ان الكل يتقبل وجهة نظري.
أنا زي ما ساعات بسمع جرز الكنيسة اللي جنبنا و في بعض الاوقات بيكون عالي و في اوقات مش معروفة مسبقا...فلا احب ابدا ان يتم ربط الاذان بالضوضاء من اي حد, لذلك لو الامر في يدي فسوف اقوم بسحب اغلب المايكروفونات من الجوامع و كل جامع يبقي له واحد بس و اختار المؤذن ان صوته يكون صوت حسن مش اللي بنسمعه.

السلام عليكم اخوانى الاعزاء

انا معاك اخى الكريم

الموضوع شائك بعض الشئ

اولا ابراهيم عيسى تناول موضوع هام جدا بطريقه هزليه؟؟؟؟؟؟؟؟؟؟؟

انا مع الميكروفون قلبا و قالبا فى الاذان

لكن بالله عليك اخى الكريم عندما يكون بيتك فى مواجه المسجد والحمد لله

و تجد من يشغل الميكروفون قبل صلاه الفجر بساعه او اكثر ( الساعه 3 بالليل) و انت وراك شغل الساعه 7 او 8

يعنى لو اذن الساعه 4 ها نقوم نصلى ان شاء الله كالمعتاد

اعترض على ابراهيم عيسى على طريقه عرضه للموضوع

لكن الموضوع محتاج بعض التروى قبل الحكم

**one-zero** · 24-09-2009, 08:13

السلام عليكم اخوانى الاعزاء

انا معاك اخى الكريم

الموضوع شائك بعض الشئ

اولا ابراهيم عيسى تناول موضوع هام جدا بطريقه هزليه؟؟؟؟؟؟؟؟؟؟؟

انا مع الميكروفون قلبا و قالبا فى الاذان

لكن بالله عليك اخى الكريم عندما يكون بيتك فى مواجه المسجد والحمد لله

و تجد من يشغل الميكروفون قبل صلاه الفجر بساعه او اكثر ( الساعه 3 بالليل) و انت وراك شغل الساعه 7 او 8

يعنى لو اذن الساعه 4 ها نقوم نصلى ان شاء الله كالمعتاد

اعترض على ابراهيم عيسى على طريقه عرضه للموضوع

لكن الموضوع محتاج بعض التروى قبل الحكم

اتفق معك لقد افسد ابرهيم عيسى القضيه بسخريته الفجه

انا من يومين صليت الفجر في توقيت غلط لان احد المؤذنين أذن الاذان الاول بشكل جعلني اقوم من النوم ظنا انها الصلاه ولم لنظر للساعة
وبعدها بعشر دقائق اذان واحد تاني ثم رجعه كلهم اذنو مع بعض ثم بعد كده بشويه الاقامه
غير انه بعض المؤذنين ممكن يكونو بوابين لعمارات (مش عيب طبعا بس صوتهم وحش جدا)
يجب ان تدار هذة المسالة بشكل افضل

بالمناسبة هي عيب اداره و تنظيم من الاوقاف اكثر مما لها علاقه بالدين
رحت دول عربيه كثير لم اراى مشكلة الاذان دي الا عندنا

**internetworld** · 24-09-2009, 08:30

ساعات مشكله الاذان تكون هينه
فى بعض المساجد فى احدى القرى حينما لا ياتى لها الامام لاداء صلاه الجمعه يقومون بوضع الكاسيت على المنبر ويستمعون للخطبه المذاعه على قنوات الراديو ..........بل والاخطر من ذلك انهم يصلون ورائه
بعض العمال فى المساجد يقوموا بفتح الميكروفون قبل صلاه الفجر بساعه او اتنين ويترك اذاعه القرءان الكريم شغاله وينام لغايه ما يسمع الاذان فالراديو طبعا الصوت فالشارع يصحى الميت وهو جوه المسجد اخر روقان
اشياء كتيره غلط وفالغالب بيكون امام المسجد هو السبب
تخيل قرار الاوقاف فى مساله الصلاه ان امام المسجد غير ملزم بصلاه الفجر ولا صلاه الظهر ويحق له التغيب عنها ولا يسال عن ذلك يعنى امام المسجد عليه من العصر لغايه العشاء فقط .....فين بقى الرقابه ما هو كل المشاكل هتلاقيها منحصره فى صلاه الفجر ما قبلها وما بعدها
اما عن كلام ابراهيم عيسي فاقول اذا نطق السفيه فلا تجبه خير من اجابته السكوت