بسم الله الرحمن الرحيم

طلب تجميع جهاز شخصى ضرورى حاليا من السوق المصرية وبالاسعار الموجودة حاليا

طبعا انا استفدت كتير من الفترة الى احتكيت بيها فى المنتدى والموقع عرب هاردوير عرفت مصطلحات كتير مكنتش عارفها عن مكونات واجزاء ووحدات الهاردوير

انا عملت تجميعة كده فى دماغى وبتمنى برده تفيدونى بخبرتكوا سواء فى الاسعار او تعديل عل التجميعة اذا كان هناك تعارض جزء مع جزء او حاجة افضل فى الاداء مثلا

الجهاز اللى ناوى بأذن الله اجمعه كامل بالشاشة كمان
استخدامه فى الالعاب والجرافيك واخراج الافلام ومشاهدتها

التجميع دى جمعتها من مجلة اسعار الهاردوير فى السوق المصرية (العدد العاشر) بتاريخ 7/7/2009 واللى بيصدرها المنتدى

طبعا محتاج رايكم وتعليقكم وخبرتكوا

CPU: Intel Core2Duo E8400 3 GHz / 6 MB / 1333 MT/s ........950 EGP

Motherboard: GIGABYTE GA-EP43-UD3L Intel P43/ICH10 ........530 EGP

VGA: PowerColor PCS HD 4850 1GB HDMI ........960 EGP

Memory: DDR2 Kingston Hyperx 2 * 2 = 4 GB ........170*2= 340 EGP

Harddisk Western Digital (WD5000AADS) 500 GB /32 MB Buffer, SATA ........295 EGP

DVD Drive :LG 22X ........125 EGP

التجميعة لغاية هنا وصلت 3200 جنيه مصرى طبعا اكيد فى اسعار اتغيرت وقلت حتاثر على الاسعار اللى واخدها من المجلة

CPU Cooler : ?????

Case: ??????

Power: ??????

Monitor: 19 inch widescreen Samsung or LG 16:9 ,Response Time: 2 ms


الميزانية الكاملة اللى حاطتها لاتتعدى 4500 جنيه مصرى بأى حال من الاحوال

طبعا اللى مش عارف احدده الكوولر بتاع البروسيسور عايز نوع محترم وينفع مع البروسيسور اللى حجيبه
وكذلك الباور عايز باور من شركة محترمة وكذلك يكفى التجميعة دى ويشغلها بكفائة والكيسة كذلك عايزها تكون بتحافظ على تهوية جيدة للمكونات بتاعت الجهاز وحركة الهواء جوا الكيسة لان ده اكيد بيساعد على الحفاظ عل الجهاز وسرعة ادائه

الشاشة طبعا عايز اعرف الموديل اللى يدينى المتطلبات دى وبكام ..؟؟


اتمنى انكوا تفيدونى بخبراتكوا لانى فعلا محتاج الجهاز الايام الجاية ضرورى جدا ولو اطمنت واخت قرار نهائى حنزل ان شاء الله اشتريه اليومين اللى جايين دول

فى ناس حتقولى استنى جيل ال D11 من الفيجا لما ينزل انا مش عارف حينل امتى بصراحة بس عموما اكيد لو نزل حينزل غالى فى الاول وحياخد وقت لما يرخص فا انا حائضى نفسى بالفيجا دى وابقى ابعها واركب الفيجا من الجيل الجديد لما ينزل ويرخص ان شاء الله

مستنى ردكوا ان شاء الله

مع تحياتى المهندس/ احمد رونالدو