مشـــكلــة فى الــنت

**koz!ka** · 29-09-2009, 19:49

السلام عليكم ورحمة الله وبركاته

أخوانى عمــالــقة عرب هاردوير أنا بأقابل مشكلة عويـــصة جداً ومحتاج فيها حل جذرى علشان كده ملقيتش غير

هنــا علشان أطرحها عليكم لأنى عارف ومتأكد بإذن الله تعالى 100 % إنكم هتحلوهالى والمشكلة بإختصارهى :

أنا واخد كابل دى إس إل من سنترال هو بعيد عنى شوية بس السرعة عندى بتوصل ما بين 250 و 350 كيلو بايت

ده الطبيعى لحد هنا وتمام أوى بس يوميا لازم بيقطع عنى لمدة 4 أو 5 ساعات بكذا طريقة (( ممكن الكابل يكون

مفصول وده أحيانا أو نادراً --- او يجيب لى علامة تعجب صفراء وده فى الأغلب ---- أو بيكون شغال بس مبيبقاش

فيه تصفح ولا داونلود وده يومياًوهنا باجى ابص على لمبة الكارت أجدها بتنور وتطفى بسرعة كأنى بعمل داون لملف لكن

من غير وجود تصفح أو تحميل ))))

مع العلم إنى واخد من سويتش وليس الراوتر ... وجربت الكثيرر من البرامج والحلول اللى تجعل النت ميعملش كده

لكن بدون فايدة مثل ((( AntiArp - AntiNetCut - والعديد من التويكرز اللى بيتقال إنها بتسرع النت وتمنع فصله ))))

إخوانى كل اللى عاوزه هو حلول ولو صحيحة بنسبة 80 % علشان أنا بجد تعبت جداً بس بدون فايدة يعنى عاوز أحمى

النت عندى من السرقة أو إنه يفصل أو السرعة تقل

ومعلش حاجة كمان ... هل يوجد برنامج او طريقة لعمل ريفريش للكونكشن اوتوماتيك

وهى ده مشكلتى الوحيدة أرجو منكم أنكم تساعدونى فيها ويبقى لكم جزيل الشكر

**The King2** · 29-09-2009, 23:41

مشكله علامه التعجب على الكونكشن دى سببها إن السويتش مش واصل للرواتر أو الراوتر مفصول :ah7:
مشكلة فصل النت لمدة معينه !:confused:
إيه اللى بيكون ظاهر عندك فى الفتره دى بالظبط علامة تعجب ولا كارت الشبكه شغال تماام و لاقط Recevied

**sharr** · 30-09-2009, 04:42

ممكن اعرف عزيزى koz!ka ازى كنت موصل من السنترال على خط التلفون او موصل من محل نت ؟؟؟

**waledakmal** · 30-09-2009, 07:07

لو سمحت علامه التعجب دى بتظهر عندى لما الاى بى بتاعى انا ماكنش كاتبه عشان كده هوه مش لاقى منفذ لمزود الخدمه لو انت حطيت الاى بى هيدور على مزود الخدمه ويشتغل لكن يقطع ويفصل الله اعلم بس الاكيد لازم تحط ايبيهات عشان تضمن ان جهازك ماياخدش الراوتر اوتوماتيك وده بيحصل لو حضرتك عندك فايروسات لاقدر الله وبالتالى ممكن يفصل الشبكه كل 5 دقايق ويرجع ويفصل ويرجع يعنى لازم تحط اىبيهات

**koz!ka** · 30-09-2009, 08:15

المشاركة الأصلية كتبت بواسطة The King2

مشكله علامه التعجب على الكونكشن دى سببها إن السويتش مش واصل للرواتر أو الراوتر مفصول :ah7:
مشكلة فصل النت لمدة معينه !:confused:
إيه اللى بيكون ظاهر عندك فى الفتره دى بالظبط علامة تعجب ولا كارت الشبكه شغال تماام و لاقط Recevied

سعات بتبقى علامة تعجب وسعات بيقى لاقط ريسيفد

**sharr** · 30-09-2009, 11:02

علامت التعجب زى مقال الاخ هى مشكله فى الاى بى ولاكن علامت التعجب ظهرت لى عندما اخذ شخص نفس الاى بى الخاص بى من الشبكه............ يمكنك المحاوله و تغيير الاى بى ........ و بالنسبه لفصل النت انت تحتاج انتى فيروس قوى و اعمل اسكان على الدريفرات

**__eRa__** · 30-09-2009, 13:22

السلام عليكم ورحمة الله وبركاته

أنا واخد كابل دى إس إل من سنترال هو بعيد عنى شوية

ماذا تقصد بهذا الكابل وما هي طبيعت السنترال المذكور؟ هل الراوتر لديك أم أنك على وصلة مع السنترال؟ وكم المسافة بالضبط؟

لو أنك على كابل إيثرنت أو ما يسميه المستخدم العادي بكابل النت فيجب ألا تزيد المسافة بين جهازك وما يتصل به سواء راوتر أو سويتش عن 100 متر. فإذا كانت المسافة تزيد عن ال 100 متر فيجب وضع سويتش في منتصفها بحث لا يزيد أحد النصفين عن اتل 100 متر أيضا.

قد تكون المسافة أقل من 100 متر ومع ذلك يعمل الكابل في أوقات ويتوقف في أوقات. السبب في ذلك هو العوامل الجوية التي قد تؤثر على الكابل وأكبرها تأثيرا الرطوبة ويزيد تأثيرها إن كان بالكابل توصيلات أو تقطيعات. فتجد الكابل يعمل إذا اشتد الحر ويقل أداؤه إذا زادت رطوبة الجو ليلا.

السرعة عندى بتوصل ما بين 250 و 350 كيلو بايت

ده الطبيعى لحد هنا

كم سرعة الخط؟ وكم عدد المشتركين عليه؟ وكم عدد الساعات اليومية التي يصل إليك الكونكشن فيها بهذه السرعة؟
بحسب سرعة الخط وعدد المشتركين المتواجدين معا في لحظة معينة وطبيعة استخدامهم للكونكشن تكون سرعة الخط مقسمة على المشتركين بحسب هذه العوامل مجتمعة.

الواضح من كلامك أن سرعة الخط لديكم 4 ميجا وهي في أغلب الأحوال لن تكون فعلية لأن البنية التحتية الموجودة حاليا لا تتحمل هذه السرعات. وإن تصادف وكان الخط يتحمل هذا السرعة فستجد أن الشركة قد زحمت السنترال بالخطوط وحملته أكبر من طاقته بحيث تجده يحتاج إلى سرعة أكبر ليلبي طلبات الخطوط. وستجد الخط يعمل بسرعة 350 كيلو في أوقات متفرقة وقليلة. حوالي 8 ساعات يوميا تبدأ من بعد الثانية صباحا.

يوميا لازم بيقطع عنى لمدة 4 أو 5 ساعات بكذا طريقة

ساعات متصلة أم منفصلة؟ محددة التوقيت أم غير محددة التوقيت؟

إن كانت هذه الساعات متصلة وفي توقيتات شبه محددة ففي الغالب أن أحدهم أو صاحب الوصلة نفسه يقطع عنك الاتصال والطرق مختلفة لذلك. والسبب في قطع الاتصال هو استهلاكك لمعظم السرعة بحيث تحرم المشتركين الآخرين.

يجيب لى علامة تعجب صفراء وده فى الأغلب

هذه العلامة سببها عدم قدرة الجهاز على إيجاد ال DHCP Server
وأسباب ذلك متعددة:

تهنيجة في الراوتر مما يستلزم عمل ريستارت
توقف خدمة ال DHCP إما تلقائيا أو بفعل فاعل
انقطاع اتصالك بالراوتر
عطل في خدمة ال DHCP client لديك. (صادفت جهازا تعمل فيه هذه الخدمة نهارا وتتوقف ليلا !!! قد يكون بسبب إصابته بفايرس)

لتجنب نفسك هذه المشكلة سجل أرقام ال IP التي ينجح جهازك في الحصول عليها إحدى المرات ثم سجلها بشكل يدوي على الجهاز. وعن طريق أمر ال Ping تستطيع معرفة هل اتصالك بالراوتر وكذلك الانترنت موجود أم به مشاكل في أي وقت تحب.

بيكون شغال بس مبيبقاش

فيه تصفح ولا داونلود

هذا معناه أن جهازك قد نجح في الحصول على أرقام ال IP ولكن تم قطع الاتصال عنك لكن جهازك لن يظهر ذلك إلا بعد انتهاء وقت ال Lease

لمبة الكارت أجدها بتنور وتطفى بسرعة كأنى بعمل داون لملف لكن

من غير وجود تصفح أو تحميل

هذا يدل على أحد أمرين:
الأول أن أحدهم يستخدم برنامج لقطع النت وقد قطع الاتصال عنك.
الثاني هو وجود فيروسات على الشبكة.

وجربت الكثيرر من البرامج والحلول

يجب تجريب كل برنامج بشكل منفرد ولا تجرب برنامجين في نفس الوقت. بالنسبة لي لم أجد أفضل من ال Antiarp وهو مستعمل لدي على نطاق واسع.

أحمى

النت عندى من السرقة أو إنه يفصل أو السرعة تقل

لن أحدثك كيف تحمي النت لديك من السرقة ولكني أحب أن ألفت انتباهك لشيء مهم. يا أخي احترم حقوق الآخرين شركاءك في الوصلة حتى يحترموا حقك ولا يقم كل واحد منكم بالعبث. قيامك بعمل دونلود بالسرعة الكاملة للخط يحرمهم من الاتصال. يجب أن يكون هناك اتفاق بينكم على مواعيد الدونلود. وكذلك مواعيد أخرى يحترم كل منكم فيها حقوق الآخرين فلا يقوم بعمل دونلود فيها أو مشاهدة فيديوهات أونلاين.