السلام عليكم

الموضوع اللى هتكلم فيه مهم للغايه

انا هتكلم عن مصر و حب مصر

طبعا كلنا عارفين ان ظروف البلد صعبه و فيها مشاكل و متاعب و ماحدش مستريح فيها

سمعت كتير من ناس انهم نفسهم يسافروا بره و يسبوا البلد و انا منهم

لكن لم اسمع احد يقول انه بيكره مصر

بجد يا جماعه فيه حاجه غريبه بتشدنى لمصر و انا مش عارف ايه هيا بس انا حاسس ان مصر بتختلف عن اى بلد فى العالم

فيه واحد صاحبى مره كان بيتكلم معايا و انا قلتله دا مصر بيها و عليها و نفسى اسافار و مش راجع ليها تانى

رد عليا بسؤال صعب جدا اصدمت منه
قالى : لو قالولك تاخد مليون جنيه و تسيب مصر و تطلع بره بس بشرط لا ترجع مصر تانى

طبعا فى الاول قلت هاخد لكن بعد ثواننى من التفكير قلت و لا ملايين الدنيا كلها تساوى ليله من ليالى مصر

طبعا الواحد تعبان فى البلد دى و كلها وسايط و و و و لكن هيا مصر بجد ام الدنيا

انا معاكم ان فيه ناس بتسب و تلعن فى البلد لكن المقصود هو السب فى المشاكل اللى البلد و ليس البلد نفسها

انا بالنسبه ليا بركب مواصلات ما يعلم بيها الا ربنا و كل يوم وش و ما بعرفش اخلص مصلحه الا بطلوع الروح و المشاكل فى كل ناحيه لكن فى النهايه تاتى لحظات معينه اعشق فيها تراب البلد دى

كفايه هواها و نيلها و شط اسكندريه كفايه ليلها و قمرها

انا بقعد باليل ببص على القمر و بقول هل القمر ده اللى بالجمال ده موجود فى كل دول العالم و لا فى مصر بس
سؤال ممكن يجاوبنى عليه اللى بره مصر

بجد يا جماعه مصر دى ام الدنيا

ربنا يحفظها

ان عايز اسالكم نفس السؤال


لو اتعرض عليك مليون جنيه و تسيب مصر و ماترجعش ليها للابد هل توافق ؟؟؟؟؟؟؟؟؟؟

انا بالنسبه ليا لا اوافق ابدا مهما حصل