مراجعتي للسماعات الجباره Creative Inspire T6200

[Doctor Medo]

شكرا لكل الشباب اللي باركولي و اللي قيموا الموضوع و قيموني

@نت كروزر

السماعات دي المغناطيس بتاعها معموله شيلد او درع لتجنب هذه المشكله

و انا حاليا شغال بالكرت البلت ان ممكن مستقبلا افكر اجيب كرت صوت

الكيبورد نوعه Aopen KB-600 ب 95 جنيه و عليه ضمان 6 شهور جبته من محل في الشارع اللي بعد سوق العصر علي طول (تاني مره اجاوب السوال ده كان الموضوع عن الكيبورد مش السماعات !! :confused

@بيتر لوفر

طبعا اوفر كتير جدااااا

@خالد خليل

الله يبارك فيك و شكرا علي ال

[hamada999]

ألف مبروك مستر قلبظ تقرير رائع كنت هسألك نفس سؤال دكتور حسام بس انت جاوبت
ربنا يخليهالك و يخليلك جهازك على خير
للأسف معرفتش اقيم عشان السماعات :mad: مع ان الموضوع معمول عشان السماعات :D

[Maloush7al]

موضوع متميز ومراجعة جميلة يا مستر كلبظ

السمعات معاكسة معايا :o

[M Z]

الف مبروك يادكتور على السماعات الجديده .. تتهنى بيها ان شاء الله ياباشا

سؤالي انا بقى هايكون عن امكانيات الصب نفسه
كتير جدا ما بنسمع عن ان معظم الصبات الموجوده في السوق المصري بتفضل روعه تحت ليفيل معين من الصوت
يعني ايه ؟
يعني انا مثلا عندي Inspire M4500 ... كويس وكل حاجه
لكن تعالى بقى لما تعلي الصوت لأكتر من 80 % مثلا وانت معلي البيز في اغنيه
هنا بقى المشكله .. بيجيلك احساس كإنك بالظبط حاطت زبادي على ملوخيه وعليهم كاتشب ولسه طالعين من الفرن
ويبدأ ساعتها يجيلك صداع من سوء الصوت مصاحباً بشعور الندم على الفلوس اللي انت دفعتها

الصب بتاعنا انهارده بقى طمني ايه ظروفه من الناحيه دي
مع الاغاني الهاي كواليتي اللي الـ Bit rate بتاعها عالي .. لما تعلي الصوت والبيز لأكتر من 90% ايه النتيجه ؟؟
عايزك تشرحلنا النقطه دي بإستفاضه بعد إذنك يادكتور وتكلمنا عنها شويه بعد إذنك
ومستوى عمق البيز وقوته وقوة الصب نفسه وعلوه وهكذا ...
لإني منتظر المحروس logitech z-5500 لإنه من النواحي اللي ذكرتها فوق دي ما شاء الله مارد .. ولا الديناصورات في زمنها
بس الظاهر مافيش امل انه ينزل مصر فعلشان كده هاضطر امشي نفسي بأي حاجه بعد تجربتي الفاشله مع Inspire M4500
واللي بصراحه خوفتني جدا من الكرياتيف كله مش عارف ليه

طولت عليك يا دكتورنا معلش
تقبل تقيمي المتواضع

تعديل : اعذرني يادكتره .. تم التقييم ولكن نفس مشكلة السماعات
لازم طبعا تكون موجوده على اساس اننا في قسم الصوتيات يعني

[Doctor Medo]

الصب بتاعنا انهارده بقى طمني ايه ظروفه من الناحيه دي
مع الاغاني الهاي كواليتي اللي الـ Bit rate بتاعها عالي .. لما تعلي الصوت والبيز لأكتر من 90% ايه النتيجه ؟؟
عايزك تشرحلنا النقطه دي بإستفاضه بعد إذنك يادكتور وتكلمنا عنها شويه بعد إذنك
ومستوى عمق البيز وقوته وقوة الصب نفسه وعلوه وهكذا ...

بص يا ريسنا انا جبت اغاني 5.1 مخصوص عشان اجرب الكلام ده و الصوت اعلي حاجه في مستوي الباس اللي ريح وداني مكنش في اي زنه و لا اي حاجه لكن لما جبت اخره كان في زنه في السماعه المركزيه و لما دورت لقيت ان ده طبيعي في السماعات ال5.1 لكن الغريب ان الكلام ده مش موجود خالص في الجيمز حتي علي اعلي حاجه ,الافلام البلوراي نفس نظام الاغاني الدولبي

لكن في الاغاني العاديه و الافلام الريب كانت الزنه واضحه في السب نفسه لما عليته عن النص تقريبا و علي اعلي صوت في السماعات بس ده تفسيره بسيط السماعات دي نضيفه جدا و رينجها واسع جدا انا بسمع اصوات في الجيمز مكنتش بسمعها قبل كده لكن في الحاجات اللي صوتها مضغوط للاصوات و النغمات الضروريه فقط بيدي الزنه دي اعتقد مكان صوت المفروض انه يطلع ,ارجو اني اكون جاوبت النقطه دي

بالنسبه لقوة الصب و علوه معتقدش حد يقدر يجيب اخره و يقدر يقعد يلعب لعبه اكشن مثلا اكتر من 10 دقايق ,بقولك انا غمضت عيني و رجعت براسي ورا لما حصل الانفجار في لعبة باتمان

[V for Vendetta]

ألف مبروك ربنا يباركلك فيها
الأسئله بأه
هل حاسس بفرق في الأفلام العاديه ال700 ميجا والملفات الصوتيه ذات الجوده المتوسطه خصوصا ان كان عندك قبل كده كريتيف 2.1
هل هناك فرق يستحق؟
هي فيها وال ماونت لو ما فيهاش يبقي حاجه غبيه لو فيها يبقي كده اتحلت مشكلة المساحه بالنسبالك وممكن تحطهم علي أي حيطه ويبقي كدهعملت نظام محيطي حقيقي مش افتراضي
بالنسبه للأسلاك القصبره يبدو ان دي مشكله عامه ومتعمده في كل الفئات الفوق متوسطه زي السماعات اللي من الفئه دي حتي الوجيتيك اللي في الفئه السعريه دي فيها نفس مشكلة قصر الأسلاك لازم تجيب نظام احترافي عشان تلاقي فيه كل المزايا اللي أنت عايزها
أنا متكلم علي نظام لوجيتيك من الخارج لو مامشاش الموضوع مفيش قدامي بديل غير الكريتيف ودي فجوه كبيره في السوق انك تكون مجبر علي منتج بعينه بغض النظر عن جودته من عدمها
أخيرا في تفسير ان السعر أقل من بره كثيرا
ربنا يباركلك فيها

[HuLkY]

الف مبروك دوك كلبز

[ramy]

ألأف مبروك أخي..
تمّ التّقييم..
"هذه المشاركة بواسطة الهاتف الجوال"

[Black-Edition]

ماشاء الله
سمعات قوية جداااااا
ربنا يباركلك فيها مستر قلبظ

وانا على فكرة عندي
سماعات الفانتوم الى عندي عاملة شغل جاااامد جداا
هى 4 فى واحد
بس النوع الاصلى مش المازوري التعبان
وشغالة بقالها سنة وشوية اهه كويس جدا

[Doctor Medo]

ألف مبروك ربنا يباركلك فيها
الأسئله بأه
هل حاسس بفرق في الأفلام العاديه ال700 ميجا والملفات الصوتيه ذات الجوده المتوسطه خصوصا ان كان عندك قبل كده كريتيف 2.1
هل هناك فرق يستحق؟
هي فيها وال ماونت لو ما فيهاش يبقي حاجه غبيه لو فيها يبقي كده اتحلت مشكلة المساحه بالنسبالك وممكن تحطهم علي أي حيطه ويبقي كدهعملت نظام محيطي حقيقي مش افتراضي
بالنسبه للأسلاك القصبره يبدو ان دي مشكله عامه ومتعمده في كل الفئات الفوق متوسطه زي السماعات اللي من الفئه دي حتي الوجيتيك اللي في الفئه السعريه دي فيها نفس مشكلة قصر الأسلاك لازم تجيب نظام احترافي عشان تلاقي فيه كل المزايا اللي أنت عايزها
أنا متكلم علي نظام لوجيتيك من الخارج لو مامشاش الموضوع مفيش قدامي بديل غير الكريتيف ودي فجوه كبيره في السوق انك تكون مجبر علي منتج بعينه بغض النظر عن جودته من عدمها
أخيرا في تفسير ان السعر أقل من بره كثيرا
ربنا يباركلك فيها

الله يبارك فيك و عقبالك
اجابة الاسئله باه
مع تشغيل ميزة CMSS من كرييتف بيبقي في فرق واضح بعد تحويل الصوت الستريو الي 5.1 بس سوال الفرق يستحق في الحته دي و لا لا الصراحه ميستحقش انما الفرق في الجيمز و الافلام البلوراي يستحق و نص وزياده كمان انا بقولك في الجيمز بسمع اصوات مكنتش بسمعها قبل كده !!
السماعات فيها وول ماونت بس هنا في البيت لو خرمت في الحيط حيخرموني :D
اعتقد الشحن من اسيا لهنا ارخص منه لامريكا و اوروبا و ده سبب الرخص بفارق ضعيف حوالي 10 دولار طبقا لاقل سعر لقيته

[Doctor Medo]

اخواني هالكي و رامي 64 الله يبارك فيكم و عقبالكم باذن الله

جوليانو الله يبارك فيك بس الصراحه عمري ما استعملت او شفت في مصر سماعات احسن من الكرييتف الا حاجات قليله جدا و كانت تندرج تحت فئة المحترفين !! معرفش ايه نظام الفانتوم دي بس لو بتفكر في التغيير لا تتردد

[Black-Edition]

اخواني هالكي و رامي 64 الله يبارك فيكم و عقبالكم باذن الله

جوليانو الله يبارك فيك بس الصراحه عمري ما استعملت او شفت في مصر سماعات احسن من الكرييتف الا حاجات قليله جدا و كانت تندرج تحت فئة المحترفين !! معرفش ايه نظام الفانتوم دي بس لو بتفكر في التغيير مترردش

دي حاجة اكيده طبعا ان الكرياتف هى اقوي حاجة ماشاء الله
بس من 600 جنيه واطلع

لكن صب زي الى عندي ب 200 جنيه وعامل شغل كويس جدا
الحمد لله مكفينى مع انى سميع محترف جدااااا

ايه رايك اعملك ريمكس كله دب ورزع تجربه على سماعاتك
:D

[Doctor Medo]

دي حاجة اكيده طبعا ان الكرياتف هى اقوي حاجة ماشاء الله
بس من 600 جنيه واطلع

لكن صب زي الى عندي ب 200 جنيه وعامل شغل كويس جدا
الحمد لله مكفينى مع انى سميع محترف جدااااا

ايه رايك اعملك ريمكس كله دب ورزع تجربه على سماعاتك
:D

اول حاجه عملتها الدب و الرزع و ده اللي بعمله مع اي سماعات لما احب اجربها حتي الهيدفون :D

[badawy007]

ماشاء الله مبروكه عليك كان فى نوع تانى ب 1500 هل يستحق المبلغ

[H.E.R.O]

مبروووك عليك
اوعدنا يا رب بــ 2.1 حتى !!!! :p