النت بيفصل كل 3 دقايق ويرجع

**bhbh_77** · 28-10-2009, 19:24

النت بيفصل كل 3 دقايق ويرجع وغيرت السلك واتصلت بشركة النت ولسة النت زى ماهوة وجربت باسبليتر ومن غير اسبليتر فهلفى حل الموضوع دة مجننى بسبب انى بحمل اى حاجة مبتكملش

**bhbh_77** · 29-10-2009, 10:32

والمشكلة ان النت كمان بيفصل من 1 باليل بالظبط لغاية 1 الظهر يوميا ماالحل؟؟؟؟؟؟؟؟؟؟

**ossoo2020** · 19-08-2010, 13:21

انا برضو عندى نفس المشكلة على الرغم انى لوحدى و مدخل 1 ميجا لوحدى من شهر 6/7/2010 و حتى الان 19/8/2010
النت بيقع و بيفصل و دوخت و اتصلت مليون مرة بخدمة العملاء و هما يطلبونى
و عملت البدع .....جربت كذا راوتر و كذا سبليتر و جيبت سلك جديد و اتعرفت على ولد فى السنترال بص على وصلاتى فى البوس بتاع التليفونات اسفل العمارة قلى تمام و النت بيقع خالص و ملهوش مواعيد ثابتة ممكن يشتغل 5 ساعات و اللمبة تطفى و الدون لود يقف و يقعد كدة نص ساعة ممكن 3 ساعات و ممكن الليل بطوله و كل لما اتصل يقوللى كورلتى الخط كويس و تمام و النت شغال ...طب شغال ازى و و ايقونة النت (شكل الكمبونر او التوصيل ) موجودة بس مفيش نت
المهم فرمت الجهاز 3 مرات و حطيت الكاسبر ثم النورتن 2010 ....
بالله عليكوا المشكلة اية ؟؟ اخير حطيت فيشة الراوتر فى الحيطة زى ما قلوللى بلاش مشترك مع حاجة تانى ...برضوا نفس المصيبة
اعرفو المشكلة و دلونى انا و الله خلاص قطعت هدومى انا حاسس انى جيب مصيبة لنفسى بدخول النت لبيتى