مش باقى منى غير شويه ضي فى عنيا
انا هاديهوملك وامشى بصبر فى الملكوت
يمكن فى نورهم تلمحي خطوه
تفرق معاكى بين الحياه والموت
مش باقي مني غير شويه قوه فى إرادتي
حاسبي عليهم وانتى بتخطي
مش باقي مني غير شويه ضي فى عنيا
انا مش عايزهم
لو كنت يوم هالمحك وانتى بتوطي
فى معركه مافيهاش ولا طيارات ولا جيش
وانتى فى طابور العيش
بتبوسي ايد الزمان ينولك لقمه
بتبوسي ايد الزمان ينولك لقمه
من حقك المشروع
مش باقي مني غير
شهقه فى نفس مقطوع
وانا صوتي مش مسموع
يا حلمنا الموجوع
من المرور ممنوع
وانا صوتي مش مسموع
يا حلمنا الموجوع
من المرور ممنوع
مستني لما يمر موكب سلاطينك
ومش باقي مني غير شوية كفر بشروقك
على شوية رحمة من طينك
على شوية صبر من دينك
مش باقي منى غير شويه لحم فى كتافي
بلاش يتبعتروا فى البحر
ومش باقي منى غير شويه لحم فى كتافي
بلاش يتحرقوا فى قطر الصعيد فى العيد
بلاش لكب الصيد تناوليهم
خدي اللى باقى من الامل فيهم
وابنيلي من عضمهم فى كل حاره مقام
وزورينى مره وحيده لو كل الفين عام
الم الجراح يتلم
مش باقي مني غير شويه دم
متلوثين بالهم
مرين وفيهم سم
ومش باقى منى غير شويه دم
ما اقدرش اسقيكي مواجعهم
وبرضو ما اقدرش ارميكي وابعهم
يمكن فى مره تطلبينى شهيد
هاحتاج يوميها الدم
هاحتاج يوميها الدم
يمضى على شهادتي
كلمات الشاعر جمال بخيت
المفضلات