السلام عليكم ورحمه الله وبركاته
احتاج خبرتكم الواسعه في هالمجال في مساعدتي في تجميع اول جهاز لي
لحسن حظي ان اخي مسافر الى الامريكا لاجل عمل وبيرجع قريب
وهذي فرصه مناسبه لشراء جهاز جديد خصوصا اني ما زمان احتاجه بسبب ان جهازي الحالي اكله الغبار من قدمه
ومن حسن حظي ايضا ان قريب سيبدا عندهم يوم يسمونه Black Friday وهو يوم كل المحلات تسوي فيه تخفيضات
ولسوء حظي ان اليوم هذا هو غدا لذلك انا مستعجل جدا

نبدا بالموضوع :
احتاج كمبيوتر العاب يستمر معي لمده خمس سنوات او اكثر على الاقل دون تغييره (اذا امكن السعر طبعا)
مواصفات القطع:
ابغى كرت شاشه ومعالج يشغلي لعبه Company of Heroes و كرايسس وغيرها من الالعاب القويه من غير مشاكل او تقطيع (مو مهم يشغلها على الهاي)
وفي نفس الوقت باقل الاسعار
والهدف مو تشغيل كرايسس انما اظمن تشغيل الالعاب المستقبليه من غير مشاكل

وانا لخصت المطلوب بالتالي:
CPU - motherboard - RAM - hard drive - video card - power supplie - Case - شاشه
سؤال: هل نسيت شي ؟
ومن ناحيه كرت الصوت اذا كانت اسعارها غاليه فما احتاجها ,لاني بستخدم سماعه بلوتوث
اما اذا كانت رخيصه فاخذها احتياط

ملاحظات بسيطه:
- الشاشه Full HD , مقاس كبير , نوعها LCD , مواصفاتها ممتازه ومناسبه للالعاب وغيرها
- الهارددسك حجمه كبير قدر المستطاع
- لا احتاج مشغل الديفيدي لان باستخدم اللي عندي
-بالنسبه للكيس:
عطوني افضل الانواع الي توفر درجه حراره مناسبه لباقي القطع وانا بختار منهم
اهم شي يكون بارد ويحتوي على مخارج USB كثيره
واخبروني اذا كنت احتاج مراوح اضافيه

السعر:
اقصى شي 5000 ريال طبعا مع الشاشه
ومو لازم يوصل للـ5000 ريال اهم شي ما يعدي ال5000 ريال خصوصا اني بشتري ماوس وكيبورد وسماعه
واهم شي نطبق ( معادلة السعر مقابل الأداء) الي قالها اخونا unbeatable97 في موضوعه الرائع https://www.arabhardware.net/forum/showthread.php?t=118824
فانا ما عندي مانع ادفع اكثر (بقليل) اذا كان بيعطيني سنتين او ثلاث سنوات عمر زياده


وفي النهايه ادري ان الموضوع كبير وطويل شوي ولكن حبيت اعطيكم معلومات قدر المستطاع عشان يسهل البحث عن انسب القطع
وانا واثق كل الثقه بخبرتكم في مجال الهاردوير

وهذا موقع امازون لمعرفه الاسعار:
https://www.amazon.com/PC-Components-Computer-Add-Ons-Computers/b/ref=sa_menu_components4?ie=UTF8&node=193870011&pf_ rd_p=328655101&pf_rd_s=left-nav-1&pf_rd_t=101&pf_rd_i=507846&pf_rd_m=ATVPDKIKX0DER &pf_rd_r=1YPV61J0AQQMWRF1DWJR

للمعلوميه 5000 ريال سعودي = 1320 دولار امريكي