بسم الله الرحمن الرحيم
بعد الحمد والثناء على اشرف خلق الله كلهم
سيدنا وامامنا محمد صلى الله عليه وسلم
ثم اما بعد .....
موضوعنا موضوع نقاش وموضوع جميل بنحاول نسير على نهج الاستاذ العظيم احمد جوده اللى بهرنا بشرح ممتع جدا
فقررنا بمشيئة الله عمل بعض الدروس للنقاش خاصة الدروس اللى مش مفهومه اوى وانا واحد من الناس كانت صعبه عليا واانا بدرسها فقولنا نعمل بيها دروس خاصه بيها عشان تبقى مرجع لبعد كده وهنبدا بمشيئة الله ب
loop avodnes
مامعنى كلمة لوب loop :هى النقطه اللى ببتدى منها وبرجع ليها من تانى
عندنا نوعين من اللوب loop type
1- loop layer 2
2-loop layer 3
زى ماعملنا الاستاذ الرائع احمد جوده هنمسكهم واحده وواحده وهنفهم بمشيئة الله مع بعض نمسك اول واحده
1-loop layer2 :عندنا لوب بيحصل ف لاير 2 بين السوتشات وده اخطر اللوبات
وده سؤال مهم ليه لوب لاير 2 اخطر اللوبات ؟؟
لانوا معندهوش عمر هينتهى فيه زى اللوب بتاع لاير 3 اللى بين الروترات
والسؤال اللى محتاج اجابه دلوقتى هو ازاى نقدر نوقف لوب لاير 2 اللى بين السوتشات
قالك فيه بروتوكول اسموا spanning protocal
ايه فيدت البروتوكول ده ؟؟؟
البروتوكول ده هو المسؤال عن حذف اللوب اللى ف لاير 2 بين السوتشات
طيب فيه سؤال تانى حلو ايه هو تعالى نشوفوا
^^
^^
^^
^^
^^
ايه اسباب الوب اللى بيحصل بين السوتشات ده ؟؟؟
as the result of totpology redandant as(more than direction frome source to destnation )
فيه حاجه اسمها ريداندن تبولوجى بتحصل ف النيت ورك
مش فاهم يعنى ايه رديندن هقولك
redandant topology : المقصود بيها هو ان بيبقى عندنا اكتر من مسار ف الشبكه بتقدر تمشى فيه الداتا
بمعنى ان الدتا بتوصل device باكتر من طريق
طيب وايه تأثيرات الريدندين على الشبكه ؟؟
بتعمل اللوب
طيب وايه تأثيرات اللوب على الشبكه ؟؟
loop effect :
1-multiple copyes of the same frame
2-broad cast storm
3-mac address table unstubelity
جبتلكم صورة كويسه نشرح عليها وجبتها زى ماعلمنى المدير الرائع لومارك انى ادخل على جوجل واكتب صور ل السوتشات او الروترات واشوفها واعرف شكلها فانا عملت كده ودخلت جبت صور ه عشان نشرح عليها
هو ده الريدندن تبولوجى عندنا اكتر من مسار الدتا بتمشى فيه طيب نيجى نمسك الكلام اللى فوق اللى قولناه عن loop effect او تأثيرات اللوب
1-multiple copyes of the same frame
يعنى ايه مش فاهم هقولك بص ياسيدى نفرض اننا عندنا السوتش ج ده هو السوتش اللى بنعمل منوا يونى كاست لجهاز على سوتش ب فالدتا هتطلع من سوتش ج ف اتجاهين مختلفين وبكده كل واحد بيجيلوا 2copyes
2 كوبى او نسختين من الفريم frame 2-broad cast storm
لو قولنا ان سوتش ج عاوز يعمل يرود كاست فهيعمل يرود كاست لكل الناس اللى على السوتش ماعدا البورت اللى طالع منوا البرود كاست واحنا اتفقنا ان الداتا او الفريم بيوصل باكتر من مسار وكل ده بس الريدندن تبولوجى اللى المقصود بيها وجود اكتر من مسار ف النيت ورك بتاعتنا ف الريدندن تبولوجى او وجود اكتر من مسار ف nw هيؤدى الى حدوث حاجه اسمها broad cast storm
عاصفه من البرود كاست
3-mac address table unstubelity
اتفقنا ان فيه اكتر من مسار ف النيت ورك وده اللى بتعملوه الريدندن تبولوجى وانا بكرر كل شويه قاصد ان الناس تفهم اكتر وتدخل المعلومه اكتر عندهم
هنفترض ان فيه سيرفير متوصل على بورت f0/1 ف السوتش ج تمام كده
وعاوز يبعت داتا لجهاز على سوتش ب f 0/2 فكده هيطلع مسارين للداتا من السيرفير واحد هتروح ل سوتش ب والتانى هتروح لسوتش أ تمام سوتش ب هيعرف ان السيرفير موجود على f0/1 فهيكاتش الماك ادرس ويحفظها عندوا وسوتش أ هجيلوا الداتا فيكاتش الماك ادرس فهيحصل عندنا مشكله ف عمل ايديت دائما للمكان اللى فيه السيرفير لانوا جاى من طريقين مختلفين
معلش انا عارف ان النقطه دى مش هتوصل اوى ليكم لانى لازم اشرح على فديوا او اشرح احسن من كده على صوره بس عندى ظروف ان النت زى الزفت ومش هعرف حتى ارفع صور ليكم مشروحه عليها طيب ياعم افادكم الله عملت انت ايه دولقتى احنا عاوزين نفهم النقطه دى لانها معقد ه واحنا مش فهمينا
هقولك من الاخر انا هديك الحلول بتاعت الموضوع تاخدها وتسمع فديوا رقم 14 ف السوتشنج لمستر محمد سمير وادعيلى بعدها
طيب ايه هى الحلول او الامور اللى لازم اكون فهمها عشان اقدر افهم على طول
هقولك اوك بص معايا ....
1- لازم تعرف اننا بنكلم عن حاجه اسمها loop avodnes هتقولى فين دى
هقولك تعالى نرجع مع بعض لفنكشن function او الوظيفه او مميزات اللى بيعملها السوتش كانت ايه هى
السوتش ليه 3 وظائف وهما
1- learn mac address
2-forward and filter
3-loop avodnes اللى هو موضوعنا النهارده طيب كويس عرفت كده انت بتتكلم عن ايه طيب فين الحلول او المفاتيح اللى قولت هتدهلنا عشان نفهم loop avoadnes
هقولك بص ياسيدى انت عشان تقدر تفهم اليله دى كلها لازم تكون عارف شوية حجات وهما 1- يعنى ايه لوب 2-سبب حدوث اللوب 3-انواع اللوب 4- اخطر اللوبات اللى موجوده عندنا وايه حلها
5- يعنى ايه spanning tree protocal
6- what is meaning of redundant topology
مامعتى ريدندن تبولوجى
7- ماهى مميزات وعيوب الريدندن تبولوجى
لو عرفت اجابت الاسئله دى هتكون فهمت نص الدرس او تلت اربع الدرس وده شى ء كويس ف البدايه بقول ف البدايه لان الشاعر العظيم حافظ ابراهيم بيقول
عار على ابن النيل .... سباق الورى
مهما تقلب دهرهوا ... ان يسبقا
طيب نرجع بقى ونجاوب على الاسئله اللى فوق عشان نكون فهمنا نص الدرس
ولكن نسير على نهج مدحت شلبى وهو بيقول فاصل ونواصل
يجماعه بصوا لاول الموضوع وافهموا كويس هو الاجابة
عاوز اقول كلمه ف النهاية انا مش عامل الموضوع ده عشان واحد يدخل ويقول برافوا وكويس اعرف اسم الموضوع قبل ماتدخل ماتبقاش زى جماهير بتوع جنوب افريقيا بيصقفوا ويطبلوا وهما كاسبنين وهما خسرنين لا الموضوع بيقول مناقشه يعنى لازم تدخل وتسأل او تزود معلومات من عندك لاننا كلنا لازم نشارك ولازم نكون ايد واحده عشان نقدر نقف على رجلينا
*************************************
معلش هوقف الشرح لحد هنا لانى تعبان شويه ولسه راجع من الكورس بس عاوز اقول حاجه يجماعه انا مش قصدى انى اشرح لانى لسه بدرس زى زى اى واحد لسه بيدرس ccna اللى عاوز اوصولوا للناس ازاى يوصولوا الفكره للناس ويسهلوها ويتعلموا من الاسطورة احمد جوده اللى الناس كلها بتعشقوا وبتعشق شرحوا وانا واحد منهم لانوا بيشرح براحه وبسهوله خارقه وبيبسط المعلومه وبجيب عليها اكتر من مثال اه دى حاجه صعبه بس حاجه كبيره والواحد يفتخر بيها مش عيب انى حتى اكتب سطر واحد ف موضوع المهم يوصل لكل الناس والناس تفهموا العيب انى اعمل دروس كتيره والناس مش بتستفيد منها او مش قادره تفهم منها وياريت نلاقى اقبال وناس تكمل معانا عندنا والله ناس كويسه بس عاوزة شوية تشجيع مننا
يلا تصبحوا على خير
المفضلات