هلا أخوي وعليكم السلام
ادخل على اعدادات الشاشة نفسها من خلال الأزرار واختار نوع المنفذ الي موصل عليه الكيبل بالشاشة حاليا وان شاء الله تظهر الصورة معك .
السلام عليكم
أنا ولله الحمد خصلت تركيب الكمبيوتر كامل وهذا أول تجربة لي وماكانت صعبة, الكمبيوتر حالياً أمامي من أعطيه باور يشتغل تمام كل الهاردواير والفانس شغاليين, المشكلة إلا مواجهتني أني مو قادر ألاقي صورة أو شي لما أوصل كرت الشاشة أو كرت الفيديو بالشاشة, إستخدمت نوعين من الكابيلس HDMI cable and VGA cable الإثنين ما اشتغلوا معاي, كل ما وصلت بالشاشة يطلع لي مافي سيجنال أي أنه مافي إرسال, فالحقيقة ما عرفت وين المشكلة بالضبط خاصة أن الجرافيك كارد المروحة حقته تشتغل يعني الأمور كلها تمام. ولحد الحين متحير المشكلة إيس بالضبط, أتمنى تساعدوني
I'm using asus p6t ws professional and my graphic card is radeon HD4550.
هلا أخوي وعليكم السلام
ادخل على اعدادات الشاشة نفسها من خلال الأزرار واختار نوع المنفذ الي موصل عليه الكيبل بالشاشة حاليا وان شاء الله تظهر الصورة معك .
:)
والله زمـــان
أخوي عملت الحركة هذي مع الشاشة إلي معاي, مع الكايبلس
VGA cable= PC settings
HDMI cable = HDMI settings
والإثنين يظهروا لي أن مافي إشارة أو إرسال!!
طيب اطفىء الجهاز وافتح الكيس وفك كرت الشاشة وأعد تركيبه مرة ثانية .
واجعل الكرت راكب على الشق الأقرب للمعالج اذا عندك أكثر من شق عاللوحة .
ما تقصر يالغالي
بس عملت هذي الحركة بالأمس أكثر من 5 مرات غيرت سلوت ونفس الشي. وعملتها حالياً ونفس الشي المشكلة مازالت موجودة
هذا معناه ان الكرت فيه مشكلة ..
هل جربت تركيب كرت آخر عالجهاز ؟
للأسف ما عندي كمبيوتر ثاني, هل برايك أروح أشتري كرت آخر؟
الأفضل تاخذ الكيس معاك وتتأكد من الكرت الحالي انه لا يعمل وبعدين تشوف الكرت الجديد شغال قبل الشراء .
لأنه ممكن أيضا تكون مشكلة بالشاشة نفسها .
وبالتوفيق ..
الشاشة ما فيها مشكلة, دائماً اوصل بها اللابتوب & PS3
بغيت شورك يالغالي في كرت فيديو لأن خبرتي ضعيفة , مع العلم أني أستخدم الجهاز لمشاهدة الأفلام وتحرير الفيديو وإستخدام مكتبي
شكراً جزيلاً لك
واجهتني هذا المشكلة 3 مرات في العمل
والخلل كان من الماذر بورد
والله يالغالي غريب الماذر بورد جديد,بس والله ممكن, لأني مركب نيتوركينج أدابتر حق الوايرليس, واللمبة حقته ما إشتغلت أبداً
في ذات الوقت المروحة حقت كرت الشاشة تشتغل
على العموم أنا راح أشتري كرت شاشة جديد وأتأكد وين المشكلة بالضبط
خذلك كرت HD4770 هذا ممتاز لاستخداماتك , وأهم شيء تاخذ الكيس معاك حتى تجرب الكرت قبل الشراء .
شكرا لكم إخواني وما قصرتم, وبالخصوص مشرفنا
بس سؤال :
عند تركيب الجهاز هل وضعت مسامير نحاسية تحت المذربورد ؟
لا ما وضعت اي شي, أساساً الماذبورد مي مثبتة صح, فقط مسمارين من الجهة اليمني لارتفاعها
المفضلات