اتمنى الرد عليا
بسم الله
سلام عليكم
فى قدامى جهازين بنفس المواصفات تقريبا مع فرق 700 جنيه فى السعر
الجهاز الاول HP Pavilion dv6-1245dx Entertainment Notebook PC Refurbished
وسعره 4000 + شنطة + ماوس + ادوات تنظيف
ويمكن دفع 250 جنيه وجعل الهارد 500 بدل من 320
والجهاز التانى Toshiba Satellite A505-S6980
وسعره 4700 بدون اى اضافات
بصراحة انا محتار جدا $
انتوا ايه رايكم فى الجهازين واى الشركتين افضل
وهل معنى ان الجهاز Refurbished انه مش كويس
لان كذا واحد صاحبى شاريه Refurbished وشغال معاه تمام -
وفى ناس بتقول ان Refurbished افضل لانه بيكون خضع لتجارب كتير والشركة مش بتخرجة الا لما يكون 100%
فى انتظار ردكم _
وكمان عندى استفسار تانى - هو سعر موبايل n97 مستعمل كام وجديد كام فى مصر طبعا ؟؟
اتمنى الرد عليا
ياريت الرد ضرورى الان
أخى الكريم
مادام الحهازين نفس المواصفات يبقى اشترى التوشيبا للأسباب التالية :
توشيبا أفضل بوجه عام من إتش بي
الأجهزة ال Refurbished تكون معدلة نتيجة عيب تصنيع أو مرتجعة و طبعا العادى أحسن من المرتجع بإذن الله
ماتنساش صلاة الاستخارة
ربنا يوفقك
يعنى تعتقد ان الفرق اللى هو 500 ج يستاهل انى اجيب توشيبا
يعنى توشيبا دعمها كويس
وهل لها دعم فى مصر ؟ ولا الدعم فقط من خلال الشركة ؟
وكمان ايه رايك رايك فى مواصفات الجهاز عامة ؟
وما رايك فى شركة ايجبت لاب توب لانى مش من مصر وهيحنلى الجهاز ؟ فهل تعتقد ان الشحن ممكن يبوظ حاجة فى الجهاز ؟
وفى ناس اليفبرشيد افضل لانه كان فى عيب والشركة صلحته وتاكدت من خلوه من العيب
اما الجديد ممكن يظهر فيه عيب لان لما يخضع لنفس الاختبارات اللى خضع لها الريفبرشيد
هل الكلام ده صحيح ؟؟
بالنسبة لموضوع ال refurbished فأنا أرتاح شخصيا للجديد اللى ماتلعبش فيه
أما بالنسبة لتوشيبا فهى معروفة بجودتها و قوتها و دعمها فى مصر كويس لأن توكيلها هو توشيبا العربى , عشان كدة لازم تتأكد قبل ماتشتري الجهاز إنه ضمان الوكيل (توشيبا العربى) و ليس ضمان المحل
أما الشركة المذكورة فصراحة ماعرفهاش و لو حضرتك من مصر يستحسن تجيبه بنفسك ؟ أما لو انت من خارج مصر فيستحسن حضرتك تقولى حضرتك منين لأن لو حضرتك من الخليج يبقى أفضل تجيبه من عندك عشان السعر ممكن يكون أحسن
أما المواصفات فياريت حضرتك تقولها كاملة عشان أقدر أفيدك
هو الجهاز مش موجود فى توشيبا العربى ,, قالولى الجهاز ده امريكى ومش بيجبوه ,,
وانا م المنصورة ,, يعنى الشحن ممكن ياثر ع الجهاز ؟
ومواصفات الجهازين كاملة اضغط على اسم الجهاز فى الموضوع ومواصفاته كاملة هتظهر
وكمان عندى استفسار ,,
الجهاز الاتش بى هارده 320 واتفقت مع صاحب المحل انه هيغيره بواحد 500 مقابل 250 جنيه
فهل فيها حاجة ان الجهاز يتفتح ولا النظام بيختلف عن الموبايلات
لانى اعرف ان الموبايل المفتوح سعره بيقل -- فهل اللاب المفتوح ايضا سعره بيقل ؟
بالنسبة للاب توب ففتحه ما بيأثرش قوى
و لكنى انصحك ألا تفعل ذلك , ليه تشترى جهاز و تخلى حد يلعب بيه
أنصحك تجيب هارد محمول يو إس بي يتوصل من برة أحسن portable وتمنه برضه فى الحدود دى
و ليه تشترى بالشحن و فى هنا فى المنصورة أجهزة مشابهة و على فكرة انا من المنصورة و ممكن أفيدك و لو عايز تكلمنى على التليفون أنا تحت أمرك
و الأمريكى ده بيبقى مستورد من برة و ضمانه مش توشيبا العربى بيبقى عند المحل و ضمان العربى أفضل لأنه وكيل معتمد
ياريت رقم موبايلك لو مفيش ازعاج
لانى لفيت المنصورة كلها على جهاز بطاريته 12 خليه ,, مش لاقى خالص
المفضلات