السلام عليكم

انا عندى مشكله ظهرت فجاه من يومين ثلاثه اثناء ما كنت بلعب Mass Effect 1 ..

و هى ان و انا بلعب المرحله الاخيره فجأه الشاشه اتحولت لخطوط زرقا كدا و الصوت علق و مكنش بيسمحلى اعمل اى حاجه خالص .. و اللمبه الحمرا مكنتش بتنور ولا حاجه..

عملت ريستارت.. دخل الويندوز و بعد ما حمل شوية حاجات الشاشه اتوحلت اسود و برضو مكنش بيسمحلى اعمل اى حاجه و اللمبه الحمرا مطفيه ..

عملت ريستارت تانى و برضو نفس القصه ...

قفلت الجهاز و فتحته بعد شويه و اشتغل كويس يوم كدا..

انا مبطفيش جهازى و انا نايم عشان بكون بعمل داونلود.. لما صحيت جيت افتح الشاشه لقيتها سودا .. عملت ريستارت و لقيت ان الداونلود كان زى ما هو ساعة ما سبته يعنى من ساعة ما قفلت الشاشه و رحت انام و هو وقف تماما ..

و من شويه و انا بلعب Mass Effect 2 عمل كراش .. فتحتها تانى و عمل كراش بمجرد ما عملت load للسيف بتاعى ...

قفلتها و فتحت فيفا 2010 و لعبت شويه و بعدين الشاشه اتحولت لخطوط زرقا تانى.. عملت ريستارت..

قفلته و فتحته تانى و ادينى اهو بكتب الكلام دا .. انا عاوز اعرف بالظبط المشكله فين!! فى الرامات ولا البروسيسور لان من الواضح ان لما الموضوع دا بيحصل الجهاز بيتجمد تماما لدرجة ان حتى الدانلود بيقف و كل حاجه بتقف..

و شكرا..