افضل شركه انترنت في مصر ؟

[saraaa]

بسم الله
يا جماعه مشتركه في شركه te date بقالي سنتين تقريباا وكانت ممتازه جداا ولكن اخر 6 شهور بدات بقي مشاكل في السرعه بدرجه كبيره وبدا النت يقطع بدرجه لا تتخيلوهااا ... وكل ماتصل بيهم علشان اشوف ايه المشكله يقولوا طيب حضرتك موصله ازاي . طيب غيري السبليتر طيب غيري الروتر طيب مش عارفه ايه
المهم انا غيرت كل حاجه روتر وسبليتر وكمبيوتر كماان مش ناقص غير اني اغير البيت .ز واجي اتصل بيهم بعد كل ده يقولولي لا ديه مشكله في خط التليفون هاتي حد من الشركه خليه يشوف الخط الارضي عندك .. وجبت وقالي مفيش مشكله عندك . ولغايه دلوقتي النت بيقطع بدرجه كبيره
اللي مخليني بقي متاكده ان النت بيفصل من tedate نفسها هو اولا اان غيرت كل حاجه عندي .. ثانيا ان النت بيفصل طول النهاار ( اي الوقت اللي في ضغط كبير ) ومن 2 بليل لغايه 10 الصبح مثلا يشتغل زي الفل ومفيش مشكله .. ثالثا ان المشكله اللي بتحصل معايا ديه بتحصل مع اغلب اصحابي اللي مشتركين في tedate اليومين دولاا علي الخصوص
ف انا عايزه اعرف لو حد مشترك في link.net او egynet او raya او مصراوي يقولي الخدمه في اي شركه من دولا كويسه ولا لاء
في انتظاركوووووووووووووووووووووووووووو ضروري لو سمحتووووووو

[__eRa__]

الانترنت في مصر كلها يعاني هذه المشكلة باختلافات تتغير بتغير السنترال مقدم الخدمة والضغط عليه. ولا أمل في تغيير هذا الوضع قبل منتصف عام 2010 حين يتم تشغيل الكابلين البحريين المصريين الجديدين والذين سيضيفان سعات جديدة للمصريين بأسعار أقل من السابق.

الحل المؤقت المتاح لك الآن هو محاولة تغيير الشركة إن كان في السنترال مقدم خدمة آخر غير تي داتا مثل لينك دوت نت. أو استخدام عروض الموبايل.

[geekgirl]

الانترنت في مصر كلها يعاني هذه المشكلة باختلافات تتغير بتغير السنترال مقدم الخدمة والضغط عليه. ولا أمل في تغيير هذا الوضع قبل منتصف عام 2010 حين يتم تشغيل الكابلين البحريين المصريين الجديدين والذين سيضيفان سعات جديدة للمصريين بأسعار أقل من السابق.

الحل المؤقت المتاح لك الآن هو محاولة تغيير الشركة إن كان في السنترال مقدم خدمة آخر غير تي داتا مثل لينك دوت نت. أو استخدام عروض الموبايل.

هههههههههههه... صح 100%

المشكلة ان انا فاهمة كدة كويس و من الأول، مقعدتش الفترة اللي سارة كلها قعدت تعاني فيها، و احم... خدمة خاصة مدعومة حكومياً :D يعني كده عيب... بس خطوطها عادة من Egynet إلا لو حصل مشكلة عندهم بيقلبوا على Link.net شوية و بعدين يرجعوا..

حصلت معانا المشكلة دي أواخر السنة اللي فاتت... فضلت على راسهم اسبوعين، و يقولوا هيبعتوا حد يجرب مودم جديد، اقولهم يا جماعة ده مودم أمريكاني ماركة Siemens ثمنة كان 150 دولار و مشترياه BRAND NEW و شغال زي الفل، شوفوا ال Attenuation و ال SN Margin ... يقولي طيب أخبار ال ping ايه... هههههه
و بعد شوية حد تاني يكلمني و يسألني بعمل داونلود منين و يقولي ادخلي على yahoo games أو داونلوووووووود دوت كووووووووووم هههههههه :D
طيب بتستخدمي Download Manager ايه؟ يا عم بقولك و الله العظيم فايرفوكس و مفيش حاجة تانية مفتوحة و فاصلة كل الأجهزة التانية...

و بعدين حد تالت يكلمني يقولي ممكن نشوف اعدادات صفحة المودم (للمرة الثالثة أو الرابعة)
و هو فيه كام جهاز واصل على الراوتر؟ و هو انتي واصلة وايرلس و لا وايرد ؟ و انتي واصلة على المودم مباشر و لا فيه مطبات في النص؟ ههههههههههه

أقولهم يا جماعة أنا مهندسة شبكات ، ده انا اللي عاملة أسلاك البيت كلها عمرة ، و Splitter 2-wire من أمريكا بكيسه و كل الفلترات 2-wire و المودم و الراوتر أمريكاني و عندي أخوه بديله يعني عيب كده بجد ، احترموا غبائي يعني هههههه

يكلمني واحد آخر الليل من السنترال و قال قاعد قدام البورت بتاع ال DSLAM و يقولي فيه spike طالعه من عندك وقت ما بتبدأي ال download test ... قلتلوا قصدك من عندك؟ قالي لا، عندك، احتمال عندك فيروس او حاجة.. قلتله فايروس ما بيشتغلش غير لما انا أبدأ الداونلود؟ لا و فايروس Linux كمان أكيد حاجة جديدة و متطورة :D
مفيش جهاز ويندوز نجرب منه؟ يا سيدي فيه بس قولي انت عايز ايه بس.. كل ده عشان مش حافظين ping options غير لل command line بتاع مستر إكز-بييييييي :D نعمل ping و traceroute و كل اللي انت عاوزه بس قولي عايز ايه، عشان اخلص و اخش انااااااااااااام هههههههه

بعد حوالي 10 أيام و حوالي 4 تكيتات قلت من الآخر كده، انا شكلي هكلم جهة عليا.. واضح جداً انكم oversubscribed و بتعافروا.. المشكلة دي بتظهر جلياً في أوقات الذروة، و تبقى السرعة أقل من 1 كيلوبايت\ث، يعني أحسنلي أدخل على dialup ... و بعد الساعة 2 أو 3 الصبح لحد الساعة 10 كدة تقريباً معقولة جداً.. انا بقى الظاهر لازم أكلم جهة عليا .. مفيش بالضبط يومين و المشكلة اتحلت تمامــــــــــــــــاً.......

دلوقتي رفعنا سرعة الإشتراك ل 1 ميجا... المفروض بقى انو ال max rate يبقى فوق 100kb أو على الأقل 95-98 كيلوبايت\ث، نظراً لأنه المتوسط في عزة ال 512 بعد الفصال و الجدال كان بيعمل حوالي 45-51 كيلوبايت\ث
بس ، انت و حظك بقى .. شوية 40-50، شوية 30، شوية 60-70، و لو ربنا كرمك و سهرت ليلة لوحدك في شغل أو حاجة و احتجت اصلاً الداونلود، يمكن ربنا يكرمك و تاخد 80 أو 85 بالكتير...

من الآخر، احنا في مصر.. يبقى دايما من نصب لنصب، و عيش يا مواطن عيـــــــــــــــــــش

تونس اللي وضعها الإقتصادي أصعب، و أهي جنبنا مش بعيدة أوي، دلوقتي بقى أقل سرعة إشتراك فيها 1 ميجا (غير محدود) و سرعة قصوى طوال الوقت، و لو حسبتها تطلع بسعر ال 512 هنا .......

صباح الفل بجد.. الحمد لله على كل حال... كنا فين و بقينا فين... بلاش نفتكر أيام Intouch :D

[waheed omar]

أنا كمان مشترك فى الشركه الزباله دى وبعانى من نفس المشاكل ونصيحه هما دايمآ بيكذبوا علشان ما يجبوش الغلط من عندهم أما عن السؤال يحضرنى مثل فى هذا الموضوع (مره واحد راح يشترى كلب الراجل قالوا خش الزريبه (الحظيره)أختاركلب منهم قالواأختار أيه ما كلهم كلاب ولاد كلاب

[egyption]

السلام عليكم
انا كمان كان عندي نفس المشكلة مع TEdata وكانوا بيقولوا نفس الكلام بالظبط وخلوني اغير سلك التليفون وبرضوا المشكلة كانت بتبقي موجودة .. بس المشكلة دي مبتبقاش موجودة الا شهر واحد بالسنة هو شهر 7 بتحصل فيه كل المشاكل بيني وبين الدعم الفني بتاعهم انا بقالي اكتر من 3 سنين مشترك معاهم طول السنة الحمد لله مبيحصلش اي مشكلة الا نادراً لحد ما يجي شهر 7 وتبتدي المشاكل يخلص الشهر تخلص معاه المشاكل وبصراحة مش عارف ايه سبب ده . عموما ما علينا انا اول مرة حصلت معايا المشاكل دي اتصلت بالNATRA واشتكيت الشركة وعملوا معايا شغل حلو وبعد ما انا الي بقيت اتصل بيهم عشان النت هما الي بقوا يتصلوا بيا عشان يتاكدوا انه شغال تمام .. ولو الموضوع ده مجبش معاكي نتيجة .. انا ليا ناس اصحابي جربوا فودافون بقالم 3 شهور شغالين معاهم وبيقولوا عليها كويسه والنت مقطعش معاهم من ساعتها .. بس نصيحة خليكي مع TEdata ده من اكبر الشركات بمصر والضغط عليها كتير ...... انا اتعودت علي مشاكلهم :ah16:واتعلمت الصبر معاهم

[saraaa]

السلام عليكم
اتصلت بالNATRA واشتكيت الشركة وعملوا معايا شغل حلو

هي مين NATRA ديه ؟؟ وايه هو رقم تليفونهاا طيب؟؟وايه علاقتها ب TEDATE اصلا ؟؟

[khj2]

يعطيكو العافية ...والله يصبركو على هيك شركات
وانشاء الله تنحل المشكلة عندك saraaa :ah38:

[miro the king]

انا كان عندى نفس المشكلة وانا هلهالك انا كان عندى السلك بتاع التليفون القديم دة كان بتاع المصرية للاتصالات وكان بيصدفنى مشاكل فى النت بالعبيط لاكن اتصلت بيهم قلولى لازم تغير السلك جبت سلك جديد عمل نفس المشكلة بس مش زى الاول
اتصلت بيهم قالولى اتاكد ان السلك مفهوش قطع او متوصل بلحام قولتلهم دة لسة بكيسة قالولى هنحولك الخط الى المشكلات وهتلاكى الحل بعد ساعتين اعد 4 ايام مجليش حاجة قلولى ان الخط كفائة سيئة فلازم يتجدد قولتلهم دة لسية جديد قالولى يبقى الاسبلتر طب اقفل معانا وصل الخط منالسلك الطالع من البوكس على الروتر وكلمنا على الموبيل (اة يا موبينيل شفطانا :D)
عملت كدة وعقبال مدوست 1 ومش عارف اية وكدة راح واحد رزل رد عليا قلى النت عندك حلو قولطلوا يا راجل بس المشكلة من السنترال هتتحل باذن الله اعد اسبوع انها تتححل ابدا اخر مذهقت جبت سوكيت بتاع السلك وركبتة وبرضوا نفس المشكلة اتضصلت بيهم قالولى يا فندم فية مشكلة وبنحلها قولطلهم المشكلة دية لو متحلطش على اول الشهر فى وواحد اسمة فودافون الناس كلها بتشكمر فية ممكن اسلم عليبة اانا وصحابى اول مسمعوا الحكاية دية اقسم باللله النت عندى بيوصل ل70 كيلو بيت وهو سرعة 512 هههه
ناس مش بتاخد غير بال:ah24: ونصيحة اتصلوا يبيهم وافصلوا الاشتراك وروحوا فودافون منزلة 512 ب95 وداون برحتك وعيشى

[TEch Zone]

خالى بالك انك لو غيرتى الشركة لازم تستنى 6 شهور عشان تركبى مع شركة تانية او حتى مع الشركة اللى كنتى مشتركة معها (نظام غبى) :mad:

[saraaa]

خالى بالك انك لو غيرتى الشركة لازم تستنى 6 شهور عشان تركبى مع شركة تانية او حتى مع الشركة اللى كنتى مشتركة معها (نظام غبى) :mad:

ايه ده لا حضرتك 6 شهوور ايه .. هما اسبوعين بس .. ولا ايه؟؟؟

[saraaa]

شكرا ليكووووو كلكوو
هو زي ماقال الاخ eRA ان بتختلف من شركه للتانيه من ناحيه السنترال (ده اللي انا عرفته من بحثي علي الانترنت )
بس انا شاايفه ان النااس بتقوولي فودافوون كويسه .. فعلااا يعني فودافون بعد TEDATE ولا في شركه افضل؟؟

[Coolman4now]

- أنا غيرت من لينك دوت نت ، لتى أى داتا.

- العملية أخدت أقل من 6 أيام فقط لاغير ، وأدخال الخط الجديد أقل من أسبوع وواضح انهم عندهمش شغل اليومين دول :D

- وصلت مع تى أى داتا ، سرعة واحد ميجا ، بس المشكلة الوحيدة اللى معايا أن عمر الخط مابيعدى ال 100KBps مش عارف ليه ، عموما هصبر لحد ما الشهر دة يخلص وهتصل بيهم أشوف أيه الموضوع وأعملهم هليلة.

- بصراحة أنا كسرعة عمرى ماشفت أحسن من لينك دوت نت اللى الكل بيشتم فيها ، بس مع خطى القديم كنا خط أربعة ميجا وبدون أى تحيزات كنت بوصل ل 500KBps طول اليوم وبالليل كانت بتعدى ال 520 فعلا مش كذب ، ياريتنى ما لغيت الخط ، بس أضطريت عشان أتقرفت من الشبكة اللى كنت عاملها مع أصحابى وقررت أبقى لوحدى.

[optimus prime]

- أنا غيرت من لينك دوت نت ، لتى أى داتا.

- العملية أخدت أقل من 6 أيام فقط لاغير ، وأدخال الخط الجديد أقل من أسبوع وواضح انهم عندهمش شغل اليومين دول :D

على فكرة يا استاذ فادي سرعة الخط ف المباشر عندي 120 بس انا ايجي نت
وبتترقص يعني من 120-100 كدا لكن ف الغالب 120
والتورنت مش بتجيب ال100 اصلا

[egyption]

معلش انا كتبت اﻻسم غلط اسمه NTRA وده اختصار ﻻسم الجهاز القومي لتنظيم اﻻتصاﻻت https://www.ntra.gov.eg/arabic/DPage...?ID=236&Menu=4

[saraaa]

معلش انا كتبت اﻻسم غلط اسمه NTRA وده اختصار ﻻسم الجهاز القومي لتنظيم اﻻتصاﻻت https://www.ntra.gov.eg/arabic/DPage...?ID=236&Menu=4

لا عادي ولا يهمك انا بس مفهمتش الاختصار اصلا
طيب ايه هي رقم ال NTRA ولما اتصل اقولهم عندي مشكله مع TEDATE واقولهم المشكله عباره عن ايه .. وهما هيعملو ايه بعد كه بقي؟؟؟