>>> كرسى الأعتراف <<<

[Ҝ ђ Λ Ł Є δ]

1- ايه هواياتك المفضلة

2- يا ترى كانت دى هوايتك و إنت صغير و لا كان فى هوايات غيرها

3- صف لنا طفولتك بجمله واحدة

4- يا ترى فاكر ماما نجوى و سينما الأطفال

5- شخصيه كرتونيه كنت بحبنها و إنت صغير

6- أحكى لنا عن طفولتك كنت شقى و لا هادى

7- ماهي المو اقف اللي عرضتِ فيها اهلك للاحراج

8- هل كنت شخص ذو شخصيه قويه أم مغلوب عليه

9- اجمل موقف حصل لك بطفولتك ..ومازال عالق في ذاكرتك

10- رمضان و أيامه الجميله إبتديت تصوم و عمرك قد إيه

11- يا ترى عندك فانوس عايش لغاية دلوقتى :D

12- هل بكيت أول يوم درآسي

13- صف لنا أول يوم دراسي وكيف كان

14- ماهي المواد الدراسية التي كنت تحبها

15- ماهي احب المراحل الدراسيه إلى نفسك

16- إيه أكتر مكان كنت بتحب تتفسح فيه

17- بطفولتك كنت تبكي إذا ماجلست بالاول بالطابور اوالفصل

18- إيه أكتر لعبه كنت بتحب تلعبها مع أصحابك زمان

19- إيه اكـثـر الحلويات اللى كنـت بتحبها

20- إيه اسم اول مـدرسه درستلك ..؟ و كانت إيه أخبار الدراسه معاك

21- كام مرة إضربت علشان ما كنتش عامل الواجب أو حافظ الدرس :D:D

22- عمرك نطيت من فوق السور فى مدارس الأعدادى و الثانوى البنين الولاد

23- هـل كـنت تـعانـي مـن اخـطاء فـي مخـارج الحـروف

[Coolman4now]

- جوهرى ، هل لما شفت الـ HD5970 كنت هتخطفه وتجرى ؟؟ :D

[spidermohmd1]

جوهري .... أزاي أهلك كانو بيعقبوك لما بتعمل حاجة غلط ... لما كنت عندك 8-14 سنة ... و 15 لغيت دلوقتي ؟

[MF88]

^^

سبايدي مين ؟

ها ها

أ ن س ي !

مش قبل ما صاحب الموضوع يقعد :D

و لو مقعدش بالذوق هنقعده بالعافية :p

انا مش هنا :rolleyes:

[Orphan Naremo]

طلب هاام :p
على كل الاعضاء تذكر موعد انتهاء فتره جلوس الاخ العزيز المجوهر والذهاب لحال سبيله :ah4:
وان يتم المطالبه
( على صاحب الكرسى الاستاذ MF88 تجربه ) دا طباخ السم بيدوقه :ah50::ah50::ah50:

انا مش هنا :rolleyes:

(((( منور يا مجوهر الكرسى والكرسى لايق عليك جداً تحب نخلى المشرف على الموضوع يمدلك المهله اسبوع كمان:D ))))

س؟ كدا وانا نايم على نفسى ؟
س1 - ايه اكتر يوم مميز فى حياتك ؟
س2- من هو اكثر حد مميز فى حياتك الواقعيه ؟
س3- من هو اكثر شخص مميز فى المنتدى ( تتمنى ان تكون فى مكانته العلميه والمعلوماتيه ) ؟
س4- ليه وافقت انك تقعد على كرسى الاعتراف والكل يسألك مثل هيئة المحلفين فى المحاكمة ؟؟؟

[BlacK ShaDoW]

جوهري

الفيديو جيمز المفضلة ليك إيه ؟ غير Resident Evil طبعاء!
مين ممثلينك المفضلين ؟ (عرب - أجانب)
كنت شقي و أنت صغير ؟
أيهأخبار الخوازيق معاك ؟ (علشان عم Coolman يتبسط :D)ش

:ah50:

[ŤǾЯŊΛĐф]

جوهرى باشا ، أهلا وسهلا ، مش عارف أسأل عن أيه بعد كل الأسئلة دى بس يلا أدى شوية :

*مشاركاتك قبل الإشراف لم تكن كثيرة و مؤثرة بقدر ناس أمثال Hulky , Coolman4now و مينا فما سر إختيارك للإشراف ؟
*هل تشعر أنك لو كنت تعيش فى مكان غير كفر الشيخ كانت حياتك هتبقى أحسن ؟
*لو إبن عمك (Bionic man) عمل مخالفة ممكن تفوتهاله و لو أتوقف ممكن تتوسطله ؟
*هل تشعر بالغيرة من ابن عمك لأنه يعيش فى القاهرة ؟
*متى بدأت معرفتك بالكومبيوتر و هل تشعر أنك تأخرت ؟
*هو المشرفين بيقيضوا ؟ :D
*هتختار طعم أيه فى مسابقة شيبسى ؟

[Ayman is the 1]

بسم الله الرحمن الرحيم
توكلنا علي الله

اول اسئلتي في هذا الموضوع المتميز

هل عمرك قتلت فأرا ؟؟؟؟

اعذرني
انا صعيدي اعمل ايه بقي
من المنيا عروس الصعيد


استفسار خارج الموضوع ازاي اغير اسمي ؟؟؟
لأن الله هو الواحد الأحد

[miro the king]

سؤال رخم كدة
مين الى رشحك للاشراف واترشحت لية وبقيت مشرف عشان اية؟

من هو افضل لاعب كرة قدم فى نظك من حيث مصر ثم افريقيا ثم الوطن العربى ثم العالمى ومتنساش اوروبا

[محمد الجوهري]

بسم الله الرحمن الرحيم

1-هل مر عليك وقت كرهت فيه المنتدى وما السبب

لا أعتقد أنى كرهت المنتدى أبدا
و لك أن تتخيل منظرى أيام كان سيرفر المنتدى به بعض المشاكل
كنت أحاول فتح المنتدى و أجده لا يفتح .. أكون مثل المجنون :D
المنتدى له الفضل بعد الله فى معظم الاشياء التى تعلمتها عن الهاردوير
من خلاله كونت شبكه صداقات أعتز بها كثيرا
و يكفى أنه من خلاله تعرفت على إخوه من مصر و خارج مصر أيضا

2-هل تاخذ وظيفتك كمراقب على محمل الجد ام على سبيل التسلية على النت(او ماهي وظيفتك تحديدا هل تختلف عن وظيفة المشرف(انا ليس لدي خبرة كبيرة في النت ) )

و ظيفتى الأساسيه كمراقب إدارى تجدها موجوده فى الصوره فى المشاركه السابقه

735

و احاول طيله الوقت المحافظه على سير النظام فى المنتدى بشكل جدى بعيدا عن الهرج و المرج

3-ما هو احلى خبر اسمعته في حياتك وهل يوجد امر تحب ان يتكرر معك كثيرا

الحمد لله اولا و أخيرا
الأخبار الحلوه كثيره
و لكن أحلى خبر هو الذى كنت أنتظره بفارغ الصبر و كنت أخشى من عدم حدوثه
و هو نجاحى فى الإمتحانات فى الفصل الدراسى الأول هذا العام
فقد كنت متأكدا من أنى لن أمر بسلام
و لكن الحمد لله نجحت و حصلت عل ى تقدير جيد جدا

واسف على الازعاج بس استحملني شوي

بالعكس , مافى أى إزعاج

شايفين يا جماعه أسئله أخونا حسن , مريحه و بسيطه , و جميله :D:D
ياريت الكل يعمل زيه

[محمد الجوهري]

عم محمد الجوهري
إني أحبك في الله

أهلا أهلا أهلا بالغالى .. اخويا العزيز هيما

أحبك الذى أحببتنى فيه
يعلم الله كم أحبك و أتمنى لك الخير
أخ محترم و ذواق و خلوق ... بارك الله فيك

ماهي الطموحات التي تريد تحقيقها :D

الطموحات كثيره يا عم إبراهيم
المهم ان الواحد يكون عنده طموح يستاهل العيشه علشانه
مش مجرد طموحات خايبه مالهاش لزمه

فيه ناس فى الدنيا دى بتبقى أقصى أحلامهم انهم يقابلو تامر حسنى :D
أو مثلا يقعدو شويه مع عمرو أبو دياب :D , و يا سلام بقى لو اتصورو مع إليسار :D

أنا طموحاتى حتى الآن بسيطه
مش هأقول لك بحلم اكون عالم كبير , ولا بحلم إنى أكون ملياردير
لا , طموحاتى كلها قابله للتحقيق

نفسى الاول ربنا يسترها عليا فى الدنيا و الآخره
و بعدين عاوز أتخرج على خير
شويه و أشوف الجيش , و يا حبذا لو ربنا سبحانه و تعالى من عليا بنعمه إنى ما أدخلش الجيش ( صحيح أنا حابب أدخل الجيش , بس مش وقته دلوقت خالص )
بعد كده نفسى ما أصارعش كتير على ما أوصل للمكان اللى أقدر من خلاله أجمع الموارد اللى هتساعدنى فى تحقيق باقى أحلامى
نفسى أخلص جيش من هنا , و تانى يوم , ولا بلاش تانى يوم دى , كده أبقى طموح اوى , نقول تانى إسبوع مثلا أشتغل
بعدها بقى المفروض أعمل إيه ؟؟
لا غلط , مش اتجوز , قبل الجواز عاوز أطمن على أسرتى , نفسى أنقلهم لمستوى تانى من العيشه , و أرد لهم جزء بسيط من جميلهم عليا , نفسى أشترى لوالدى عربيه جديده , و نفسى أحقق امنيات إخواتى ( مش كلها طبعا , بس اللى أقدر عليه )
بعد كده هأتوجه للجزء الحاسم فى حياتى , و هو بالمناسبه الجزء الأصعب , الزواج , مش صعب علشان صعب يعنى :D
لا , صعوبته تكمن فى الإختيار , ربنا يستر و يرزقنى بواحده تستاهلنى ( مش بقول كده غرور و الله , بس فعلا أنا نفسى فى واحده تستاهلنى )
بعد الفيلم ده كله بقى , نفسى أكوّن أسرتى ... ربنا يرزقنى بالأولاد
و بعد ما أبقى أب , عاوز أنتقل للمرحله الأكبر من حياتى , أبقى الأب الروحى
نفسى أبقى أب للطلبه اللى هأدرّس لهم العلم , نفسى أغرس فيهم القيم و الأصاله و الاخلاق , عاوز فى الآخر أبقى أسطوره يتحكى عنها مئات السنين
عاوز أسيب أثر لا يُمحى فى قلوب و عقول التلاميذ دول , عاوز أبقى مربى فاضل و معلم أخلاق .
و بعدها نفسى ربنا يكملها بالستر حتى يأتى الله بأمره
نفسى أموت على الإسلام و يكون آخر كلامى لا إله إلا الله
لا إله إلا الله , عليها نحيا , و عليها نموت , و بها نُبعث إن شاء الله .

إيه رأيك فى حلمى الصغير
طماع انا صح ؟؟
ولا يملؤ جوف إين آدم إلا التٌراب

و الحمد لله رب العالمين

[mohamed790gx]

جوهري الغالي هنا وانا معرفش :eek:

استني يا حلو :ah51:

س1 :ما افضل المسلسلات او البرامج الي تتابعها سواء عربي او اجنبي؟

س2:ياتري كنت حاطط ايه في دماغك قبل مجموع 3ثانوي كان حلمك ايه؟

س3:مين من الاعضاء تتمني الجلوس علي جهازه لساعه واحده وهتعمل فيها ايه؟

س4:ايه اكتر تصرف متهور عملته في حياتك؟

س5:ايه افضل ماركات بالنسبه ليك في كل حاجه في الهاردوير ؟

س6:فين فيديو المحاضره الي قولتلي عليه :mad:؟

س7:من تتمني جلوسه علي الكورسي بعدك عشان تبهدله ؟(انا بهدي النفوس :D)

س8:ما اكثر موقف خلاك تخرج عن شعورك وطبيعتك الهادئه ؟

س9:من من الاعضاء تتمني انه يبقي مشرف ؟وليه؟

س10:ايه نفسك انه يتغير في البلد ؟

س11:وايه الحاجه الي تستاهل انك تضحي عشان تشوفها في وطنك؟

س12:تتوقع الخروج من مصر بعد كام سنه من الآن؟

ودول مجرد تصبيره

[nero&dante]

شكرا جزيلا على الرد

بالعكس , مافى أى إزعاج

شايفين يا جماعه أسئله أخونا حسن , مريحه و بسيطه , و جميله :D:D
ياريت الكل يعمل زيه

اخجلتني :p

[محمد الجوهري]

نبدأ فى الملحمه الرهيبه دى
هالك الظاهر بيحبنى أوى :

كده يا هالك

هو إحنا فينا من كده !!:mad:

1-Almost nothing , who dares ?
Some people do ask about the relationship between me and the coach , and I keep telling them that the coach is my Grandfather :D:D .They never believe and I never give up :p.

تقريبا مفيش تعليقات كثيره على كلمه الجوهرى , بس تصدق ان فيه ناس كانت بتسأل , و المصيبه إنهم بيسألو بجد . أنا بقى أستهبل و أقول لهم جدى ربنا يوفقه , الجوهرى باشا , راجل محترف يا جماعه و أقعد أتكلم شويه و بعدين يقولو لى مثلا : و بيتصل بيكم دلوقت من الأردن , أقوم قايل : الأردن :confused:
هيتصل ازاى يا جماعه ؟ الراجل الله يرحمه و قبل ما حد ينطق أقوم قايل : الفاتحه على روح جدى الجوهرى :D:D

-------------------------------------------------------------------------------

2-In some ways , yes .I have gained a good rank among people , since they point at me and say," This guy can speak English like an American ":D:D (They are not true BTW ) , my accent is awfully BAD .
Apart from people's opinion , I don't think that my study had any effect upon my way of thinking . I am still the same , and I don't know why .
May be because I am a genuine Muslim Arab Egyptian man , and my mind absorbed their values into a great deal .
The mail advantage of studying English is that I acquired the ability to navigate , communicate , and getting closer to great nations as well as massive foreign culture , in which , I knew for the first time such great writers , poets , and thinkers . And truly , I was inspired in some occasions by what I've learned. But not to the extent that should be expressed by " made a difference in your way of thinking " .

و الله بص , أكيد طبعا الدراسه بالإنجليزى لها تأثير كبير , لأن أى شخص هيحتك بثقافات أخرى او بشعوب أخرى هيتأثر بيها In one way or another
بس أنا ما إتأثرتش جامد , ولا تغير أسلوبى فى التفكر , أنا مازلت زى ما انا
كل يوم بتعلم حاجه جديده و بكتسب قيمه جديده , و لكن معظم القيم دى شرقيه خالصه , حتى ده بيظهر من خلال كلامى و اسلوب لبسى و تصرفاتى مع الغير , صعب أوى إنى أساير الموضه على سبيل المثال , و أعتقد إنكم هتستغربو جدا لو قلت لكم إنى من أكثر من سنتين لم يمس جسدى بنطلون جينز !!! , مش لأن وحش أو عيب لا سمح الله , لانى لقيت ان الموضه اللى ماشيه اليومين دول مش هتآكل معايا عيش :D , مش انا اللى ألبس بنطلون مخطط و مقلم , و واقع عليه مش عارف ايه , و جيوب ياما , و ب 88 زرار :D:D
لأ , أول حاجه بعملها قبل ما أقدم على أى خطوه , مهما كانت الخطوه بسيطه و تافهه , إنى أفكر الاول , هل هى صحيحه من وجهه نظر الدين , هل هى صحيحه من وجهه نظر المجتمع و قيمه , و على فكره انا لا أقصد بالقيم هنا قيم اليومين دول , لا أنا دايما بحاول أخلى عقليتى قديمه حبتين ... ممكن البعض يشوف كده عيب كبير , لكنى مقتنع بيه تماما , و فى الآخر بييجى آخر إختبار : هل اللى أنا هأعمله ده موافق لقيم الرجوله ؟!!!
ماهو مش معقول أبقى راجل , و أمشى مسقط البنطلون , ولا ألبس سلسله زى الحريم , ولا حظاظه مثلا !!

و عليه فأنا إتأثرت بالإنجليزى و بثقافه وقيم المجتمع الآخر فى الحاجات المفيده فقط , إحترامهم للوقت , إحترامهم للعقول , إحترامهم لتاريخهم .

----------------------------------------------------------------------------

3- Disgusting !!
Not the era , but people of the era , I've grown seeing them getting more cruel , avid , selfish , diabolic .... Of course they are not all the same , but the majority are likewise .
Materialism has taken away the good side of many people , they are only chasing money , food and above all , Sex !!!
Is it worthy to live in ? ... This is a bewildering question , man . But , as you know , we can't choose whether to live in or live in another one , you are not in a cassette tape where you van rewind or fast forward .
This is who we are , this is what we do , this is our destiny . You may be able to change it a little bit . But it will be in vain , it will still the same , so here is the deal : Take it or leave it !!
Old is gold : Couldn't agree more

بص يا محمد , أولا مش هينفع نعيب فى الزمن حتى لا نسُب الدهر , الزمن ماله و مال اللى بيحصل , الناس يا محمد هما اللى إتغيرو و أنا مش هأقعد أقول أمثله و غيره ,. فاكر موضوع ال.... ؟ متهيأ لى ان الناس دلوقت همها الأكبر جمع الاموال بأى طريقه كانت , ناس مها ( يعنى مهابيش , و فيه بعض اللغويين بيعتبروها مهابيل :D , أصلى بقص الكلا , الكلام يعنى :D )
و ياريتهم بيجمعوها بشكل عادى , لا تلاقى الواحد عامل زى القطر اللى ماشى و ما حدش قادر يوقفه , و فى نفس ذات الوقت عمال يدوس على الناس الغلابه اللى فى طريقه , مفيش رحمه , مفيش تفاهم .
الناس بعدو عن ربنا , و ظنو أنهم خالدون مُخلدون , الدنيا اصبحت أكبر همهم و مبلغ علمهم . إرجع لورا عشرين سنه كده و شغل التليفزيون و إقرا الجرائد , إتفرج على الحوادث يا محمد , هتلاقى اشهر جريمه فى التاريخ ريا و سكينه مثلا ؟ , دلوقت بقى نص الناس ريا و سكينه , القتل بقى عادى و النهب بقى عادى و الزنا بقت عادى و كل حاجه بقت عادى , ما عدا فيه حياء ولا أدب
بص فى الشوارع للبنات عاملين ازاى , شوف التصرفات و قله الأدب
يا أخى أنا اتصدمت لما كنت ماشى فى يوم و لقيت ماشى أدامى 4 بنات شكلهم كده فى ثانيه ثانوى المهم لقيت بنت فيهم بتبص نظره حنونه كده و بتوشوش صاحبتها , قلت أكيد مثلا تعرفنى ولا حاجه , عادى يعنى .
مشيت خطوتين لقيتها بتقول لصاحبتها : بس عارفه القميص ده جميل أوى , و هو أجمل !!! , قالت لها التانيه : و أنا بقول مصر عماله تفوز اليومين دول ليه ( أصلى كنت لابس أبيض فى أحمر :D ) , قامت الثالثه قالت لهم : هو تقلان عليكم و مش بيرد ليه !! ... كل ده و أنا عمال أبرق و مش مصدق نفسى من اللى بيحصل , البنات بقة بيعاكسو الولاد فى الشارع , منظومه القيم الاخلاقيه إنهارت و الحياء و الأدب إنهار أمام وسائل الإعلام والثوره التكنولوجيه الحديثه .
اللى عاوز أقوله انى كنت أتمنى فعلا أعيش فى زمن ثانى , و لكن لو جيت تبص هتلاقى ان كل فتره لها مساوءها و مزاياها , و على أساس كده
الواحد يحمد ربنا على اللى هو فيه , و يحافظ على نفسه , و يحاول يتمسك بدينه و باخلاقه قدر المستطاع , ولا يكتفى بكده و بس , ياريت دايما يحاول يطور نفسه و يحسن من أخلاقه , مش هو لوحده , و من يعول !!

نسأل الله السلامه

-------------------------------------------------------------------------------

4- I live in a village , as you know , girls here are much more different from girls in the city . You hardly see a girl talking to a boy in the street , for instance . There are rules , and I am not saying that all of them are angles .I think that mobile phones have a crucial role in the demoralization of girls today !!! . You may agree or disagree with me , but I think that phones have made the task too simple and easy .

The classification varies , for instance :

1- Corrupted ones :
Those who had relationships with men ( I don't mean sexual types of relationships here , girls who get involved in sexual acts are w*o*** in my point of view ) . Back to our point , I think that any girl who exchange love with a boy is Corrupted !!! . Women can only have love relationships with men within certain steps which are : engagement and marriage , any relation out of this scope is completely unaccepted and forbidden .

2- Liberal Girls
Those who think that they can make friendship with men and go out with their friends ( men ) . And I believe that there is nothing to be between women and men apart from : marriage , relative , and colleague ( in work or educational institute , I mean ). So , simply speaking , friendship between man and woman is an alien concept!!

3- Straight Girls
The most significant , respected , and admired type of girls . Those who are still clinging to ethics , those who are still grasping at religious values . And those who I aspire to marry one of'em .

البنات ... البنات ... ألطف الكائنات
فعلا ألطف الكائنات , مخلوقات رقيه جميله لطيفه , بس بشرط , إنهم يتمسكن بسجيتهم و فطرتهم التى خلقهم الله عليها , و الأهم تمسكهم بدينهم و بأخلاق السابقات الطاهرات الشريفات .

إنما النهارده الوضع أصبح مختلف تماما , و طبعا لأن التعميم خطأ ( سواء فى قطع الهاردوير او فى صفات البشر :D , فالبشر متباينين فى كل شئ بدءا من الصفات الأخلاقيه , وصولا للعقليه , و حتى الجسديه )
خلينا نقول 70 % , البنات ما عادوش بنات يا عم محمد . البنت النهارده بقت بتعمل حاجات غريبه , من لبس و مشيه و تصرفات و طريقه كلام و ... و .... و ..
و عموما خلينا ندخل على التصنيف على طول :

1- البنات الفاسدات

آه فاسدات , البنت لما تسمح لنفسها انها ترتبط بولد فى علاقه بعيدا عن النور و بدون علم أهلها و تبادل الحب مع الواد فى الشارع و فى الكافيتيريات و فى التليفون و على النت , يبقى باقى لها ايه تانى ما عملتوش , و الله العظيم الواحد بيبقى متألم من رؤيته للمناظر الغريبه دى . إزاى يا جماعه يحصل كده ؟ إزاى بنت تسمح لنفسها إن ولد غريب يقعد معاها و يمسك إيديها و يا عالم ممكن إيه تانى يحصل !! , إزاى تسمح لنفسها إنها تبقى لحد غير اللى جه يرتبط بيها فى النور و بعلم اهلها ...
بصراحه كده أنا شايف إن العلاقه بين الولد و البنت لازم تبدأ على المحجه البيضاء , انا فلانه بنت فلان عجبتنى ... حلو أوى , عاوز إيه يعنى , أكيد عاوز (....) , اللى بين القوسين ده بقى أول المشكله , يا ترى عاوز تتجوزها و تمشى فى السليم , ولا بتحبها و عاوز تمشى معاها يومين لحد ما ربنا يفرجها و ساعتها أبقى أروح أطلبها للجواز , و غالبا هى هتكون إتجوزت و خلفت كمان قبل ماهو يكون إتخرج لسه من الكليه ... ده غالبا يعنى اللى بيحصل ...

يروح يكلم البنت و يمطرها بوابل من عبارات الإعجاب , هتتمنع فى الاول بس شويه و معظمهم بينهار أمام الواد العسول ده :D , و هنا بدأت العلاقه
نظرات و همسات و لمسات و عبارات و غيره و غيره

هل هذا يجوز من وجهه نظر الدين , طب الاخلاق ؟ , طب العٌرف ؟
حد يقدر يقول إن ده صح ؟؟
علشان كده انا بعتبر ده نوع من أنواع الفساد , حتى و إن كان خفيف , فمازال فساد , و أسأل الله ان يرزقنى بواحده تكون مثلى ( بدون علاقات سابقه )

2- البنات المنفتحات المتحررات

البنت بقى اللى بتلبس على الموضه , و بتحب أوى تقلد البنات اللى فى كليب عمرو دياب ولا فايز السعيد :D , و آخر حاجه عندها انها تفكر فى الدين
أو فى الاخلاق ... عندها تصاحب ولد اتنين تلاته خمسه عادى ( أنا قلت تصاحب مش تزامل , فيه فرق بين الصحوبيه و زماله العمل او الدراسه طبعا )
مفيش مشاكل لما تروح عيد ميلاد جوجو صاحبها , أو هو ييجى يزورها فى البيت و يراجع لها الدروس , عادى جدا لما تنزل هى و 3 من صاحباتها ( رشا و دودو و أم الخير :D ) و يقابلو 4 من إصحابهم الولاد فى النادى أو السينما أو حتى على البلاج (و غالبا الأربع ولاد هما حماصه و درديرى و عبد الستار و جوجو :D )

البنت اللى بتطلع من بيتها لابسه بنطلون مش عارف دخل رجلها ازاى . و بادى استريتش بيظهر أكثر مما يخفى , و فاهمه ان مفيش قانون بيحكم و إنها تعمل زى ماهى عاوزه , ماهى متحرره بقى : الله يرحمك يا قاسم !!!

إيه ده ؟ فى شرع مين ده ؟


3- البنات الملتزمات

و الحمد لله انهم مازالو موجودين , و بكثره كمان . البنت الملتزمه اللى عارفه حدود ربنا و حدود ما يسمح به المجتمع , اللى عارفه لسه انها بنت و ان فيه أشياء لازم تتمسك بيها , اللى بتمشى فى تواضع و حياء و بتلبس لبس محترم يعكس أصلها الطيب و فطرتها النقيه , مش ماشيه لابسه لى البادى و الإسترتش و الزفتتش ( ده ماركه جديده :D )


طبعا فيه تصنيف تانى للبنات من وجهه نظرى بس مش مهم أوى

1- البنات اللى مازالو بنات
2- البنات المسترجلات المؤمنات بالمساراه بين الرجل و المرأه

------------------------------------------------------------------------

5- I like the Lamborghini Murcielago LP 670_4 SV, or to put it in plain English , the fastest lamborghini ever made !

I don't bother my mind thinking about my next car , let money arrive first , then let's think what car I shall be buying

فاصل و نكمل بعد صلاه العصـــــــــر

[coolhero]

اساذ جوهرى منور الموضوع بالردود الرائعة و منطقة الهادف

وسع الطريق انا جىىىىىىىىىىىىىىى



دى شوية أسئلة بسيطة

1- ما البلاد التى تمنيت زيارتها ولماذا ؟

2- ما الواقع الى تعيش فيه و تتمنى تغيره ؟

3- منذ متى و انت منتظم فى الصلاه ؟

4- ما مواصفات زجتك المستقبلية ؟

5- ما الموقف الذى شعرت فيه بالخجل والاحراج ؟

6- ان اصبحت مدرسا فهل ستتعامل مع المخطأ بالضرب ام هناك اسلوب أخلر لديك ؟

7- هل انت مهتم بالسياسة وان كنت ؟ فما رأيك التغيير ام بقاء الحال على ما هو عليه ؟

8- ما اكتر شىء نفسك تغيروا فى مصر ؟

9- ما اكثر لالعاب التى تنتظرها بفارغ الصبر ؟

10- ؟؟؟؟؟؟؟؟؟؟؟؟؟؟؟؟ لسه بفكر

معلش خطى وحش علشان بكتب بسرعة :D