مازربورد رائعة بسعر خرافة؟
بسم الله الرحمن الرحيم
:ah7::ah7::ah7::ah7:
مؤخرا... زاد الاقبال بشكل كبير على شراء هذه البوردهAsrockA780FullHDو هذا نظرا لتخفيض سعرها ليصل الأن الى 270 جنيه ليضعها فى مقدمه البرد الى فى هذه الفئه السعريه بل و يجعلها تتفوق على بعض مثيلتها من اصحاب الرقاقه 780G
طيب بغض النظر عن السعر المميز ليها...
ايه امكاناتها بالتفصيل
ايه كمان مميز فى هذه البورده ممكن يخليك تشتريها
يا ترى ادائها عامل ازاى عن تجربه
اولا تفاصيل البورده:
امكانات البورده:
اولا مواصفات تقنيه
البورده بتدعم اغلب بروسيسرات ال Amd سوكيت AM2 AM2+ AM3 حتى 140 وات!! و دا شىء ممتاز لبورده زى دى...
و فيها solid capacitors فى منطقه ال cpu
البورده عليها الرقاقه AMD 780G و كارت الشاشه المدمج ATI HD3200 و دا شىء ممتاز و اداءه جيد جدا فى الالعاب بالنسبه لكارت مدمج و الجسر الجنوبى SB700 و دا كويس بالنسبه لبورده فى الفئه دى
البورده بردو عليها sound 5 channel و لان بسرعه جيجا
و بتشتغل على ويندز xp vista أو windows 7 بدون اى مشاكل تماما عن تجربه
البورده الباص بتاعها 2600 MHz و دا العادى حاليا و كويس جدا
Supports ATI™ Hybrid CrossFireX
ثانيا Connectors
زى ما انتوا شايفين فى الصوره البورده صغيره نسبيا Micro ATX
فيها اربع اماكن لرامات DDR2 و تدعم حتى باص 1066 بشرط يكون البروسيسور سوكيت AM2+ AM3
فيها مكانين لل PCI و مكان PCI-Express x1 و مكان PCI-Express x16 v2.0
و لاحظ ان بوجود مكان كارت الشاشه اعلى ممكن يتيحلك تركب كروت شاشه مروحتها كبيره زى ال 4670 او اعلى بدون ما تيجى فوق ال PCI و دى ميزه
فيها سته اماكن SATA و دا كويس جدا و مكان لل IDE و مكان لل Floppy
فيها مكان لتركيب 4 USB و HD Audio امامى
و بتشتغل بباور العادى المنتشر فى السوق بدون اى حاجه لوصلات اضافيه
لو بصينا من الخلف حتلاقى اماكن الصوت و 6 usb و اللان و الشاشه dvi - crt و الماوس و الكيبورد PS2
كدا تقريبا جاوبنا عن السؤال الاول مواصفاتها
بس فى حاجه واحده عاوز ازودها...البورده بتتثبت ب 8 مسامير..و اغلب الكيسات بيكون فيها 6 بس فأنصحك تختار السته عالأطراف و تحت الأنتى ستاتك البلاستك تحتيها قبل ما توصل الباور تفاديا لاى مشاكل
البورده بيجى فى علبتها البورده و المانوال و كابل sata و كابل ide و كابل floppy و كونفرتر باور ساتا و اسطوانتين تعريف فيستا و اكس بى و الظهر الصاج
ايه كمان مميز فى البورده دى ممكن يخليك تفضلها او الحاجات الى فيها و مش فى حاجه تانيه
اولا كل امكانات الى حقولها تشتغل اى ويندو حتى 7
Asrock Instant Boot
و دى ببساطه امكانيه بتخليك تفتح الجهاز فى 5 ثوانى ل 30 ثانيه كحد اقصى حسب جهازك
ازاى...ببساطه عباره عن برنامج بتسطبع عالويندو...و لما بتيجى تعمل شات داون للجهاز عادى..هو بيرستر مع نفسه و يقوم الجهاز و يطفيه تانى بس بيسجل بيانات تقويم الجهاز ..فلما بتيجى تفتحه تانى بيفتح عالطول من البانات المتسجله بسرعه جدا
و البرنامج فى خيارات اول حاجه fast mode و دى بتخلى جهازك يفتح فى 5 ثوانى او اقل كمان بس فيها عيب ان لما بتستخدمها بتعمل مشاكل فى الحاجات الى واصله usb زى الوبكام مثلا...هى كويسه لواحد عاوز يدخل نت فى خمس ثوانى فتح جهاز
و الخيار التانى regular mode و دا ممتااااااااااز بيخليك تفتح الجهاز فى 20 ثانيه تقريبا او اقل و الجهاز بيقوم عادى جدا بدون ادنى مشكله تماما
اما الخيار الثالث واضح...بيلغى عمل البرنامج
للناس الى مش فاهمه الكلام الى فات..من الاخر البرنامج بياخد وقت فتح الجهاز يحطه فى وقت قفل الجهاز فيخليك تفتح الجهاز بسرعه.
ASRock IES
دا برنامج تانى برضه بتسطبه من الويندو..ميزته بيوفر استهلاك الطاقه بغباء...لما تكون مش بتستهلك الجهاز بيقلل الفولت للبروسيسور و يقفل ال phases و يوطى الكلوك عشان يوفر الطاقه و بيقيسلك البروسيسور بيسحب كام وات بالظبط...كويس جدا
Asrock OC Tuner
ببساطه بيقيسلك كل فولتات و درجات حراره البورده و سرعه المروحه و بيتحلك تتحكم فيهم او تكسر السرعه للبروسيسور او البورده من خلال الويندو
و كمان حاجه تخليك تفضلها سعرها طبعا بالنسبه لمواصفتها و امكانتها.
اداء البورده عن تجربه...كويس جدا جدا...
انا حاليا شغال بيها...اول ما جبتها...شغلت بروسيسور ال AM3
AMD Athlon II x2 250 بدون اى مشاكل بدون تحديث بيوس...بعدين حدثت البيوس لاخر نسخه عشان تدعم كل امكاناتها الى ذكرتها فى الرد السابق...
حنشوف البيوس بتاعها
البيوس بتاعها اول ما تدخله سهل جدا فى التعامل..متقسم كالاتى
اول صفحه ملومات البروسيسور و البيوس و الرامات و الساعه و التاريخ
تانى صفحه Smart فيها اعدادات عاملاها الشركه للاوفركلوك
ثالث صفحه و هى الاهم جدا جدا
اول حاجه ال cpu من هنا تقدر تعمل اوفر كلوك للبروسيسور و تظبط الكلوك بتاعت الرامات و سرعتها...
ثانى واحده بتظبط كارت الشاشه الى عالبورده و الميمورى بتاعه و اللان و الصوت و سرعه الشيبست و الفورت بتاع الرامات و الشيبست
ثالثا بتاعت الباور لو النور قطع و جه الجهاز يولع ولا يفضل مطفى و يفتح من الكيبورد..الخ الخ
رابعا بيحس بالهاردات و اعداتها
خامسا ال latency بتاع ال pci
سادسا الفلوبى و نوعه
سابعا اعدادات ملهاش لازمه كدا انفرا
و اخيرا اليو اس بى و اعدادتها
اهم حاجه فيهم الاولى و الثانيه و الرابعه
الصفحه الى بعديها بيحس بالفولتات و درجات الحراره و يخليك تتحكم غى المروحه
و الصفحه الى بعديها بتاعت اعدادات البوت
و الى بعديها بتاعت كلمه السر و بتاع
و الاخيره الخروج بس الصفحه دى فيها ميزه..بتخليك تسيف كذا بروفايل للاعدادات!!!! ممتاز
انا حاليا مسطب عليها ويندز 7...شغاله بدون اى مشاكل
كل الميزات دية بالسعر دة يكون شىء جيد؟؟؟؟:ah34:
المفضلات