انا مش عارف ابتدى منين ولكن الموضوع ده هام جدا لكل مستخدمى الكمبيوتر فى مصر ومصر بالذات.......

انتشرت ظاهرة الاعطال الكثيرة فى مكونات الكمبيوتر فى الكام سنة الاخيرة وايضا كثرة عيوب الصناعة فى المكونات دى وكثرة المرتجعات منها ....

انا حوضع مثال على نفسى .. انا اشتريت جهاز من سنتين وفضلت احدث فيه لحد كام شهر فات وفى خلال الفترة دى باطت منى قطع منه وهى لاتزال فى الضمان وغيرتها بقطع اخرى ووقطع تانية خرجت من الضمان وباظت بعدها واشتريت فطع اخرى مكانها وكانت المبالغ التى دفعتها فى هذا الجهاز كبيرة ولما استقريت على القطع الموجودة فى الجهاز وكان الجهاز يعطينى اعلى اداء ممكن ( الاداء اللى يرضينى ) وكان اداؤه افضل من اى جهاز انا اشتغلت عليه ايا كانت مواصفاته واطمان قلبى من ناحية انى لم افكر فى التحديث الا بعد 4 او 5 سنوات.. تاتى الفاجعة الكبرى وهى ان اللوحة الام تعطل بعد استخدام سنتين ولحسن حظى انها كانت لاتزال فى الضمان وباقى عليها شهر فتم استبدالها والحمدلله وبعد شهر وايام قليلة افاجا ان البوردة مرة تهنج ومرة تشتغل ومن خلال المحاولة والخطا تقريبا توصلت ان دائرة الرامات فيها مشكلة فذهبت بها الى التوكيل وحاولو فيها وفشلوا وبعد ايام قليلة اتصلت بيهم وقالوا انهم لم يستطيعوا اصلاحها واستلمتها منهم وحاولت ان اجربها تانى وجدت انها انتهت Dead يعنى بعد ما كان فى امل فى تصليحها ولو بنسبة ضعبفة .. انقطع هذا الامل
وبعدها اشتريت بوردة مستعملة نوع اخر تحمل الCPU بتاعى وجدت ان فبها مشاكل فرجعتها لصاحبها واشتريت بوردة اخرى نوع تانى جديدة بضمان برده وجدت فيها مشاكل ده غير انها بطيئة جدا ( ابطا من جهاز 3P )قرجعتها واخذت فلوسها و اشتريت واحدة اخرى وجدت برضه فيها مشاكل واداءها متوسط ... وبعد الموال ده وجدت ان فيه رامة من الرامات اللى عندى فيها مشكلة لا بتدخل على الويندوز ولا بتسطب ويندوز ولكن الرامات بتعطينى اعلى اداء ممكن ودخلتها ضمان ووجدت ان التوكيل فى الوقت الحالى معندوش الموديل وخصم حق ما انا استخدمتها على اساس السعر القديم قبل ارتفاع اسعار الرامات.....

انا عايز حد يدلنى اعمل ايه فى المشاكل دى ومين السبب فى كده........

انى اتساءل لماذا؟؟؟ لماذا قطع الكمبيوتر القديمة عمرها الافتراضى اطول بكثير من القطع الحديثة؟؟؟

لابد ان نقف وقفة حيال ذلك....

زمان كانت الناس اللى بتستورد كان عندها ضمير وبتجيت الحاجات الفرز الاول او بالكثير الفرز الثانى...
ولكن الان القطع الموجودة فى السوق فرز 10 20 30 حدث ولاحرج
وانا لى صديق انا اثق فى كلامه انه راى فيديو بيوضح كيف تصنع البورد ( على سبيل المثال ) فى الصين التى يتم تصديرها لدول العالم الثالث ... تصنع البورد دى فى عشش يكون عدد العمال مثلا 100 او 150 وكل واحد متخصص فى تركيب جزء معين فى البوردة وبعد الانتهاء يتم تغليفها ويتم بيعها...
ومش بعيد تكون القطع دى معاد تصنيعها من جديد والدليل على كده كثرة الاعطال بها

احنا ناس مش اغنياء عشان كل كام شهر نغير جهاز .. ده الواحد مننا بيقطع من لحم الحى عشان يشترى جهاز كمبيوتر

نداء الى كل المسؤولين الرجاء ان يتم انشاء هيئة للرقاية على جودة قطع الكمبيوتر

انا اسف على الاطالة ولكن انا لى كلمة واحدة ( حسبى الله ونعم الوكيل )

ارجو تثبت هذا الموضوع

ولكم منى كل احترام وتقدير........... والسلام ختام