السلام عليكم

انا عندى خط ميجا من لينك لوحدى و كان شغال زى الفل لحد الصلاه .. لما رجعت من الصلاه لقيت النت فاصل فعملت ريستارت للراوتر و النت اشتغل و لكن من ساعتها سرعة الداونلود مبتعديش ال25-30 كيلو سواء تورنت او لينكات مباشره .. دا غير طبعا سرعة التصفح اللى بقت زى الزفت منغير ما اعمل داونلود...

لسه مكلم الدعم من شويه و قالى ان الخط بتاعى سليم و خلانى ادخل على السيف مود و ابدأ انزل حاجات من على الياهو و برضو السرعه مبتعديش ال25-30 كيلو .. قالى اخليها شغاله ساعه و هما هيقيسو السرعه اللى انا ساحبها من عندهم و اكلمهم بعد الساعه دى عشان يقولولى هل انا سليم ولا لا ..

ادينى شغال فى تنزيل العاب الياهو و لسه ادامها ساعه على بال ما تخلص اصلا رغم ان اللعبتين مع بعض حوالى 80 ميجا بس :ah34:

المره الوحيده اللى النت كان عمل عندى فيها كدا كان ايام ما كابلات البحر اتقطعت .. كان بيفضل شغال لكن سرعته كانت بتقل .. زى دلوقتى بالظبط

اختى عندها خط من تيداتا و بتقولى ان النت بتاعها برضو النهارده كان بطىء و بيفصل كل شويه


هل حد حصل عنده الحوار دا النهارده بالذات؟؟ يمكن كابل من بتوع البحر اتقطع تانى ولا حاجه .. اصلها كوسه بقى .. كل يوم و التانى كابل سمكه تقطعه بخياشمها..