الموضوع الموحد للإستفسارات عن كروت الصوت و الأنظمه الصوتيه

[alayoubi]

رجاء بلاش كلمه حضرتك دى . مفيش تكليف بيننا استاذ ايوبى و حضرتك اكبر فى المقام بدون شك

ماشي يا حوده :D وشكرا عالمعلومة الحلوة , بس لو هنقارنها بالسماعات العادية ايه النظام سعتها ؟

هو انت مشفتش ناجاتي مديلك السعر النهائي كام ؟؟ 1060 + مصاريف الشحن , يا خبر انت عارف لو انا هطلب نفس السماعة هتكلفني كام ؟ 670 جنيه واصلة لباب البيت يعني في تقريبا 400 جينيه مش هقولك راحو فين , بس اوعى الفار يلعب في عبك :D

اصبر كده واوعى تتهور , جربت السماعات T6200 ولا لسى ؟

[MF88]

الرد جالى على سعر الهيدفون تمنها هيكون 1080 جنيه

[MF88]

لا لسه والله يا استاذ ايوبى مجربتهاش . 1080 جنيه يعنى الدولار بـ 11 جنيه ؟؟؟ لا حول ولا قوه اللا بالله

بصراحه مش عارف اعمل ايه . لكن لازم اعيد حساباتى و اشوف الـ T6200 عند اى حد و اسمعها

مع انى لسه مصمم على الهيدفون . بس الرقم غريب جدا بصراحه

[bebo2005]

لا لسه والله يا استاذ ايوبى مجربتهاش . 1080 جنيه يعنى الدولار بـ 11 جنيه ؟؟؟ لا حول ولا قوه اللا بالله

بصراحه مش عارف اعمل ايه . لكن لازم اعيد حساباتى و اشوف الـ T6200 عند اى حد و اسمعها

مع انى لسه مصمم على الهيدفون . بس الرقم غريب جدا بصراحه

أعتقد لو الغرفه بتاعتك صغيره يبقا ال T6200 كويس جدا لو 16 متر مربع هات ال gigaworks 5.1 إلا لو إنت بقا مصمم على الهيدفون
بس أعتقد T6200 أو gigaworks مع كارت إحترافي xtreme audio صفقه رابحه جدا جدا

[magd-]

لا لسه والله يا استاذ ايوبى مجربتهاش . 1080 جنيه يعنى الدولار بـ 11 جنيه ؟؟؟ لا حول ولا قوه اللا بالله

بصراحه مش عارف اعمل ايه . لكن لازم اعيد حساباتى و اشوف الـ T6200 عند اى حد و اسمعها

مع انى لسه مصمم على الهيدفون . بس الرقم غريب جدا بصراحه

حل المشكلة دى عندى
فى جروب عامل اسعار تجنن للشراء من امريكا ودة الرابط بتعهم

https://www.facebook.com/group.php?gid=297183117212

انا كنت زيك محتار بسبب الاسعار الغير منطقية
وواحد ابن حلال دلنى عليهم فروحت ليهم
واشتريت الهيدفون razer megalodon بسعر 940 جنية
وهى على الامازون دلوقت سعرها رجع 140 دولار

فانت ادخل وقول ليهم الى انت عايزة وهتلاقى اسعار تانية خالص
مع تمنياتى ليك بالتوفيق

[MF88]

أعتقد لو الغرفه بتاعتك صغيره يبقا ال T6200 كويس جدا لو 16 متر مربع هات ال gigaworks 5.1 إلا لو إنت بقا مصمم على الهيدفون
بس أعتقد T6200 أو gigaworks مع كارت إحترافي xtreme audio صفقه رابحه جدا جدا

الـ gigaworks فيه ناس قالو فيها مشاكل و كده بسبب الحراره العاليه و كمان سعرها 1500 جنيه

و الكارت الاحترافى سعره 350 جنيه يبقى دخلت فى 2000 جنيه

مع العلم ان اللى عندى فى البيت بيكرهو حاجه اسمها صوت عالى و فى الافلام الحلوه الصوت المنخفض بيرفع

ضغط الدم عندى

انا هجرب الموقع اللى قاللى على الاستاذ mgad و ربنا يكرم .

بس حاسس الجروب ملخبط شويه . حضرتك عملت ايه عشان تتواصل معاهم ؟؟؟ معلش بتعبك معايا

[magd-]

فى كلمة مشاركة من فوق اعلى الصفحة
بتكتب فى المستطيل الى انتة عايزة وضيف رابط من امازون
وبعد شوية هيرد عليك واحد فى نفس المكان

[MF88]

تمام التمام " انا عارف ده عادى و كتبت طلب " انا بحسب فيه شىء زياده عن كده او حاجه

و انا بعت كمان رساله . و ربنا يبارك فيك و متشكر جدا على تعب حضرتك معايا

[magd-]

لا شكر على واجب
وعلى فكرة هما كاتبين عنوانهم وتيلفوناتهم فى الجانب اليمين
تحياتى

[MF88]

الف شكر على تعبك معايا . ولو السعر طلع مناسب هكلمهم ان شاء الله فى اقرب فرصه

[tetto12345]

ملحوظة جوهرية أستاذ تيتو :D

بالمناسبة عاوزين من حضرتك تعرف السادة المشاهدين قصدي الأعضاء وظيفة الصب ووفر أو البيس كما يقال عنه بالضبط ؟ وايه حكاية الفتحة الي وراه وبتطلع هوا أو ذبذبات ؟ وهل لو تم ازالة الغطاء الي عليه أقصد من المقدمة هيفرق بالصوت لأني شوفت كم فيديو كده عاليو تيوب عن الحكاية دي لكن على سبيكرات تانية ؟

عنيا حاضر يا استاذ ايوبي
بالنسبه للنقطه الاولي
بالنسبه للصب ووفر هو سماعه ليها القدره علي توليد الاصوات المنخفضه ( الترددات المنخفضه ) ال اصلا في منها
الاذن ما تقدرش تسمعه هتقولي زي ايه اقولك زلزال مثلا انفجار ... الخ
السماعه في داخل صندوق ممكن يتصنع من اي حاجه خشب ,بلاستيك , العديد من الخامات وبيكون ليها فتحه
او ما يكونش ليها فتحه حسب النوع ممكن يكون دا او دا
بالنسبه للنقطه التانيه
في سماعات Home Theatre System غالبا بيكون هناك فتحه
ودي بتعمل علي معادله الضغط الداخلي والضغط الخارجي وفي نفس الوقت بتفيد في انها
بتقلل متطلبات الكهرباء عن القفل التام ( ال ما بيكونش فيه فتحه وطبعا دا احسن ) ولكنه
بيطلب قدر مضاعف من الكهرباء عشان يتحمل الضغط ال بينشأ داخلي من حركه السماعه
لاصدار الاصوات ذو التردد المنخفض
بالنسبه للنقطه الثالثه
بالنسبه لاخر نقطه من سؤال حضرتك الغطاء الي علي المقدمه دا حضرتك اسمه Grill
بالانجليش ودا لحمايه السماعه من التراب والمواد ال ممكن تتسرب اليها كدا وعشان كدا حضرتك لو تلاحظ في ال Youtube او غيره بيكتب لحضرتك Without Grill
الصراحه ناس رايقه اوي:ah34: مش فاهم بتفكه ليه (وما انصحش حد يفكه دا ملهوش علاقه بجوده صوت او خلافه دا غطاء حمايه مش اكتر )

تحياتي وارجو ان اكون وضحت :ah4: نقاط بسيطه

[MF88]

انا كلمت الراجل اللى قاللى عليه الاستاذ mgad و قاللى هتتكلف 145 دولار

يعنى 799 جنيه نقول 830 جنيه بالشحن

ها ايه رأيكم ؟؟؟؟

[hyman]

انا كلمت الراجل اللى قاللى عليه الاستاذ mgad و قاللى هتتكلف 145 دولار

يعنى 799 جنيه نقول 830 جنيه بالشحن

ها ايه رأيكم ؟؟؟؟

لو عايز تسمع الـt6200 من اى حد فى اسكندرية يا مرحب بيك
انا اتشرف بمقابلتك
بس هاتسمعها على الكرت المدمج :ah34:
لغاية ما أجيب ان شاء الله الـكستريم جيمر


آه صحيح نسيت موضوع الامتحانات :ah32:
خليها بقى بعد امتحانات الميد تيرم وتنورنى يا باشا فى البيت وبالمرة أكون جبت كرت الاكس فاى

[mr_zezo]

انا كلمت الراجل اللى قاللى عليه الاستاذ mgad و قاللى هتتكلف 145 دولار

يعنى 799 جنيه نقول 830 جنيه بالشحن

ها ايه رأيكم ؟؟؟؟

يا باشا ده كاتب 170 دولار = 935.68 جنيه مصري

انت حسبتها ازاي !!

بصراحة صعب المبلغ ده على هيدفون :eek:

[MF88]

بعتلى على الخاص رساله انه بـ 145 دولار

اكيد ده مش ليا او حاجه

هو الدولار بكام يا زيزو ؟؟؟