الموضوع الموحد للإستفسارات عن كروت الصوت و الأنظمه الصوتيه

[MF88]

لو عايز تسمع الـt6200 من اى حد فى اسكندرية يا مرحب بيك
انا اتشرف بمقابلتك
بس هاتسمعها على الكرت المدمج :ah34:
لغاية ما أجيب ان شاء الله الـكستريم جيمر


آه صحيح نسيت موضوع الامتحانات :ah32:
خليها بقى بعد امتحانات الميد تيرم وتنورنى يا باشا فى البيت وبالمرة أكون جبت كرت الاكس فاى

الله يخليك ياباشا . انا مش عايز اتعب حضرتك معايا . انا كمان عندى ميد ترم

لما حضرتك تكون فاضى اى وقت بعد ما تجيب الكارت

ممكن اجى عند حضرتك 5 دقائق اسمع الصوت و انا واقف و امشى على طول

لو مكنش يزعجك يعنى

[mr_zezo]

بعتلى على الخاص رساله انه بـ 145 دولار

اكيد ده مش ليا او حاجه

هو الدولار بكام يا زيزو ؟؟؟

بالظبط

5.5051

طب اللي بعتلك اليوزر نيم بتاعه ايه ؟؟

بس برضوا لو تجيب هيدفون اقل وهيديلك اداء جيد جدا + تجيب صب وكارت صوت كويس هيبقى افضل من رايي :ah7:

انا مثلا معايا Koss KSC75

وادئها جيد جدا وشوف الريفيوهات اللي عليها

على امازون او على المواقع المتخصصة

https://www.amazon.com/Koss-KSC75-Po.../dp/B0006B486K

ومع ذلك سعرها ممتاز 115 جنيه

على فكرة ده دليل افضل ماركات في الهيدفون والاسعار كان فيه عضو فاضل هنا بعتهولي مرة

https://www.head-fi.org/forums/f4/he...s-guide-271258

خد فكرة وشوف كده

[MF88]

طيب السماعه بتدى صوت محيطى ؟؟؟؟؟

تمام سعر الدولار زى ما حسبته

السماعات اللى ناوى عليها بتدى صوت محيطى 7.1

عشان كده هى غاليه . و فيها كارت صوت مدمج خاص بيها

[mr_zezo]

طيب السماعه بتدى صوت محيطى ؟؟؟؟؟

تمام سعر الدولار زى ما حسبته

السماعات اللى ناوى عليها بتدى صوت محيطى 7.1

عشان كده هى غاليه . و فيها كارت صوت مدمج خاص بيها

لا طبعا مفيش مقارنة بين دي ودي .... كفاية فرق السعر الرهيب :eek:

بس على فكرة انا زيك اغلب الوقت بالهيدفون لان الصوت العالي عندنا فيه ضرب نار :mad: :D

وده برضوا اللي مخليني متردد اني اجيب صب وكده ومش عارف اعمل ايه :ah34:

بس عيب السماعات اللي انت حطيتها من وجهة نظري انها USB

يعني مش هتعرف تستفيد منها غير على الكمبيوتر بس + موضوع الميك ده اللي بتهيئلي ملهوش لازمة قوي + اعتقد انها هتبقى مش مريحة شوية علشان حجمها

انا كنت جايب سماعات ب 300 جنيه من راديو شاك ضخمة برضوا لو استعملتها ساعتين تلاته تاخد جايزة متعبة جدا

[MF88]

السماعات دى حاجه تانيه و خامات تانيه خااااااااالص

انا مشتريش حاجه لمجرد الاعجاب فقط بيها . السماعه قويه لأبعد الحدود

لو انت فى اسكندريه هستضيفك بإذن الله لما اشتريها و تجربها بنفسك

انا ممكن اجيب الصب بسهوله و بدون وجع دماغ الشحن

لكن مش هعرف استمتع بيه طول ما انا فى البيت . و انا مش هستعمل السماعات فأى حاجه تانيه

لأنى مش من هواه الاغانى . لكن من هواه الافلام الـ HD و صوتها المحيطى الجبار

الـ USB افضل اختيار و انا كل يوم بيزيد اصرارى انى اشتريها مش عارف ليه

[mr_zezo]

طيب خلاص بدل حاسس انها الافضل ليك اتكل على الله وجبهم متترددش

بس على فكرة انا مش مقتنع انه ممكن يجبهالك على 145 دولار

ال 5 دولار دي شحن ولا تخليص جمارك ولا اجراءات ورسوم ولا عملته !!!!

بتهيئلي مش واقعية اطلاقا ... حاول تتاكد وياريت تبعتلي اسم اللي ادلك السعر ده ولو مش عاوز تحطه على العام ابعتلي pm

وربنا يخليك كلك ذوقك يا باشا بس انا من القاهرة ... بس ان شاء الله لو جبتها منتظرين رفيوه تفصيلي منك

بس حاول تتاكد من الناس دي الاول

بالتوفيق

[MF88]

اسمه اخره شلبى تقريباً

الراجل اللى بيرد فكل حته فى الجروب

[hyman]

الله يخليك ياباشا . انا مش عايز اتعب حضرتك معايا . انا كمان عندى ميد ترم

لما حضرتك تكون فاضى اى وقت بعد ما تجيب الكارت

ممكن اجى عند حضرتك 5 دقائق اسمع الصوت و انا واقف و امشى على طول

لو مكنش يزعجك يعنى

ايه يا عم انتا بتتكلم ازاى
لا طبعا مايزعجنيش شرف ليا والله انى اعرف واحد مميز زيك من المنتدى
ان شاء الله نخلص احنا الاتنين امتحانات ميد تيرم
وتجيلي تسمع السماعات (بالكرت الاكس فاى بقى :ah4
وتقتنع مليون فى المية انك تشتريها ان شاء الله عشان هاسمعك الصوت المحيطي على حق
والله دى هى عندى على الأفلام البلو ريي مظبطة أحلى صوت محيطي من الخمس سماعات فى الخمس اتجاهات وهاتحكم بنفسك
ده انا دلوقتى باتكلم على الكرت الريل تك
تخيل بقى بالاكس فاى
على العموم ان شاء الله نخلص امتحانات على خير وتنورنى في بيتي:rolleyes:

[ehab7bob]

لسلام عليكم
بالله عليكم خدوني معاكم وحد وحده براحه
انا عاوز اجيب سماعات 5.1 او 4.1مش عاوز سماعه عاديه عاوزها يكون فيها فتحه اوبتكل
optical output ده اساسي عشان انا مش هستخدمها علي الكومبيوتر انا هستخدمها علي جهاز اكسبوكس و ده جهاز زي البلاي ستيشن 3
اهم حاجه برده يكون فيها خاصيه Dolby 5.1 عشان استخدمها علي انها هوم ثياتر
انا جنت هجيب Creative Inspire T6200
بس كانت غاليه من الأخر جه المواصفات غلي محتجها
speaker 5.1or 4.1 dolby 5.1 surround -optical output
+سعر رخيص و ياريت يكون افل من 400 جنيه مش مهم اوي الماركه المهم السعر و المواصفات إلي فوق
انا هتسخدمها عليp2370ms samsung
و ديه صورتها من ورا
و كنت عاوز اعرف رائيكم في Creative SBS A500 Speaker
https://www.nefsak.com/Creative-SBS-A500-Speaker.html

[MF88]

ايه يا عم انتا بتتكلم ازاى
لا طبعا مايزعجنيش شرف ليا والله انى اعرف واحد مميز زيك من المنتدى
ان شاء الله نخلص احنا الاتنين امتحانات ميد تيرم
وتجيلي تسمع السماعات (بالكرت الاكس فاى بقى :ah4
وتقتنع مليون فى المية انك تشتريها ان شاء الله عشان هاسمعك الصوت المحيطي على حق
والله دى هى عندى على الأفلام البلو ريي مظبطة أحلى صوت محيطي من الخمس سماعات فى الخمس اتجاهات وهاتحكم بنفسك
ده انا دلوقتى باتكلم على الكرت الريل تك
تخيل بقى بالاكس فاى
على العموم ان شاء الله نخلص امتحانات على خير وتنورنى في بيتي:rolleyes:

الله يخليك و انا اسف والله على الازعاج

حضرتك فين بالضبط فى اسكندريه ؟؟

رجاء لو ده هيعمل مشاكل عند حضرتك فى البيت قوللى و مفيش اى احراج " دى حرمه منزل "

[hyman]

انا ساكن فى كامب شيزار قدام كلية الهندسة وماتقلقش والله مافيش ازعاج ولا حاجة مادام اللى هايخش البيت انا ضامن مية مية انه محترم:ah7:

[tetto12345]

لسلام عليكم
بالله عليكم خدوني معاكم وحد وحده براحه
انا عاوز اجيب سماعات 5.1 او 4.1مش عاوز سماعه عاديه عاوزها يكون فيها فتحه اوبتكل
optical output ده اساسي عشان انا مش هستخدمها علي الكومبيوتر انا هستخدمها علي جهاز اكسبوكس و ده جهاز زي البلاي ستيشن 3
اهم حاجه برده يكون فيها خاصيه Dolby 5.1 عشان استخدمها علي انها هوم ثياتر
انا جنت هجيب Creative Inspire T6200
بس كانت غاليه من الأخر جه المواصفات غلي محتجها
speaker 5.1or 4.1 dolby 5.1 surround -optical output
+سعر رخيص و ياريت يكون افل من 400 جنيه مش مهم اوي الماركه المهم السعر و المواصفات إلي فوق
انا هتسخدمها عليp2370ms samsung
و ديه صورتها من ورا
و كنت عاوز اعرف رائيكم في Creative SBS A500 Speaker
https://www.nefsak.com/Creative-SBS-A500-Speaker.html

الاول نورت الموضوع يا صديقي بالنسبه للطلبات ال حضرتك طالبها هي الصراحه Mission Impossible 5 :D

لان حضرتك طالب Optical i+ Dolby Deocding قفي سماعات باقل من 400 جنيه او حتي 400 لو وصلت حتي

لالف جنيه مش هتلاقي الطلب دا في سماعات Creative Or Logitech وبالتالي الميزانيه هنا ال بتتكلم

انتا عايز سماعات من نوع معقول لاما تصبر وتحوش مبلغ كويس وتجيب سماعات T6200 ودي ب 560 ودي

السماعات ال معظمنا هنا عندهم وهتفرق معاك في جوده الصوت وكل حاجه مع العلم انك هتبقي عايز كارت

صوت كويس بس بعد ما تجيب السماعات

بالنسبه للسماعات ال حضرتك ذكرتها فئه SBS سيئه جدا من كريتف ومعظم سماعات كريتف مضروب دلوقتي

ماعدا انواع معينه T6200 >> 560 Pound و Gigawork Progamer 500 >>> 1500 وبالتالي النصيحه لحضرتك كالاتي اصبر شويه تزود علي ال 400 وتجيب T6200 ولو حضرتك في مكان تقدر تجيب منه سماعات Logitech X530 / 540 خيار جميل جدا برضه وهتلاقي سعرها في حدود 500 برضو

تحياتي وارجو ان اكون قد افدتك ولو في حاجه احنا معاك للمناقشه اطمن :ah4:

[MF88]

انا ساكن فى كامب شيزار قدام كلية الهندسة وماتقلقش والله مافيش ازعاج ولا حاجة مادام اللى هايخش البيت انا ضامن مية مية انه محترم:ah7:

والله حضرتك احرجتنى بكلامك ده بجد . مش عارف اقولك ايه

جزاك الله كل خير

[مراد البخاري 20]

موضوع جميل بأذن الله اعود للمشاركة:o

[magd-]

موضوع جميل بأذن الله اعود للمشاركة:o

ان شاء اللة يكون المانع خير
ومنتظرين مشاركاتك المفيدة