السلام عليكم
طبعا اغلب الرجاله فى الشتا بيملو دهون من الانتخه و حب الدفا زى حلاتى كدا .. ففكرت ليه معملش جروب اشجع بيه نفسى و اشجع بيه اللى زيي لتنزيل وزن الشتا دا و الرجوع للوزن المعتدل بتاع الصيف ..
اتمنى ان الرجاله هنا ميتكسفوش و يشاركو يعنى لاننا رجاله و المفروض ان الراجل ميتكسفش من حاجه سطحيه زى دى زى البنات, الراجل اللى يتكسف انه يعترف بزيادة وزنه يبقى بيضحك على نفسه قبل ما يكون بيضحك على اللى حواليه , الجدعنه فى الموضوع دا انك تكون شايف اصلا انك زدت فى الوزن عن الوزن المعتدل (بالنسبه لطولك و كثافة عضمك) و انك تكون عاوز ترجع لوزنك المعتدل.. (طبعا يستثنى الاخوه المتزوجين لان دول ملهومش امل :ah50: )
بدايتا كدا انا عاوز اللى هيشاركو فى الموضوع يقولو هما ناويين يعملو ايه خلال الشهرين الجايين دول عشان يخسرو وزن الشتا .. هل مثلا ناوى تعمل دايت معين و خلاص ؟؟ دايت مع اكسرسيز خفيف؟؟ دايت مع جيم؟؟ ولا جيم مكثف و تاكل اللى نفسك فيه (فى حالة انك اكييل كبير و استحاله تغير اكلك) ؟؟
انا من شهر عشره اللى فات و الى الوقت الحالى زدت 25 كيلو عن الوزن المعتدل ليا (25 كيلو فى 6 شهور :ah34: دانا فظيع بجد بس اعمل ايه, اكل ست الكل لا يعلى عليه ربنا يخليها لمصر و الامه العربيه كلها)
انا حاليا الصراحه مذبذب مابين انى اعمل رجيم معين (دايما بعمله و نتايجه معايا ممتازه) و معاه مشى مكثف و خلاص على كدا او انى اروح جيم مكثف و آكل اللى انا عاوزه (و دا اللى انا ارجحه لانى مش هقدر ادوق الخضار السوتيه بتاع الرجيم دا خلاص انسى مش هدوقه مره تانيه فى حياتى لانى لو شميت ريحة الخضار السوتيه مره تانيه هرجّع)
ها يا رجاله (خد بالك من الخط اللى تحت رجاله) هتعملو ايه ؟؟
المفضلات