السلام عليكم ورحمة الله وبركاته
اليوم اخد واحدة من اقاربي بعد ما اشتركت في احد دبلومات الكومبيوتر في احد المعاهد في السعودية (نيوهرايزن)
اخذت جهاز كومبيوتر هدية
ونظرا لأني عبقري الكومبيوتر في العيلة (وانا ما في راسي شي) رحت اشفلها هو
حصلته طبعا ما يسوي الخمس آلاف اللي قالوا عليها في العرض يعني ان نطح مرة يسوى 1400 ريال
البلوة الكبرى اللي فيه هي انه المعالج
intel 2400 celeron
وكمان (تري) (مو BOX)
وحرارة المعالج لا تقل عن 45 بأي حال من الاحوال
عشان كدة مع شوية ضغط في فوتوشوب والا انترنت تحصل الجهاز صلب
وهم حاطين مروحة سعرها 3دولار او10ريال صينية عدد لفاتها 1500 لفة في الدقيقة والمذربورد ما تقرا انه في مروحة اساسا
وبعد محاولات جمة رحت اشتريت مروحة جديدة نصحوني فيها سعرها 10دولار 35ريال
عدد لفاتها 2500لفة وشغالة طيب لكن ما نزلت غير 1 درجة او 2 على ابعد تقدير فما هو الحل في رأيكم

طبعا انتو عارفين انه الاجهزة هذي مافيها ترجيع او هذا الكلام
فما رأيكم دام فضلكم

ملاحظة:في بعض الامور قمت فيها عشان احاول اظبط الحرارة لكن ما كان لها التأثير القوي او الملموس
1/قمت بوصل مروحة المعالج بخارج الجهاز مباشرة عن طريق انبوب من البلاستيك (من نفس تصميم الكيس)
2/قمت بإضافة مروحة في الجهاز من الجهة الخلفية تسحب الهواء
3/قمت بوضع مادة السيليكون المبردة على المعالج
صحيح هذا الشيء قلل من تعليق الجهاز لكن الحرارة مازالت مرتفعة تتراوح بين 42-46 درجة

ارجوا منكم المشورة
وشكرا