اولا مبرووك مقدما
موضوع الوصلات دى سهل و بسيط
من ضمن الوصلات هاتلاقى وصلة الـ usb2 و وصلة front audio
الـ usb هاتحطها فى مخرج من المخرجين اللى باللون الاخضر تحت خالص على اليمين ( اللى مكتوب عليها USB بالمقلوب )
الـ front audio هاتحط الكابل الاصفر فى المخرج الاخضر اللى ورا مخارج السماعات ( فى النص على الشمال )
نيجى للوصلات الصغيرة :
لمبة التحميل H.D.D LED
لمبة الباور PWR LED
زرار الريستارت RESET SWITCH
زرار الباور PWR SWITCH
السماعة الداخلية SPEAKER
و دول مكانهم فى المستطيل الابيض اللى فى الآخر خالص على اليمين
هاتفتح الكتاب اللى بييجى مع البوردة لحد ما توصل للصفحة اللى فيها اماكن المخارج دى , و تركبها زى ماهى موجودة فى الكتاب
( بقى فيه لغة عربية كمان فى الكتاب , بس احيانا الانجليزى فى الحاجات دى بيبقى افضل )
و انت بتركبها خلى الكتابة اللى على الكابل لفوق ,, و شغل الجهاز ---- لو كله تمام النور و الزراير يبقى تمام
لقيت حاجة مش شغالة فيهم , اخلع الكابل بتاعها و ركبه بالمقلوب ( حلى الكتابة لتحت )
و ماتقلقش الموضوع مافيهوش اى ضرر نهائى
Edit
صورة للتوضيح:
المفضلات