أقدم لكم اليوم تقرير عن الهارد الخارجى Seagate FreeAgent Go 500 GB Silver
سعر الشراء : 560 ج
المكان : موجود فى سوق العصر الدور الارضى و موجود بكثرة فى فروع CompuMe
الالوان الموجودة : السيلفر و الاسود و الازرق و الاحمر وباقى الالوان انت و حظك
الهارد بييجى بدون جراب و معاه كابل miniUSB قصير
صفحة الهارد على النت Seagate Freeagent Go
ال Dock بتاع الهارد من CompuME ب95
بييجى فى العلبة القاعدة بسلك 120 سم و جراب اصلى و كتيب تعليمات
السلك بتاع الDock بمنفذين usb لازم يتوصلوا لو موديل البوردة قديم اما لو حديثة يشتغل بسلك واحد
و دا الجراب , جميل جدا
مواصفات الهارد
الواجهة : USB 2.0
السعة : 500GB
الطول : 130mm
العرض : 80mm
السمك : 12.5mm
الوزن : 160g
Encryption : AES 128-bit
بعض مميزات الهارد
- الهارد ما شاء الله عليه شكله تحفة و قطعة فنية و حجمه رائع و غير سميك و افضل فى هذه النقطة من جميع الهاردات الاخرى فى السوق
- خامات و تقفيل الهارد من الخارج مفيش عليه كلام , انا عندى اللون السيلفر و هو Matte مابيبطعش و لا بيبان عليه التراب عكس معظم الهاردات الاخرى لان الطبقة الخارجية مطفية
- وزن الهارد مناسب و خفيف و سهل جدا فى التنقل و السفر
- الهارد مالوش صوت خالص و لا اهتزاز
- مؤشر الاضاءة و دى ميزة كبيرة فى الهارد فهى لونها ابيض خافت و مش بتعد ترعش اثناء نقل البيانات , بتومض و تخف زى ال heartbeats كده فلو انت فى اوضة ضلمة هاتبقى الاضاءة ممتعة و غير مزعجة على الاطلاق , و المفاجأة بقى كمان انك لو عايز تكبر دماغك خالص بتلغى ال LED خالص من البرنامج Seagate Manager اللى جاى مدمج مع الهارد او بتحمله من النت , و للتوضيح اكتر دا فيديو
https://www.youtube.com/watch?v=44wy3D8vyEk
Unboxing Video -
https://www.youtube.com/watch?v=V4HuV9F9Sdo
- ضمان الهارد لمدة سنة
- انا شايف ان عيب الهارد الوحيد هو الكابل اللى جاى معاه قصير جدا و غير عملى و لابد من شراء سلك اطول و دا اللى خلانى اجيب ال Dock (لعبوها صح ), بس خلوا بالكوا اى سلك عادى مش كويس هايخلى الهارد مايتقراش
- الDock اشتريته من CompuME و العلبة زى اللى فى الصورة و الحلو انه بييجى معاه جراب جميل جدا و مفتوح من ناحية واحدة و فيه فتحات صغيرة من الجانبين و جيب ورا للكابل
- الهارد معاه برنامج Seagate Manager و طبعا ممكن تعمل Sync بسهولة بينه و بين ملفات الجهاز و كمان ممكن تعمل Backup و فيه نظام حماية للملفات بباسورد Encrypted Folder
- به خاصية الانتقال لوضع power saving فى حالة عدم الاستخدام
- الآداء : و هو الاهم , الهارد بيتلقط بسرعة من الويندوز و سرعة القراءة و الكتابة ممتازة و بتوصل لأقصى سرعة لمنفذ USB 2.0 و بالتجربة نقل الملفات سواء الكبيرة او الصغيرة سريع
- مساحة الهارد عندى 500 GB و فيه احجام 250,320,640 و فيه كمان 750,1000 بس اكبر فى الحجم شوية
- الهارد اول ما وصلته اشتغل و لقيته NTFS و عليه البرنامج Seagate Manager
اختبارات السرعة
HD Tune Pro 4.01
ATTO Disk Benchmark
CrystalDiskMark 3.0
المفضلات