فكرة لادخال موديلات جديدة من الهيدفونات بناء على اختياراتنا للسوق المصرى ,, شارك معنا

[SeeNoEvil]

طيب مش مشكله برضو
بس انته ايه اللي مخليك مصمم على ال202 ايه الفرق يعني غير حجم السماعه لاني مليش قوي في الموضوع ده
وكنت خلاص مقرر اجيب ال201 ان شاء الله

[I-IEMA]

طيب مش مشكله برضو
بس انته ايه اللي مخليك مصمم على ال202 ايه الفرق يعني غير حجم السماعه لاني مليش قوي في الموضوع ده
وكنت خلاص مقرر اجيب ال201 ان شاء الله

الفرق فى ان الـ Bass بتاع الـ 202 اقوى ,, و صوتها اعلى
و الحاجات دى هاتناسبنى لإنى بسمع حاجات فيها bass كتير

لكن الـ 201 مريحة اكتر .

--------------
علشان كدا كنت بسأل محمود :

المهم حاليا ,
لنفترض اننا 15 واحد هايشتروا الـ HD201 ( و احنا فعلا عددنا كدا أو يمكن اكتر )
كلم الموقع يا محمود و اعرف منهم هايبقى السعر الاجمالى كام ( بعد خصم الكمية و كدا ) ,, علشان نشوف احنا سعر الهيدفون الواحد هايقف بكام

و شوف برضه هل خصم الكمية على كمية من موديل هيدفون واحد ؟ ولا ممكن اكتر من موديل ؟

علشان لو عادى اننا نجيب اكتر من موديل مع الاحتفاظ بخصم الكمية , يبقى انا هايكون اتجاهى لـ 202
( اعتقد ان الجواب "نعم" , علشان من اللى قرأته فى امازون ان الشحن بيتحسب على شحنة واحدة لو حطيت كل اللى طالبه فى bucket واحدة )

و بكدا اللى عاوز 202 و اللى عاوز 201 ممكن يختاروا براحتهم و نجيب سوا و بتخفيض كمية كمان

[SeeNoEvil]

خلاص انا معاكم في ال202 بعد مشاهدة كام ريفيو على اليوتيوب
اسأل بقا الجروب وشوف ايه النظام

[I-IEMA]

خلاص انا معاكم في ال202 بعد مشاهدة كام ريفيو على اليوتيوب
اسأل بقا الجروب وشوف ايه النظام

للأســـــــف :mad:
:eek:HD202 : $22.40 + $6.44 shipping
معرفش ايه النظام فى الحالة دى ,, عاوزين افادة واحد تعامل مع امازون قبل كدا


محمود هو الى كان متابع مع الجروب لإن تقريبا كان متفق معاهم على خصم
انا بعتله رسالة , و منتظره يدخل لإنه بقاله 3 ايام مادخلش المنتدى :confused:

[Dr.a7med]

والله أنا أحتارت بين الموديلين أوي كل واحد علي النت برأي شكل و أن كنت أنا مايل أكتر ل 202 لأن معظم اللي أشتكوا راسهم كبيرة عشان الراحة
( محدش عارف بيبتدي من كام مقاسات الراس الكبيرة :D )
و لما فكرت في الموضوع شوية قولت أحنا ما شاء الله مستحملين علي ودانا اللي أشد منها 100 مرة فبالنسبة لنا 202 حتبقي ريش نعام :D

علي العموم اللي حيحكمني السعر لما نيجي نطلب لو لقيت الفرق أقدر عليه حجيب 202

[MF88]

السلام عليكم يا شباب

اعتذر عن عدم الدخول كام يوم عشان مناسبه فرح عقبال اولادكم :D

هقولكم على حاجه بس محدش يزعل منى

انا قررت اصبر شويه على الهيدفون .

1- الـ 201 الـ bass فيها ضعيف و دى حاجه انا بعشقها فى الهيدفونات .

2- الـ 202 صوتها ممتاز لكن غير مريحه زى ما ناس بتقول

هنتظر و اجيب حاجه من جيل الـ HD 5XX و هتكون كواليتى عاليه و مريحه و تمنها فيها بالتأكيد

او هدور على حاجه افضل بنفس مستوى السعر او اعلى فى حدود الـ 50 دولار

=======================

طبعا انا مش ندل . و اكبر دليل انى هخلص لكم موضوع الهيدفون السنهايزر بس تتفقو على العدد و الكميه و الأنواع

و هبلغكم بالسعر النهاااااااائى لحد باب المنزل لكل هيدفون

انا هجيب بعد الإمتحانات الهيدفون بتاعتى

مش عارق لسه الماركه و لا السعر . بس طالما هجيب حاجه من بره . يبقى لازم تكون مميزه و مميزه جدا كمان

يعنى يبقى معايا سنهايزر و تكون اى كلام مثلا ؟ او مش على مزاجى قوى؟ ده لا ممكن ابدا :D

جمعو اصواتكم عشان اخى شهر 6 هعمل الأوردر يا شباب و طبعا لو استقريت على حاجه هقولكم عليها

يمكن حد يحب يغير رأيه معايا وللا حاجه . و اهو فرصه تكونو حوشتو كام كيلو بندق :D

[Mshadow.me]

يعني كله كده أتفق علي ال202

أنا عن نفسي مش شايف فرق

في السعر الأتنين تقريبا قد بعض

بالنسبة لي مش حاقعد بها فترات طويلة (أكتر من 4 ساعات مثلا:D) فموضوع الراحة مش مشكلة

و في النهاية كده كده حاتجيب حاجة نضيفة تقعد معالك مدة و متحسش أنها وحشة

شوفلنا يا حودة ال202 حتبقي بكام (النهائي) أصل الدولار غلي يا زعيم و أسعار النهاردة مش زي أسعار أمبارح:p

[Dr.a7med]

يعني كله كده أتفق علي ال202

أنا عن نفسي مش شايف فرق

في السعر الأتنين تقريبا قد بعض

بالنسبة لي مش حاقعد بها فترات طويلة (أكتر من 4 ساعات مثلا:D) فموضوع الراحة مش مشكلة

و في النهاية كده كده حاتجيب حاجة نضيفة تقعد معالك مدة و متحسش أنها وحشة

شوفلنا يا حودة ال202 حتبقي بكام (النهائي) أصل الدولار غلي يا زعيم و أسعار النهاردة مش زي أسعار أمبارح:p

و أنا برضه أستقريت أن شاء الله علي 202

مش بقعد كتير علي الكمبيوتر -- و لسة كمان حشتري سماعات كمبيوتر جديدة 5.1 فحوفر اللي ممكن أدفعه زيادة في أني أجيب صب محترم لأني أفضل السماعات المنفصلة أحسن من الهيدفون

ملحوظة : MF88 بلاش تردد :D أنا شايف كل اللي أشتكي علي أمازون راسه كبيرة . أنت راسك كبيرة؟ :ah50:

[Mshadow.me]

و أنا برضه أستقريت أن شاء الله علي 202

مش بقعد كتير علي الكمبيوتر -- و لسة كمان حشتري سماعات كمبيوتر جديدة 5.1 فحوفر اللي ممكن أدفعه زيادة في أني أجيب صب محترم لأني أفضل السماعات المنفصلة أحسن من الهيدفون

ملحوظة : MF88 بلاش تردد :D أنا شايف كل اللي أشتكي علي أمازون راسه كبيرة . أنت راسك كبيرة؟ :ah50:

+1

الصب بالنسبة لي أحسن من الهيدفون بكتير

محمود لو عندكوا مازورة في البيت قيس راسك و قولنا:D:D

[MF88]

ههههههههههههههههه

مش موضوع مازوره و كده

انا بعد ما جبت الكارت الجيمر عرفت يعنى ايه صوت فيه BASS (( متعه بجد )) و عايز الهيدفون اللى توفرلى ده بغض النظر عن

اى حاجه تانيه


لو الـ 202 هتقوم بالواجب يبقى تمام . لو لا يبقى اجيب من جيل الـ HD5XX مش من ATI :D من سنهايزر

[I-IEMA]

طبعا انا مقدر جو التحير اللى كلنا عايشين فيه

و امازون برضه ما ننساش دورها فى الحيرة دى

لإن سعر الـ HD202 فيها كل يوم بشكل

امبارح كانت رجعت تانى لـ 30 + شحن مجانى
النهاردة اتعدل السعر و بقى $23.10 + شحن $6.99

من range السعر العام , يعتبر السعر واحد و ثابت
لكن السماعة اساسا سعرها العادى 22 دولار ,, و فيه ناس اجانب اشتروها فى اوكازيونات بـ 20 دولار بس

يبقى يا نشترى هيدفون بسعرها العادى ,, يا نشوف مكان تانى بيبيع الهيدفون دى بسعر كويس
لإنها كدا هاتقف عليها بـ 30 دولار !! و دا كتير عليها

انا بصراحة مش عارف اعمل ايه

انا ناوى اوزع السماعات الكبيرة اللى عندى علشان الصوت الدولبى و اعتمد عليها فى الافلام و الالعاب
كدا فاضل الـ MP3s , الـ HD202 اكتر من مناسبة لاحتياجاتى ( Bass + صوت عالى ) ,, لكن سعرها الحالى رخم

معلومة تهمكم : الـ HD201 سعرها 19.73 دولار + شحن مجانى !! ( صفقـــــة )


-----------
حد يعرف مواقع تانية مشهورة نشترى منها ( نشوف عليها سعر الـ HD202 ) ؟

[MF88]

انا كده كده منتظر الصيف

و طالما الـ 202 فيها bass قوى يبقى هى دى اللى هجيبها ان شاء الله

فيه مواقع تانيه

bestbuy.com و كذا موقع

لكن صدقنى . الموقع المشهور 100% هو امازون و نيو ايج

[Mshadow.me]

هي سعرها علي أمازون دلوقتي أرخص من newegg بدولار كامل:D

بس هوه مكتوب فين في أمازون أن الشحن ب7$, ملقيتهاش خالص:confused:


Newegg الشحن ب1$ زي ما هم كاتبين
https://www.newegg.com/Product/Produ...82E16826106306

[I-IEMA]

هاتلاقي سعر الشحن على اليمين خالص عند زرار add to cart

الـ HD202 نزلت نـــــــص دولااااااار بحاله :eek:

:D :D :D

[Dr.a7med]

السماعة موجودة علي ebay ب 20 دولار فقط

https://cgi.ebay.com/Sennheiser-HD20...item3a5b4c83f0

مش عارف الموقع ده موثوق فيه ولا لأ لأن نفس السماعة موجودة بأكثر من سعر :confused: زي كده مثلا

25 دولار
https://cgi.ebay.com/NEW-Sennheiser-...item3358f3628a

28 دولار
https://cgi.ebay.com/Sennheiser-HD20...item2558b656af

30 دولار
https://cgi.ebay.com/Sennheiser-HD20...item45f2ab84bc

ياريت حد يوضحلنا الفرق في السعر جاي من أيه ؟؟؟