1. لو الهيدفون يو اس بى يبقى كارت الصوت مش هيأثر نهائياً و بأى شكل فى الصوت لأن الكمبيوتر هيعامل الهيدفون على أنه كارت صوت متركب عليه هيدفون و ده لأن الهيدفون اليو اس بى بيجى درايفر الصوت بتاعه built in
2. لأ مش بيتلغى لوحده، بتخش على البيوس و بتعمل Onboard Sound أو Onboard audio حاجة كدة disabled
3. لأ سعر ال champ دلوقتى عليه عروض تخفيض على معظم المواقع عشان كدة سعره رخيص و أظن ده بسبب ان كرييتيف عاوزين يخلصوا اللى فى السوق منه بسرعة عشان ميموتش بعد ما ال Titanium HD ينزل
أنا اشتريت التيتانيوم من حوالى شهر من كمبيومى بسعر 860 جنيه و ده طبعاً سعر غالى جداً بس أنا مكنتش لاقيه فى ولا محل و افتكرته مش هينزل خالص، بصراحة كارت أكتر من تحفة و ميقلش عن ال champ غير فى 3 حاجات:
1) الوحدة الخارجية و بصراحة دى ملهاش أى 3 لازمة بالنسبة لى، ممكن تفيد واحد بيحب يوصل الهيدفون مع السماعات فى نفس الوقت
2) ال X-RAM و التقنية دى بحسب ما قريت مفيش ولا لعبة من اللعب الجديدة بتدعمها و تعتبر من أفشل التقنيات بالنسبة لكرييتيف لأنها معرفتش تدعمها بشكل كامل و فى طريقها للالغاء تماماً و ممكن حضرتك تتأكد من الكلام ده ببعض الجوجلة :ah2:
بالمناسبة صح الكارت التيتانيوم عليه ميمورى أون بورد بردو بنفس فكرة الاكس رام لكن بحجم 8 ميجا فقط مش 64 زى التشامب، لكن بحسب كلام كل الخبراء على مواقع الصوتيات ال 8 ميجا دى أكتر من كفاية و مفيش أى فرق فى الكواليتى بين الاتنين
3) الغطاء المعدنى للكارت و لمبة عليها علامة اكس فاى مضيئة
كارت اكس فاى برو مش موجود نهائياً من التوكيل فى مصر و لا أظن أنه هيتوفر قريبن على فكرة هو ده الكارت اللى كنت بدور عليه لكن لما ملقيتوش و بعد الكثير جداً جداً من البحث اتجهت للتيتانيوم
المفضلات