مود جديد للكيس التجارى هل من مؤيد؟

[ashrsf_f]

لسلام عليكم ورحمه الله و بركاته
هذا مود جديد للكيس التجارى ابو 120 جنيه بالباور بتاعه عايز اعرف رايكم و بعض افكاركم طبعا للتعديل ايضاا
دى صوره المود الاول

[ashrsf_f]

من هنا حمله و شغله فهو لا يحتاج تسطيب و به ادوات اخرى رائعه
https://depositfiles.com/en/files/8t1shnjlz

[Mostafa Gomaa]

ده شغل جامد أوى يا أشرف بما انك بأه من المحله زيي ممكن تقول جبت المروحه ال 120 منين والفلتر اللى عليها منين
وقصيت الكيسه والباور سبلاى ازاى وبايه
واشتريت لوح الاكريليك منين وظبط شكله ازاى
وبجد من أحسن الشغل اللى شوفته فى المنتدى انت ممكن تبيعها تانى ب 250 جنيه هى بس ناقصه شبكه على الفانه بتاع الباور سبلاى وتقوم مسود الكيسه بالباور وكولر ماستر تشتريها منك على طول:D

سؤال أخير المسامير الجميله اللى على الاكلريك ده جبتها منين؟؟؟؟؟؟؟؟؟؟
معلش كمان سؤال الشبكه اللى على المروحه اللى فى الجنب جبتها منين؟؟؟؟؟؟؟؟؟نفسى اجيب واحده علشان اركب واحده كبيره فى الجنيب

تعديل بسيط انت لو ركبت المروحه اللى فى الجنب ورا وجبت مروحه 120 بتنور فى الجنب هتخلى شكل الكيسه عروسه

[ashrsf_f]

الف شكر لردك على الموضوع
المروحه 120 لاقيته بالصدفه و هيا من جهاز اتش بى اورجينال
بالنسبه للقص الكيسه قصتها بمقص صاج بس متعبه شويه و الباور استخدمت اجنه و شاكوش
الاكلريك عند اى حد بتاع زجاج وبراويز
المسامير من عند الربع دا فى المحجوب
الشبكه اللى على المروحه موجوده لو عايزه قولى.
بالنسبه للفلتر دا غطاء سماعه بايونير قديم كان عندى.

[Mostafa Gomaa]

أولا تم التقييم

ثانيا انا عايز أركب مروحه 120 فى جنب الكيسه عندى موجهه لكارت الشاشه
فعايز أعرف إزاى أقص الاكلريك وازاى اعمل اخرام للمسامير
ومحتاج الشبكه اللى على المروحه علشان تضيف شكل كويس للكيسه

أنا كنت شارى مروحتين 120 بينورم من Pure اللى فى المنصوره يارب الاقى عنده مراوح تانى ,اجيب واحده وأركبها

[soliman]

شغل متعوب عليه الله ينور
بما انك غاوى خد دى
لو عايز اضائة مع الفان ممكن تشترى ليدات(لمبات صغيرةمثل الموجودة مع الفان اللى بينور) من عند اى واحد بتاع الكترونيات وبأى لون عايزه وتوصله مع الفانة
وتديلك منظر كويس بس خليك فى الليد الشفاف لان بيكون أضائته كويسة وباينه اكتر
الليد 3 فولت:o يعنى عايز 4 على التوالى ل 12 فولت

ولكن الصناديق التجارية مشكلتها ان الخامة بتاعتها سيئة جدا ومتستاهلش التعب والمصاريف

[ashrsf_f]

شكرا اخى soliman لردك الكريم و للمعلومات القيمه بخصوص الاضائه..

[ashraf_shivo]

شغل عالي الله ينور

[Mostafa Gomaa]

ماردتش عليه يا أشرف:confused:

[ashrsf_f]

ماردتش عليه يا أشرف:confused:

لو عندك صاروخ ركب عليه سلاح صغير و علم مكان التركيب و اقطع بيه الاكلريلك قصه سهل جدا مش بيحتاج مجهود لاكن عايز حرص و دقه و لو معندكش صاروخ ممكن بمكوه لحام برده بعد ما تعلم على المكان ممكن تفرغه بالمكومه بتاع اللحام بالنسبه للخرام طبعا بالشنيور و دا سهل جدا برده..
بالنسبه للشبكه عارف عبد الشافى بتاع الكباب اللى عالشون جنبه فى محل حمدى للكمبيوتر ة بعده بشويه برده فى واحد كمان عاطريق العمومى الاتنين عندهم الشبكه دى ..

[ahmed amin]

شغل تمام والله ..... الله ينور يا باشا .....
و الميزه فيه انه باين من كلامك انه غير مكلف ...... بس مش اي حد طبعا يعمله !!!

[ashrsf_f]

شغل تمام والله ..... الله ينور يا باشا .....
و الميزه فيه انه باين من كلامك انه غير مكلف ...... بس مش اي حد طبعا يعمله !!!

الف شكر لردك اخى الكريم و فعلا مش مكلف كل الموضوع 20جنيه غير ثمن المراوح طبعا

[q84ever]

شغل متعوب عليه

ويعطيك العافيه

[Mostafa Gomaa]

لو عندك صاروخ ركب عليه سلاح صغير و علم مكان التركيب و اقطع بيه الاكلريلك قصه سهل جدا مش بيحتاج مجهود لاكن عايز حرص و دقه و لو معندكش صاروخ ممكن بمكوه لحام برده بعد ما تعلم على المكان ممكن تفرغه بالمكومه بتاع اللحام بالنسبه للخرام طبعا بالشنيور و دا سهل جدا برده..
بالنسبه للشبكه عارف عبد الشافى بتاع الكباب اللى عالشون جنبه فى محل حمدى للكمبيوتر ة بعده بشويه برده فى واحد كمان عاطريق العمومى الاتنين عندهم الشبكه دى ..

ألف شكر بس انا للاسف ماعنديش صاروخ هل ينفع انى أعملها بقطر؟؟؟
وشكرا انك قولتلى على المكان

[ashrsf_f]

ممكن قطر بس صعبه شويه..