كارتونات و أغانى أيام الطفولة

[GiANT]

انا لم اكن اشاهد كرتون عندما كنت صغير :D

كنت اشاهد مسلسل اشحفان فقط :D

[ThE AlCheMisT]

https://www.youtube.com/watch?v=lONUC5N7QA4

:D:D

فيديو معدى اخر حاجة :D:D:D:ah4::D:D:D
جامد جداً

[net_cruiser]

الله على زمان و ايام زمان
يكفى ان الواحد مكنش شايل اى هم
وطبعا بالاضافة لكل البرامج اللى قولتوها فى كارتون رائع Donald D &squatters و خاصة مع السناجب

[S.O.S]

https://www.youtube.com/watch?v=lONUC5N7QA4

:D:D

بجد مسخره واد زي العسل موت علي روحي من الضحك بالرغم من اني محدرتش فتره الاتمانينات

[ThE AlCheMisT]

بجد مسخره واد زي العسل موت علي روحي من الضحك بالرغم من اني محدرتش فتره الاتمانينات

على فكرة دى مش بتنطبق على التمانينات بس، أنا من مواليد 88 يعنى كنت طفل واعى فى التسعينات و حضرت كل الحاجات اللى بيتكلم عنها دى
شفتوا بقى ازاى كان بيتضحك علينا و احنا صغيرين؟ :D

[ŤǾЯŊΛĐф]

حد فاكر ده : https://www.youtube.com/watch?v=ZtOl8F_7nX0&feature=related ، أنا هعيط يا جدعان :ah8:

[ŤǾЯŊΛĐф]

شوفوا الفيديو ده .. بس المهم تكون مواليد 1988-1980 .. مسخره للصبح :

https://www.youtube.com/watch?v=ZPH64s04Bx0

https://www.youtube.com/watch?v=lONUC5N7QA4

:D:D

الحاجات دى كانت أيامى برضوا ، مليش دعوة أنا عايز أرجع صغير تانى :D

[SeeNoEvil]

عاوز تتأكد أنك من الجيل الموكوس ؟ اذا كنت عشت الحاجات دي كلها او جزء منها تأكد انك من الجيل

راجع معايا كده:



1.اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك).



2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.



3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية).


4.اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه).


5.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.


6.إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه اللي مش عاطفي اطلاقا).


7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)


8.اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي.


9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).


10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.


11.اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن!).


12.اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش)!!!


13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين).


14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!


15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.


16.اذا كنت قد عاصرت الصراع على قمة مبيعات الكاسيت بين عمرو دياب ومحمد فؤاد

17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!


18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم)!!!!


19.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان).


20.اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق.


21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).


22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .


23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).


24.ان تكون قد شعرت بحرج بالغ عندما شاهد والدك او والدتك احد حلقات مسلسل (فريندز) معك لما يحتويه على كلام جنسي بذئ (بمقاييس وقتها طبعا!).



25.ان تكون شاهدت كليب المغنية حنان الشهير (اضحك بقى وافرجها ياعم)..واطلقت على المغنية بينك وبين اصدقائك لقب (المعزة).


26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).


27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!


28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)


29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).


30.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك!


31.اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين.


32.اذا كنت قد لعبت في طفولتك باحدى اشكال لعبة (الميكانو).

33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة
- الشبح).


34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.


35.اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم.


36.ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد).


37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).


38.اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها
(نسرينا).


39.اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة


40.اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (خمستاشر ألف جنيه!!!)


41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني.


42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان.


43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول).


44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر).


45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.


46.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى.


47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..


48.اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانية!!


49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة.


50.اذا كنت قضيت ايام و ليالي بتسمع اغنيه "دي دي" بتاعه الشاب خالد الي كانت مكسره الدنيا و لما كانت تخلص تجيبها تاني من الاول

51.اذا كان كل مصروفك ضايع علي الفيديو جيم خصوصا لعبه الديناصورات بتاعه مصطفي و حنان , و عمرك ما قفلتها لحد دلوقت


52.اذا كنت ضيعت تحويشه سنه علي سماعتين بايونير بيضاوي و ايكوليزر جينسن و ركبتهم في عربيه ابوك الي كنت بتقلبها منه بليل


53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب


54. اذا كنت دخلت فيلم "تيتانيك" اسطوره الرومانسيه و شفت البنات و هي طالعه من السينما منهاره و بتعيط من احداث الفيلم و انت طالع بتعيط علي فلوس التذكرة


راجع نفسك كدة
حتحس ان كنت عايش عيشة غريبة

This image has been resized. Click this bar to view the full image. The original image is sized 604x259.





This image has been resized. Click this bar to view the full image. The original image is sized 604x393.







This image has been resized. Click this bar to view the full image. The original image is sized 604x453.







This image has been resized. Click this bar to view the full image. The original image is sized 604x453.




اللى ماعش الفترة دى
أكيد فاتته حاجات كتير جدا

[ŤǾЯŊΛĐф]

أستسلم أستسلم :D ، أنا جبت 22 \ 54 ، يبقى يعتبر ناجح :ah4: ، تفاصيل الإجابات (8-10-11-12-14-16-17-22-24-26-28-29-31-32-33-39-41-42-43-47-51-53)

[ThE AlCheMisT]

حد فاكر ده : https://www.youtube.com/watch?v=ZtOl8F_7nX0&feature=related ، أنا هعيط يا جدعان

البتاع ده كنت بتفقع منه قوى و أنا صغير



1.اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك).
لسة عندى تى شيرت منهم


2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.
أكيد و كان عندى هاى كول و هاف كول و ألوان متعددة


3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية).
من حوالى سنتين فوجئت بالموضوع ده بس فى مسرحية شاهد ما شفش حاجة

4.اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه).
مكنتش بخش سينما و أنا صغير قوى كدة

5.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.
ذئاب الجبل و أبو زيد الهلالى :D

6.إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه اللي مش عاطفي اطلاقا).
البنات حواليا كانوا معجبين بالمغامر الأخضر

7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)
أساسى، و كنت بسهر اتفرج على الفيلم التشيكوسلوفاكى المبنى على قصة واقعية و يحكى قصة احتلال المريخيين لباب اللوق :D

8.اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي.
كنت بتفقع منها جداً

9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).
محصلش

10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.
كنت بحب اتفرج عليه قوى مش عارف ليه!!!

11.اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن!).
تقريباً كلهم مثلوا الدور ده ما عدا الأستاذ عبد الرحمن أبو زهرة لأنه كان مشغول بأفلام الكارتون المدبلجة

12.اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش)!!!
كنت صغير قوى على الكلام ده

13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين).
أكيد

14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!
و كان لازم أتنى أطرافها جامد قوى لحد ما تبقى عاملة زى الأنبوبة

15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.
كنت بقرأ لأحمد خالد توفيق مش نبيل فاروق .. و مازلت

16.اذا كنت قد عاصرت الصراع على قمة مبيعات الكاسيت بين عمرو دياب ومحمد فؤاد
و معاهم ايهاب توفيق

17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!
و نكتة الحلاوة :D

18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم)!!!!
متفكرنيش

19.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان).
طبعاً، البرنامج ده كان بالنسبة لنا أفضل من Scientific American, Discovery, Nat Geo, Animal Planet مجتمعين

20.اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق.
كنت بسمعهم فى بيتنا لأنى مكنتش بروح المعمورة، و خصوصاً حبك شو سوا حالى يا حوا :D

21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).
كانت بتبقى شغالة فى الأفراح فى الشارع، لأنى فى الفترة دى كنت ساكن فى منطقة شعبية نوعاً ما

22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .
أكيد، بس مجربتهاش عشان شكلى هيبقى مرعب لو عملتها

23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).
كل الاصدارات و كل ألبومات BSB و Eiffel 65

24.ان تكون قد شعرت بحرج بالغ عندما شاهد والدك او والدتك احد حلقات مسلسل (فريندز) معك لما يحتويه على كلام جنسي بذئ (بمقاييس وقتها طبعا!).
كنت بتفرج على الحاجات الوحشة دى من ورا أهلى :p


25.ان تكون شاهدت كليب المغنية حنان الشهير (اضحك بقى وافرجها ياعم)..واطلقت على المغنية بينك وبين اصدقائك لقب (المعزة).
اتفرجت عليها بس من غير اللقب، و فاكر أغنية المليونير بتاعة شريف منير؟

26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).
WC 98 و Power Rangers

27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!
عاصرت فترة نهاية السلعوة و الست بتاعة المقطم اللى قتلتها بإيديها

28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)
كلهم :D و كانت عاجبانى الفكرة الجديدة فى مسلسل من الذى لا يحب فاطمة انهم بيجيبوا أجزاء "من الحلقة القادمة"

29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).
أنا و اخوتى و أبى و أمى و أعمامى و عماتى و خيلانى و خالاتى و أبنائهم كنا بندور على الجادون و ملقيناهوش غير مرة واحدة و بعتنا على العنوان اللى فى الاعلان و لحد دلوقتى مجالناش رد

30.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك!
كنت صغير قوى على الكلام ده

31.اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين.
طبعاً، علبة جيل من أم جنيه و نص اللى بتسيب قشرة بعد ما تستخدمها :D

32.اذا كنت قد لعبت في طفولتك باحدى اشكال لعبة (الميكانو).
كانت عندى و عملت بيها عربية بعد كدة اتخنقت منها و دمرتها .... كالعادة

33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح).
من مظاهر الوجاهة الاجتماعية ان يبقى عندك خنزيرة! .. سبحان الله

34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.
مرديتش اشتريه عشان مش بحب البول أوفرات

35.اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم.
فاكره طشاش، اللى فاكره كويس أيام ما كان فيه سمير صبرى

36.ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد).
مخدتش بالى :D

37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).
هو كان اسمه كدة؟!!!!!

38.اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها (نسرينا).
أكييييييييييييييييد

39.اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة
:D:D يعنى هم لقوا غيرهم؟!

40.اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (خمستاشر ألف جنيه!!!)
سمعت عن الخبر بعد ما كبرت شوية، لكنى ما أوعاش عليه

41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني.
فعلاً و بنفس الترتيب تقريباً، كنت بحب و انت عامل ايه قوى عشان هنيدى و علاء ولى الدين الله يرحمه

42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان.
مكنتش بحب كوكى كاك و كنت بغير القناة أول ما ألاقيه

43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول).
أبو دراعين جابهولى والدى و أنا فى حضانة، بعد كدة جبت الفاميلى و كنت أنا و أصحابى بنبدل الشرايط بتاعته و بنتخانق مع بعض عليها، و قفلت كابتن ماجد و كسبت كارلوس و فرسقه البرازيل فى النهائى، و فى مرة أصحابى قالوا انى مجنون لما اشتريت شريط النينجا ب40 جنيه :D

44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر).
مش فاكره!

45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.
كنت بسمعه عشان مكنتش بلاقى غيره!

46.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى.
مش فاكر

47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..
طبعاً و السندباد البحرى

48.اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانية!!
حرامى الدش .. لول :D

49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة.
مكنتش بحبها خالص

50.اذا كنت قضيت ايام و ليالي بتسمع اغنيه "دي دي" بتاعه الشاب خالد الي كانت مكسره الدنيا و لما كانت تخلص تجيبها تاني من الاول
كنت مسجلها فيديو و بتفرج عليها

51.اذا كان كل مصروفك ضايع علي الفيديو جيم خصوصا لعبه الديناصورات بتاعه مصطفي و حنان , و عمرك ما قفلتها لحد دلوقت
ياااااااااااااااه، طبعاً :D
و الكوين أبو ربع جنيه و كل ما تكسب يقول لك جيم أوفر و لما تعد تتحايل على صاحبك عشان ييجى يلعب معاك عشان تقفلوا اللعبة بسرعة

52.اذا كنت ضيعت تحويشه سنه علي سماعتين بايونير بيضاوي و ايكوليزر جينسن و ركبتهم في عربيه ابوك الي كنت بتقلبها منه بليل
محصلش، بس أبويا هو اللى جابهم لوحده :D

53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب
:mad::mad:
فكرتنى ليه بس؟؟!!

54. اذا كنت دخلت فيلم "تيتانيك" اسطوره الرومانسيه و شفت البنات و هي طالعه من السينما منهاره و بتعيط من احداث الفيلم و انت طالع بتعيط علي فلوس التذكرة
مرديتش أخشه عشان سمعت انه قليل الأدب :o



وانمانشو .. عطرى المفضل و أنا صغير عشان مكنتش أعرف غيره

This image has been resized. Click this bar to view the full image. The original image is sized 604x259.
الغريب ان الكانز دى كانت بتصدى!!



كنت بجيب منه واحد كل يومين تلاتة من عند عم عادل بتاع المكتبة و كنت بكسره عشان أعرف الشرار بيطلع منين


كان فى اشعة بتقول ات الاستيكة دى بتمسح القلم الجاف

This image has been resized. Click this bar to view the full image. The original image is sized 604x393.
هى دى من أكتيفيجن؟؟!!!!!!!!!
أول مرة أعرف!!
بس كانت معدية زيو زيو زيو توووووووووووووت :D



رفعت اسماعيل و بس


متفرجتش عليه كتير

This image has been resized. Click this bar to view the full image. The original image is sized 604x453.
كنت بجيبها و أفعصها على طول :D


على فكرة البتاعة دى لسة بتتباع فى سبينس و كارفور و بجيبها كتير مع وجود الكادبورى بنفس تمنها!


بالذمة ده منظر كتاب؟!!! احنا كنا غلابة


على طول كنت بكسرها و بتملى الأرض و أدوس عليها و تعورنى

This image has been resized. Click this bar to view the full image. The original image is sized 604x453.
لسة عندى البواقى بتاعته، كنت بحب قوى أشترى الجموعة بتاعة بنى غازى عشان أبنى فيها سوق بسرعة، و كنت بحب أمسك البنك عشان بحب ال math


كان عندى بس من غير ولا شريط، مكنتش عارف بشتريهم منين!

بجد يا SeeNoEvil انت عبقرى و تستاهل دشليون تقييم :D

[SeeNoEvil]

اللي يستاهل الكلام ده صاحب الموضوع انا نقلته بس مش اكتر
وفعلا كانت ايام متتعوضش
كان عندي الاتاري الاسود ده
ولعبه السمك وبنك الحظ والكلام ده

[mody73]

مدينة الفواكه ده كان جامد جداً :D
كان نفسى و أنا صغير تبقى عندى شنطة موزى اللى قد الكف و بيطلع منها كل حاجة من الابرة للصاروخ :p

اه فاكر انت كامبا ههههههههههههههههههه وشوكي واردون ههههههههه والله انا نفسي اجيب الكرتون دة وهاموت برضة علي الدولفين ونبيه هههههههههههه

[mody73]

الواحد مش مصدق ان بقا ليه تاريخ وانه كبر وبقا في جيل جديد غير جيلة انا كان عندي اغلب الحاجات اللي في الصور خصوصا لعبة السلة الفاشلة دي واتاري الطيارات وكنت بلبس فنلات كلفن كلاين واحزمة كلفن كلاين وكنت هموت علي اميجو بينور وكنت من عشاق مسلسل الفرسان وكرتون كعبول كعبول الكلب الكسول يتبع عبقرينو المخترع المجنون ياااااااااااااااااه ايام

[optimus prime]

شكرا يا تورنادوا ع الموضوع دا
انا متيم بجميع انواع الكارتون الي ممكن تتخيلوها وحافظ اغلب الاغاني
وفي ايام كتير بدخل ع اليوتيوب واتفرج ع الفيديوهات القديمة
وفرحت جدا لما الشيرنج كود فتح التسجيل وزعلت لما لقيت حاجات كتيرة ناقصة من عليه وسرعة التحميل بطيئة
علشان اما اخرجش عن الموضوع
اكتر حاجة حبتها ف الكارتون ابطال الديجيتال الاول والتاني التالت والربع ما نزلوليش من زور
وبرضه بحب الشجعان الثلاثة
ولما بفتح ام بي ثري دلوقتي بحس ان الاطفال دلوقتي مظلومة جدا

[ThE AlCheMisT]

اه فاكر انت كامبا ههههههههههههههههههه وشوكي واردون ههههههههه والله انا نفسي اجيب الكرتون دة وهاموت برضة علي الدولفين ونبيه هههههههههههه

اه كامبا الطفلة اللى قد موزى الموزة :D
و رولى و وكى أصحابهم، و البيوت اللى على شكل الفواكه
و قردون الشرير اللى كان معاه الغوريلا الكبيرة فى معمله الغريب اللى كان بيفرقع فى اخر كل حلقة