بسم الله الرحمن الرحيم
والصلاة والسلام على أشرف المرسلين محمد بن عبدالله عليه افضل الصلاة والتسليم
السلام عليكم ورحمة الله وبركاته
بعد التحية لكل أعضاءعرب هارد وير الكرام
أرجو أنا يكون هذا الموضوع أحد المواضيع التي يكون لها صدى واسع طمعا في ان يكتسب هذا المنتدى شهرة أكبر في
المجال العلمي ويكون من أفضل المنتديات كما قولت في الشرق الأوسط وما ذلك على الله ببعيد


انهاردة هنبدأول الدروس واللي تندرج تحت أول عنوان كتبناه وهو

Network introduction



وانهاردة هنتناول مجموعة من المواضيع وهي


1.1-network definition

1.2-network importance

1.3-network components

1.4-network topologies

1.5-network types




ونبدأ بأول موضوع وهو


1.1-network definition تعريف الشبكة


الشبكة هي عبارة عن مجموعة من المكونات
المرتبطة مع بعضها البعض علشان تقدملي خدمة معينة لكن طبعا مش شرط أبدا ان الشبكة دي تكون مجموعة أجهزة كمبيوتر ممكن جدا تبقى شبكة من أي حاجة بمعنى اني لو ربطت مجموعة حبال مع بعضها علشان أشد حاجة معينة ممكن أسميها شبكة ممكن مجموعة موبايلات مع بعضها تكون شبكة أي حاجة في الدنيا ممكن تكون شبكة لكن لعل أوضح حاجة في الموضوع ده هو لما أربط مجموعة من أجهزة الحاسب مع بعضها وأبدأ أدخل من أي واحد فيهم على التاني فدي تبقى المفهمو الواضح للشبكة


1.2-network importance



-طبعا أهمية الشبكات بالنسبة لحياتنا كبيرة جدا واحنا هنا حيث ان كلامنا كله هيبقى على شبكات الكمبيوتر فأكيد هيكون كلامنا عنها طول الوقت . تخيلوا معايا مثلا زمان لما كان بيبقى عندي بنك له أكثر من فرع مثلا نفترض فرع في أسوان وفرع في القاهرة وأنا مسجل في فرع البنك اللي في اسوان وسافرت القاهرة وعاوز أسحب فلوس من فرع البنك اللي في القاهرة في البداية الكلام ده مكانش ينفع خالص وكان عامل البنك ممكن يقولك ارجع لفرع البنك بتاعك بعد كدة لما فكروا شوية بدأت فكرة انه يبقى في دفاتر لكل العملاء المتسجلين في البنك بفروعه المختلفة الدفاتر دي تبقى موجودة في كل فروع البنك وتخيلوا زي المثال السابق اني مسجل في فرع أسوان وروحت القاهرة كان عامل البنك يطلع الدفاتر الموجودة عنده ويبدأ يدور فيها على اسمي فضلا عن كم الجهد اللي ممكن تتخيله اللي كان في الكتابة بتاعة الدفاتر دي كانت عملية شاقة جدا وبعد كدة ظهرت مثلا مكنة التصوير فبدأ الموضوع يبقى اسهل شوية
مجرد شخص بيكتب وبيصروا الورق ويتوزع على كل فروع البنك بعد كدة بدأ ظهور أجهزة الحاسب وطبعا العملية سهلت أكتر لما بدات السماء كلها تبقى موجودة على الجهاز لكن ده كان ممكن يستغل جزء كبير من مساحة الحاسب نظرا طبعا لأن التطور مش زي دلوقتي لأن كان كل بنك لازم يبقى في أجهزة الحاسب الموجودة فيه أسماء كل العملاء في كل الفروع ولما ظهرت فكرة تكوين شبكة بدأت فكرة ربط أجهزة فروع البنك كلها ببعضها وطبعا كان كل فرع من فروع البنك بيسجل بس العملاء الموجودين في البلد بتاعته ولو في عميل مش موجود يقدر يدور في الجهاز اللي في فرع تاني فده سهل كتير عملية التعامل .






-الحاجة التانية طبعا من الحاجات اللي سهلتها الشبكات اني لو مثلا عندي مجموعة موظفين شغالين في مكتب واحد وكل واحد عنده جهاز فعلشان أقدر أخليهم يطبعوا كلهم كان لازم أجيب لكل جهاز طابعة خاصة بيه لكن بعد ظهور الشبكات اصبح اني ممكن أخليهم كلهم يشتركوا في استخدام طابعة واحدة بس ودي كانت فايدة الشبكة اني أعمل مركزية في استخدام الأجهزة الغالية الثمن

-الحاجة الثالثة والأخيرة في فايدة الشبكة اني بقدر من خلالها أني أوفر واسهل نقل الملفات بينالأجهزة وكمان بقدر اني اسهل نقل حاجات كتير من خلال الشبكة زي الصوت والفيديو وغيرها .







1.3-network components مكونات الشبكة



1-COMPUTER


وطبعا أول حاجة في مكونات الشبكة هي الكمبيوتر أو جهاز الحاسب وهو اللي من غيره حتى لو في شبكة مش هقدر اني استفيد منها


Computer :
it is the main component because it is the source of applications



طيب احنا هنا محتاجين نعرف التطبيقات اللي بنقول عليها دي هي عبارة عن ايه


Network aware applications: services that can be done with a remote device not your local device .


التطبيقات دي عبارة عن مجموعة خدمات بقدر أستفيد منها لكن التحكم فيها مبيتمش عن طريق الجهاز بتاعي لكن عن طريق جهاز بعيد مني

زي ايه بقى التطبيقات دي :


1- HTTP ( hyper text transfer protocol) :used for browsing


2- FTP(file transfer protocol): used for upload and download files


3- SMTP( simple mail transfer protocol):used for sending e-mails


4- POP3(post office protocol version 3):used retrieve (receive ) e-mails


5- TELNET: used for remote login



طب هنا بقى في سؤال مهم جدا , كل الكلام اللي قولناه فوق كويس بس بشكل عام بقى هو ايه البروتوكول

البروتوكول :هو عبارةعن مجموعة قواعد بتتفق عليها الأجهزة بينها وبين بعضها علشان تنظم عملية نقل حاجة معينة قبل النقل علشان أنا مثلا لو نزلت ده على مثال واقعي هلاقي مثلا اني لو نقلت رملة غير لو نقلت فاكهة معينة أو خضار معين من مكان لمكان دي ليها اسلوب في النقل ودي ليها اسلوب وأكيد الطريق اللي بمشي فيه لما بنقل رملة ممكن يختلف عن لونقلت فاكهة وكمان اسلوب التخزين في العربية هيختلف ونوع العربية اللي هتنقل ده غير ده معلش يمكن تكون أمثلتي عامية شوية بس انا شايف انه افضل حاجة انك تقدر تبين بيها للناس المعلومة ان الواحد يضرب أمثلة من الواقع
طيب نرجع بقى لبروتوكولات الشبكة ونطلع من الطبيخ اللي احنا عملناه ده
نفس الكلام اللي قولته فوق ينطبق تماما على بروتوكولات الكمبيوتر بدون أي إختلاف فمثلا علشان أقدر أنقل ملف مثلا 5 جيجا غير لما أنقل صفحة مثلا حجمها بالكيلو بايت كل حاجة وليها طريقة نقل كذلك لو حبيت أبعت ايميل فده يختلف وعلشان أقدر اني أوضحلكم عمل البروتوكول هنضرب مثال بسيط جدا عن بروتوكول ال SMTP
نشوف مثلا زمان ايه اللي كان بيحصل لما أحب أبعت رسالة من مكان لمكان أول حاجة كنت بعملها ان تجيلي الفكرة اني ابعت رسالة لواحد صاحبي مثلا في السعودي كنت بطلع ورقة وقلم وأبدأ أفكرهكتب ايه في الرسالة وبعدها بعد أما بخلصها بطبق الورقة وأحطها في الظرف وأقفل الظرف وبعدها أكتب عليه العنوان وأروح لمكتب البريد وأحط الظرف في صندوق البريد أو ييجي البسطجي ياخده مني يوديه في الصندوق بعدها مكتب البريد ياخد الجواب بتاعي يحطه على حسب نوع البريد اللي أنا عاوزه بري ولا جوي ولا سريع على حسب النوع والناحية التانية في السعودية مثلا مكتب البريد يدي الجواب للبسطجي اللي هناك وهو يوديه لصاحبي وصاحبي يفتحه ويقراه ودي عملية الإنتقال بتاعة الجواب
بتاعي لحد أما توصل لوجهتها الصحيحة





اللي احنا شرحناه فوق ده هو البروتوكول , عبارة عن مجوعة قواعد بنمشي عليها علشان نعمل حاجة معينة
لما الدنيا تطورت وبدأ إستخدام الإنترنت بدأت الناس تفكر في انه ممكن بدل أما ابعت جواب عن طريق البريد ممكن أني أبعته عن طريق الشبكة فاتعمل بروتوكول يقدر ينقل الرسائل الإليكترونية وعلشان بتتنقل عن طريق الشبكة فسموها رسائل إليكترونية أو electronic-mail والبروتوكول بتاعها اسمه SMTP
(simple mail transfer protocol)
وده كان البروتوكول المسئول عن إرسال الرسالة فمثلا أنا لو بعت رسالة لعنوان a@hotmail.com هلاقي ان البروتوكول ده بيقوم بوظيفة عامل البريد اللي بييجي يستلم الجوابات مني علشان يوديها لمكتب البريد فالعنوان اللي فوق هو العنوان اللي أنا باعتله واسمه هو a .أما بقى مكتب البريد نفسه فهو عبارة عن سيرفر والسيرفر ده اسمه hotmail.com وده طبعا حيث انه يمثل مكتب البريد وحيث انه اليكتروني مش يدوي فلازم يكون عنده عناوين كل الناس فمعنى انك بتعمل ايميل انك بتضيف لنفسك عنوان جوة مكتب البريد اللي هو السيرفر علشان كدة
السيرفر لازم يبقى عارف مين اللي باعتله وهو هيبعت لمين فبيبقى جواه كلالعناوين اللي هي الإيميلات بتاعة الناس كلها . أول لما بيوصل الجواب أو الرسالة وعليها العنوان المرسل والمرسل اليه بيبدأ السيرفر يشوف العنوان اللي هيتبعتله الرسالة ويبدأ بروتوكول تاني يتولى مسؤولية التسليم واللي اسمه pop3(post office protocol) وباين طبعا من اسمه وده بياخد العنوان الجواب أو الرسالة من السيرفر وطبعا ده بيمثل عامل البريد اللي هيسلم الجواب وياخده من السيرفر علشان يوديه للعنوان المطلوب فباختصار ده بيمثل البروتوكول المسئول عن تسليم الجواب واللي تحت دي صورة توضح عمل البروتوكولين دول
.



ولعلنا إن شاء الله نتكلم عن البروتوكولات اللي فوق دي كلها أثناء الشرح وخصوصا بروتوكول ال TELNET هيكون لينا معاه وقفات كتير خلال الكورس





2-NETWORK DEVICES أجهزة الشبكة



وتاني حاجة في مكونات الشبكة هتلاقيها هي أجهزة الشبكة المختلفة وتحت العنوان ده هنذكر مجرد أسماء للأجهزة بعضها هنتعرض ليهخلال الكورس بالتفصيل وبعضها هنقوله بشكل مبسط وبعضها مش هنلاقيه في الكورس اساسا
هنلاقيه في كورسات تانية وبتنقسم أجهزة الشبكة لنوعين الأول بنسميه BASIC DEVICES أما التاني فبنسميه ADVANCED DEVICES وهنذكر كل واحد تحته ايه


-BASIC DEVICES :

Repeater
Hub
Bridge
Switch
Gateway
Router
Modem
NIC(network
interface card)


-ADVANCED DEVICES:

Wireless access
point
Firewall
VPN concentrator
IDS
IPS
IP PHONE

وإن شاء الله آخر 4 أنواع قبل الآي بي فون هنتعرضلهم لما ندخل في السيكيوريتي أما الأكسيس بوينت فهنتعرضلها في الوايرلس إن
شاء الله





3-CONNECTIVITY:



وطبعا ده آخر حاجة في مكونات الشبكة وهو التوصيل وهو بيبقى ياإما wired يا إما wireless وبالنسبة للتوصيل السلكي فهنلاقي ان انه في أنواع كتيرة جدا من الكابلات والشركات المصنعة للأسلاك اشهرها على الإطلاق في مصر شركة السويدي للكابلات

1.4- NETWORKTOPOLOGIES







ويقصد بالعنوان السابق هو طرقة توصيل الأجهزة مع بعضها البعض في الشبكة وفي طرق كتير جدا في التوصيل هنذكرها كلها إن شاء الله
1-أول طرقة فيطرق التوصيل بيسموها POINT TO POINT وطبعا واضح جدا من الإسم اني بوصل جهازين مع بعض بشكل مباشر وبيبقى فيه مرسل واحد ومستقبل واحد في الحالة دي






2- الطريقة التانية بيسموها ال BUS TOPOLOGY والطريقة دي بتبقى عبارة عن زي سلكة معينة بوصل بيها مجموعة أجهزة وكل ماأكون عاوز أوصل جهاز في الشبكة بوصله بالسلكة دي وهكذا ومن أشهر التكنولوجي اللي بتستخدم ال BUS TOPOLOGY تكونولوجيا الإيثرنت ودي طبعا هيكون كلام الكورس كله تقريبا عليها وبشكل عام كتعريف ليها دلوقتي تقدروا تعتبروا ان الإيثرنت هي تقنية لربط الأجهزة القريبة من بعض بحد أقصى للمسافات بينهم حوالي 100 متر وهنا بيبقى عندي مرسل واحد وأكتر من مستقبل




3- الطريقة الثالثة بقى اسمها ال RING TOPOLOGY وهي من اسمها انها بتربط بين مجموعة الأجهزة على شكل حلقة بمعنى انه جهاز بيبعت لجهاز ودي من أشهر التيكنولوجي اللي بتستخدمها تكنولوجي اسمها TALKIN RINK ودي طبعا مش موضوعنافي المورس خالص لأني على ماأعتقد ان اللي كانت بتستخدمها هي أجهزة ماكنتوش والطريقة دي ليها مشاكل ملهاش حد أولا اني علشان اقدر اوصل من جهاز لجهاز في بعض الأحيان لازم أعدي على الشبكة كلها تقريبا وجهاز يسلم جهاز لحد أما أوصل للجهازالمطلوب وده طبعا ممكن يعمل ضغطعلى الشبكة أو ممكن يتسبب في إتلاف المعلومات المرسلة أو حدوث حاجة اسمها LOOPS وهنتعرضلها كتير جدا فالطريقة دي لا تفضل في التوصيل على الإطلاق




4-والطريقة الرابعة بيسموها ال STAR TPOLOGY والطريقة دي هي الطريقة الشائعة الإستخدام لدى معظم الناس في الشبكات علشان هي عبارة عن جهازمركزي وكل الأجهزة بتوصل بيه وبتفضل جدا في بناء الشبكات لأن مشاكلها قليلة جدا كما انها سريعة جدا جدافي التوصيل












5-الطريقة الأخيرة بقى اسمها ال MESH TOPOLOGY وفي الطريقة دي بنوصل كل الأجهزة مع بعضها بالبلدي كدة كله بيكون واصل بكله بمعنى ان في وصلة مباشرة بين أي جهازوأي جهاز تاني في الشبكة والطريقة دي طبعا طريقة كويسة لكن فيها مشكلة كبيرة جدا انه كل مازاد عدد الأجهزة هيزيد عندي عدد الأسلاك اللي بقدر أوصلها بالشبكة زيادة كبيرة جدا فمثلا لو عندي جهزين هيكون فيه سلك واحد ولو عندي 3 هيكون عندي 3 اسلاك أما لوعند 4 هلاقي عدد الأسلاك اللي محتاجها 6 اسلاك ولو 5 هلاقيهم 10 أسلاك وهكذا فالطريقة دي ممتازة جدا في التوصيل لما يكون عدد الأجهزة قليل في الشبكة.







-دي بقى آخر جزئية في الدرس انهاردة واعذروني الدرس انهاردة قصير شوية نظرا لضيق الوقت لكن إن شاء الله علشان هيكون قدامي فترة لحد يوم الثلاثاء فهدر اني أكبر الدرس شوية

آخر حاجة في الدرس بتاع انهاردة هو أنواع الشبكات والشبكات بشكل عام بتنقسم ل 3 أنواع

1- أول نوع اسمه ال LAN(LOCAL AREA NETWORK) وهي مجموعة من الأجهزة موجودة في مساحة
صغيرة لا تتجاوز المسافات بينها 100 متر زي ماقولنا ومن اشهر أمثلتها هي الإيثرنت وبتصل السرعة فيها لسرعات عالية جدا ومن سرعاتها 10 ميجا و 100 ميجا و1000 ميجا اللي هي الجيجا

2-تاني نوع اسمه MAN ( METROPOLITAN AREA NETWORK) وبيسموها الشبكة العاصمية وهي عبارة عن مجموعة من ال LANS لكن موجودة في نفس المدينة وعلى مسافات قريبة من بعض ومن أمثلتها حاجة اسمها METRO EATHRNET واللي بتصل السرعة فيها ل 10 جيجا وكمان من أمثلتها حاجة اسمها ATM واللي بتصل السرعة فيها ل 40 جيجا

3-تالت نوع اسمه ال WAN (WIDE AREA NETWORK) وهي عبارة عن مجموعة LANS لكن على مسافات بعيدة عن بعضها شوية ومن أمثلتها:
DSL
ISDN
X.25
FRAME RELAY
وبكدة نكون خلصنا الدرس
انهاردة وبعتذر عن قصر الدرس لكن الوقت اللي كان متاح ليا ضيق شوية فمعلش بقى