هام لكل من اشترى او سيشتري مزودات OCZ PSU في مصر

[محمد الجوهري]

العٌــــــــــــــــــرف :

هو ما اعتاده الناس وساروا عليه من كل فعل شاع بينهم أو لفظ تعارفوا على إطلاقه لمعنى خاص لا يتبادر غيره عند سماعه، وهذا يشمل العرف العملي والعرف القولي... والعرف العملي

و العرف هو ما إعترف به الناس

و عٌرف بلدنا اللى احنا ماشيين عليه و اللى انا اعرفه و الكل يعرفه
إن 80 % إن لم يكن 90% لا يعرف معنى كلمه Recertified من الأساس
و منهم أنا حتى عرفتها من إسبوعين فقط

يعنى مش كل تاجر عارف معنى الكلمه و مش كل عميل عارف معنى الكلمه
انا لو رحت اشتريت باور النهارده و لقيت عليه الكلمه دى لن ألتفت اليها و لن أبحث عنها
ده لانى عميل عادى ... مستخدم بسيط ... يهمنى المحل اللى بشترى من عنده
أكتر ما يهمنى الوكيل ... لانى عمرى ما هاتعامل مع الوكيل ولا هاعرفه , مفيش اتصال
بينى و بينه من أى نوع ....

و بالنسبه للعملاء المحترفين أمثال حضراتكم .. أعتقد ان الكرتونه عليها سيريال تقدرو تتحققو منه زى
ما المهندس محمد رمزى عمل

و بعدين أنا عندى سؤال مهم : هل كل الباورات اللى دخلت Recertified ياريت لو تكرمت توضح يا أستاذ شريف ...
لأنى شفت قبل كده صور ( حتى من موضوعات للمهندس محمد ) فيها منتجات عليها غلاف من الخارج
و تبدو و كأنها جديده .. و الصور موجوده من شركه Top Ten للمصداقيه

المهم علشان ما أبعدش عن الغرض من الموضوع
بشكرك جدا يا مهندس محمد .. بارك الله فيك على عناءك و تعبك و بحثك لإظهار الحقائق
بصراحه بحييك كمان على صبرك فى ارسال الرسائل للشركه و تجولك فى المولات
لك أحلى تقييم رغم ان التقييم لا يوفيك حقك

و نزولا على طلبك أنا قمت بصيت على الباور بتاعى فى الجهاز لقيت السيريال مفيش فى آخره B
و لكن على الكرتونه فعلا لقيت B



و حابب أقول ان الباور ده عانى الكثير معى
بعد ما جبته بيومين كنت بركب مروحه و حصلت قفله طلعت شرار ... الباور فصل زى الشاطر كده
و شويه شغلته اشتغل زى الفل

اتكرر الموضوع ده حوالى 6 مرات و ما زال الباور مستمرا فى العطاء
كاسر سرعه البروسيسور ل 3.2 جيجا و مشغل كارت 4890 و 4 مراوح و هاردين
شغل 24 ساعه فى اليوم 7 أيام فى الأسبوع

و بكرر تانى وجهه نظرى التى تخالف رأى الكثيرين
اللى يهمنى الضمان الفعلى من المحل أو التوكيل اللى انا شارى منه
لان لو جينا ندور على ضمان المصنع هتلاقى ان من رابع المستحيلات ارسال المنتج للمصنع تانى
و لو عاوز اشترى باور OCZ من أمريكا جديد ... أظن حضراتكم متخيلين هيكلف كام

[net_cruiser]

العٌــــــــــــــــــرف :

هو ما اعتاده الناس وساروا عليه من كل فعل شاع بينهم أو لفظ تعارفوا على إطلاقه لمعنى خاص لا يتبادر غيره عند سماعه، وهذا يشمل العرف العملي والعرف القولي... والعرف العملي

و العرف هو ما إعترف به الناس

و عٌرف بلدنا اللى احنا ماشيين عليه و اللى انا اعرفه و الكل يعرفه
إن 80 % إن لم يكن 90% لا يعرف معنى كلمه Recertified من الأساس
و منهم أنا حتى عرفتها من إسبوعين فقط

.................................................. ........................................

يا استاذ محمد كلامك مع احترامى لشخصك الكريم غير صائب اذا كنت ترى ان الاستيكر ليس ذو اهمية لان كلمة Recertified لا تعنى شىء لكثير من الناس و لن يفرق هذا المنتج عن الجديد واداءه ممتاز كما فى بورك اعطاك الله خيره و كفاك شره
الامر الاساسى فى الموضوع الامانة المنتج خرج عليه كلمة Recertified و بيباع بسعر اقل عن الجديد فلو الامر مش فارق لما قامت الشركة الام بعمل ذلك من الاساس و ارجوا الرجوع لمشاركتى السابقة فى هذا الموضوع و تدبر كلام الرسول صلى الله عليه و سلم
تخيل حضرتك لو انا كتبت موضوع لبيع منتج ما و قلت انه جديد و لثقتك فى اشتريته انه جديد و اداءه ممتاز و لكنك اكتشفت بعد ذلك انه مستعمل و لكنه لا يفرق عن اداء الجديد فان كان حتى الامر سيمر مرور الكرام من ناحية الاداء فسنأتى للامر الثانى و هو السعر و هذا لشىء مستعمل فما بالك بشىء كان به عيب و تم تصليحه

[tarekforall]

موضوع في غاية الخطورة أخي محمد، شكرا لك على توضيح بعض الحقائق وفي انتظار المزيد حتى تتضح الصورة كاملة
أرجو من الاستاذ شريف الرد على مشاركة أخي مبارك

[hm90memo]

الامر الاساسى فى الموضوع الامانة المنتج خرج عليه كلمة Recertified و بيباع بسعر اقل عن الجديد فلو الامر مش فارق لما قامت الشركة الام بعمل ذلك من الاساس و ارجوا الرجوع لمشاركتى السابقة فى هذا الموضوع و تدبر كلام الرسول صلى الله عليه و سلم

+11111111111111111111111111

[محمد الجوهري]

الامر الاساسى فى الموضوع الامانة

اين هي الامانة

كلمه السر فى الموضوع كله هى : الأمانه

صدق رسول الله صلى الله عليه و سلم

فى إنتظار توضيح أستاذ شريف

[Mubarak]

أسوأ مافي الموضوع إن ثبت هو إزالة الاستكر، إزالة الاستكر تدليس واضح وفيه سوء نية.

[A-Bomb]

مع احترامي للكل أنا بس عندي نقطة واحدة:
ليه منتج مش جديد يتم بيعه علي انه جديد و علي عيني من فوق كل الناس بس ممكن اجابة واضحة و مباشرة بعيد عن وجود ضمان او عدمه...
لما رحت زمان radioshack اجيب جهاز creative zen vision m و لقيته ب1000 جنيه و سألت ليه الراجل قالي بمنتهي الوضوح دا حضرتك جهاز refurbished أنا بقي اللي اقرر اجيبه ولا لأ و هو هو عليه نفس الضمان بتاع الجديد و كله و علي ما وصلت المحل كان خلص الجهاز.
الفكرة ببساطة شديدة جدا مش ان المنتج شغال ولا لأ ولا ان المنتج علي ضمان ولا لأ...الفكرة ليه لم يتم الاعلان عن دا؟؟؟ ليه أشتري جديد و يطلع مش جديد؟؟

[SeeNoEvil]

كلام تمام 100% يابومب

[HaMsiK]

^^1+

[Doctor Medo]

لا تعليق من عندي لاني قبل كده لما اتكلمت كل الناس هاجمتني لكن الحمد لله الحقيقه بانت اهو و واضح ان OCZ بتمارس اللعبه دي عالميا

[محمد الجوهري]

ليه منتج مش جديد يتم بيعه علي انه جديد و علي عيني من فوق كل الناس بس ممكن اجابة واضحة و مباشرة بعيد عن وجود ضمان او عدمه...

مانا وضحت السبب

لأنه جرت العاده ان التجار يتكتمو على الموضوع ده
و ده من تجربتى انا الشخصيه
فيه منتجات كتير بتكون كده و بنشتريها و ماحدش بينبهنا
ولا حد بيجيب سيره ... ده عٌرف سائد

حد يقدر يقول لى : هل كل الباورات ال HEC , Antec, Gigabyte جديده ؟ ولا فيه منها معاد تصنيعه

و سألت ليه الراجل قالي بمنتهي الوضوح دا حضرتك جهاز refurbished

مثال يحتذى به
و ياريت الكل يعمل كده
بيبيع كمبيوتر , بيبيع لبس , بيبيع أى حاجه
ياريت الكل يعمل كده

هى دى فعلا : الإمانه

[Mr.pOPo]

مع احترامي للكل أنا بس عندي نقطة واحدة:
ليه منتج مش جديد يتم بيعه علي انه جديد و علي عيني من فوق كل الناس بس ممكن اجابة واضحة و مباشرة بعيد عن وجود ضمان او عدمه...
لما رحت زمان radioshack اجيب جهاز creative zen vision m و لقيته ب1000 جنيه و سألت ليه الراجل قالي بمنتهي الوضوح دا حضرتك جهاز refurbished أنا بقي اللي اقرر اجيبه ولا لأ و هو هو عليه نفس الضمان بتاع الجديد و كله و علي ما وصلت المحل كان خلص الجهاز.
الفكرة ببساطة شديدة جدا مش ان المنتج شغال ولا لأ ولا ان المنتج علي ضمان ولا لأ...الفكرة ليه لم يتم الاعلان عن دا؟؟؟ ليه أشتري جديد و يطلع مش جديد؟؟

بالظبط!

دا غير الفرق فى السعر، لإن recertificated او refurbished بيتباع بتمن أقل من الجديد، واحنا نشتريه بتمن الجديد.

[Coolman4now]

مانا وضحت السبب
لأنه جرت العاده ان التجار يتكتمو على الموضوع ده
و ده من تجربتى انا الشخصيه
فيه منتجات كتير بتكون كده و بنشتريها و ماحدش بينبهنا
ولا حد بيجيب سيره ... ده عٌرف سائد

- ذهبت من فترة لكمبيونيل أسكندرية ، لشراء طابعة ليزرية.

- بعد معرفة الموديلات ، ووجد الرجل عدم أقتناعى ، أشار لى على بينتر ليزر نوعها ريكو ألمانى.

- أعجبتنى جدا الصراحة ، ولمجرد ماتوجهت لها ، قال لى الرجل بالحرف الواحد " هذه برنتر معاد تصنيعها " وسعرها هو أربعمائة جنيها.

- أحترمت صراحته جدا جدا ، وأشتريتها على الفور فالفارق بينها وبين الأتش بى الجديدة كان مهولا.

[sazim99]

السلام عليكم ورحمة الله وبركاته مرة ثانيه واعتذار عن عدم سرعة الرد لوجود فى مكان يعانى فى مشكلة الاتصال بى الا نترنت السيد المحترم مبارك انا اعلم كثيرا عن حيادية شخصكم الكريم وبالتالى فان الخطاء تك عن طريق موظف الاستيراد وسوء فهمه فعلا لا ختلط الامر عليه ثانيا انا لااعلم مهو الا سكتير الذى تم ازلته لان فعلا هناك بورات الاستكير موجود عليها ولم يتم ازلة اىشىء بسوء قصد ثالثا ويعلم الجميع ان السعر البور غير مبالغ فيه وقد تم طرحه على سعر اقل من بورات كثير تانى بلا اسم وضمان محلى رابعا اعلنت عن اعتذارى ومسئوليتى عن الطمان او عن اى شخص يريد استرداد قيمة البور سبلاى ارجو ان تتفهموا الامر مع احترامى الشديد لكل الا عضاء نحن نكرر ان كل منتجات الشركه تحت الضمان فى مصر فى جميع منتجاتنا اعلم ان كثيرا من الاقلام والمنافسين ومن يتبعهم انهم سيتخدمون هذا الموضع فى هز ثقة الشركهومنتجاتنا التى استمرت اكثر من 3 سنوات تقدم كل جديد للسوق المصريه مع احترامى الشديد تقدمنا بى حلول للمستخدمين وضعنا ضماننا قدمنا اعتذرنا احترما لقيمة المنتدى واعضاءهولكن لان نقبل الا هانه من اى شخص كان مع احترمنا للجميع الاخ المحترم مبارك لقد اثرت السكوت فى الموضوع الاول احترما لشخصكم الكريم وتقديرا منا لدور المنتدى وقدمت كل ما طلب منا من حلول او اعتذار او تفسير لما حدث لقد تبرع الكثيرون مما من لااعرفهم بتقديم البورات وعليها الاستيكر ولكن لا تكون مساحه للنيل من سمعة الشركه كما حدث فى الموضوع الاول وبعد ذلك تم الحذف من شخصكم الكريم شكرا لكم وجزاكم الله كل خيرشريف عبد العظيم

[فوزان]

السلام عليكم ورحمة الله وبركاته مرة ثانيه واعتذار عن عدم سرعة الرد لوجود فى مكان يعانى فى مشكلة الاتصال بى الا نترنت السيد المحترم مبارك انا اعلم كثيرا عن حيادية شخصكم الكريم وبالتالى فان الخطاء تك عن طريق موظف الاستيراد وسوء فهمه فعلا لا ختلط الامر عليه ثانيا انا لااعلم مهو الا سكتير الذى تم ازلته لان فعلا هناك بورات الاستكير موجود عليها ولم يتم ازلة اىشىء بسوء قصد ثالثا ويعلم الجميع ان السعر البور غير مبالغ فيه وقد تم طرحه على سعر اقل من بورات كثير تانى بلا اسم وضمان محلى رابعا اعلنت عن اعتذارى ومسئوليتى عن الطمان او عن اى شخص يريد استرداد قيمة البور سبلاى ارجو ان تتفهموا الامر مع احترامى الشديد لكل الا عضاء نحن نكرر ان كل منتجات الشركه تحت الضمان فى مصر فى جميع منتجاتنا اعلم ان كثيرا من الاقلام والمنافسين ومن يتبعهم انهم سيتخدمون هذا الموضع فى هز ثقة الشركهومنتجاتنا التى استمرت اكثر من 3 سنوات تقدم كل جديد للسوق المصريه مع احترامى الشديد تقدمنا بى حلول للمستخدمين وضعنا ضماننا قدمنا اعتذرنا احترما لقيمة المنتدى واعضاءهولكن لان نقبل الا هانه من اى شخص كان مع احترمنا للجميع الاخ المحترم مبارك لقد اثرت السكوت فى الموضوع الاول احترما لشخصكم الكريم وتقديرا منا لدور المنتدى وقدمت كل ما طلب منا من حلول او اعتذار او تفسير لما حدث لقد تبرع الكثيرون مما من لااعرفهم بتقديم البورات وعليها الاستيكر ولكن لا تكون مساحه للنيل من سمعة الشركه كما حدث فى الموضوع الاول وبعد ذلك تم الحذف من شخصكم الكريم شكرا لكم وجزاكم الله كل خيرشريف عبد العظيم

انا مش عايز اقول كلام تفهم منه اني بهاجم حضرتك (اكيد حضرتك فاكر سوء التفاهم اللي حصل بينا من اكثر من سنه)

وطبعا موقف حضرتك من الضمان واسترداد المال موقف ايجابي وعظيم فعلا

لكن....

ليه المراوغه في نقطه البورات دي كلها recertificated ولا لأ وليه الكلام ده لا ليت اعلانه وزي qds ما تفتخر بأنها مطوره للأسواق كان المفروض ان يتم بيع منتجات جديده تماما او حتى الاعلان عن وضعها موضوع السعر مش حتكلم فيه لان حضرتك حر فيه وكل واحد يقدر يحكم السعر ده يناسبه ولا لأ.

تحياتي