هام لكل من اشترى او سيشتري مزودات OCZ PSU في مصر

[sazim99]

اخى العزيز فوزان لا مرواغه ولا شىء ولا استخدمت اى اسلوب ولكنى تكلمت عندما فتح الموضوع بى شخص اثق فى حيادته تماما تابع الرود التى صدرت منى فلا توجد اى مرواغه الخطاء موجود الا عتذار ثانيا موجود الحلول موجوده احترمنا للجميع موجودشريف عبد العظيم

[Hercules!]

انا كمان مش عندى الاستكر لكن عندى Model No.

OCZ500SxS

كمان انا كنت حاسس حاجة زى كدة من البور صبلاى دة

لان صوت المروحة بتاعت البور عالية جداً عاوزة تشحيم و مش عاوز افكوا مما اعطانى احساس انة مستعمل !!!!!!!!!!!

:eek::eek:

الله يطمنكم

لحل مشكلة الصوت رخيت ربط المسامير قليلاً مع تحريك الكيسة بعيد عن اتجاة الهوا لكن من فترة لفترة صوت المروحة بيعلا و بيعمل صوت رنة كانة بيخبط فى سطح معدنى :mad:

[SeeNoEvil]

هو بس كان ممكن بكل بساطه في وقت نزول المنتجات وعرض اسعارها في موضوع الهاردوير في مصر
كان يكتب تحت سعر الباور انه معاد تصنيعه بكل وضوح كده علطول
ولما اروح اشتري على الاقل من MH يعرفوني وانا بدفع الفلوس ان الباور ده كذا كذا
صح ولا لا؟؟؟؟

[Danteroid]

اولا حاجه بورات اوسي زيد المعاد تهئتها او تصليحها او خلافه تبعا باسعار بخسه جدا

شوفه هنا كده

https://www.svc.com/ocz600gxssli-b.html

ب 35 دولار فقط يعني ب 200 جنيه مصري وده كمان ال 600 وات

وفي ناس علي مواقع اجنبي بتشتكي من ان بعض البورات دي بتبوظ لوحدها وبعد فتره

انا عايز توضيح

دي صوره علبه البور صبلاي بتاعي

[Ĵ Ŏ ƙ Э Ř]

[mohamed790gx]

في الاول اوجه كل الشكر لصاحب الموضوعالاستاذ mramzi علي جهده والي لحقني بيه بصراحه

لأني كنت ناوي علي واحد وكنت هجيبه كمان 3 ايام

بس ليه السؤال ليه يباع بسعرالجديد وهو مستعمل ومتصلح الحاجات ديه برا وفي كل الدول الي حوالينا بتباع بأقل من نصف التمن

طب ده ولحقناه السؤال الي بيطرح نفسه

هل ممكن يكون في منتجات تانيه واحنا منعرفش :eek::confused:

[KRONUS]

أسوأ مافي الموضوع إن ثبت هو إزالة الاستكر، إزالة الاستكر تدليس واضح وفيه سوء نية.

أن يتم ازالة الأستيكر ويتم بيع الباور بهذا السعر ، هذا ليس تدليس هذا نصب !
ولو أنا كنت من اللي أشتروا الباور دة أنا كنت بلغت فيهم جهاز حماية المستهلك ، والكلام دة ميزعلش حد !
أنا شايف أن كدة التوكيل نزع الثقة بينة وبين المستهلك، وكدة أي حاجة هنشتريها لازم هنشك فيها !

[melfeshawey]

رأيى المتواضع :
ممكن كلنا نتغاضى عن عدم إخبار المشترى صراحة عن أن المنتج معاد تصنيعه ( مع أن ده غلط ) ، لأن زى ما قال الأستاذ جوهرى الكلام ده هينزع ثقة المستخدم العادى فى السلعة و يصرفه عنها لأخرى ، و المستخدم الفاهم المفروض أنه يعرف مصطلح Refurbished أو Re-certified و لكن لا يمكننا نحن المستهلكين أن نتغاضى عن نقطتين :
* نزع الملصق عن السلعة هو تعمد تضليل المشترى
* بيع المنتج بسعر الجديد و هو - كما ذكر الأخوة الأعضاء و ضربو لذلك الأمثال أقل كثيرا - غش للمشترى
أنا لا أريد أن أسئ لسمعة التوكيل المحترم و لا أن نقاطع الشركة أو منتجاتها و لكنى أقترح :
* الاستفادة من التجربة و معاملة المستهلك مستقبلا بأمانة و هو صاحب القرار
* بيع المنتجات المعاد تصنيعها بسعر معقول ، فالوكيل يستفيد و يربح و المستهلك أيضا يستفيد بفارق السعر بين المنتج المعاد تصنيعه و الجديد

[DrMKD]

السلام عليكم ..

تم شراء البور ده من MH شهر 3 اللي فات ..

وللاسف اذا الموضوع ده فعلا حقيقي وان البورات دي معاد تصنيعها وبتتباعلنا على اساس انها جديدة وبسعر الجديد كمان .. يبقى ده اسمه غش .. ع الاقل خالص لو صاحب المحل او الوكيل يحط استيكر على العلبة ومكتوب عليه " Recertifide "
وساعتها انا ليا القرارا اني اشتريه بالسعر ده .. بغض النظر عن حالته وضمانه .. ومش مبرر ان انا لو حاولت اجيب البور ده جديد من امريكا بنفسي هيكلفني كتير .. طب ماهو اكيد هيكلفني كتير لأني انا مش توكيل بجيب كميات كبيرة ..
لا والادهى اني اعرف من مجهود شخصي لواحد ربنا يباركله هوا اللي قام بيه ويحمد عليه وراسل الشركة .. واللي لو معملش كده كان الموضوع هيمشي .. وعادي ..

دي صورة علبة البور وطبعا مش مكتوب عليها اي شئ يوضح غير ان السيريال : ocz500sxs-B



https://img38.imageshack.us/i/dsc00017eap.jpg/

وصورة تانية للبور جوا الجهاز .. عليه سيريال نمبر بس لا يمت للي على العلبة بصلة .. معرفش هل ده عادي او لا ..




https://img690.imageshack.us/i/dsc00022we.jpg/

[Mezoxin]

السلام عليكم ..



https://img690.imageshack.us/i/dsc00022we.jpg/

ياريت تقول لو فيه sticker مكتوب عليه "RECERTIFIED " علي ال PSU

[Mostafa Gomaa]

لا حول ولا قوه الا بالله

[nemo_spider]

sazim99

بعنى معنى الكلام التالى : وبالتالى فان الخطاء تك عن طريق موظف الاستيراد وسوء فهمه
ان العيب من موظف الاستيراد فقط ؟؟؟؟؟؟؟؟؟؟؟؟؟؟ !!!!!!
بصراحة كلام ميدخلش عقل يعنى حضرتك بتستورد و مش عارف اذا كان جديد ولا لأ
وبعدين ازاى يتباع بسعر الجديد ؟؟؟!!!!!!!
انا كده انزل ارجعه احسن لان كده نصب - معلش مش لاقى تعبير تانى - .طالما الشركة عارفة ان البورات مش جديدة بتتباع على انها جديدة

[mustafa811]

:confused:

و مين عمره مهما كانت خبرته يجي في دماغه ان مكون في جهازه يكون recertfied
و خصوصا الباور !!!!! ده كارثة .. و انا اختلف معاك يا اخ ايوبي تماما .. مفيش عذر على
الاطلاق .. انا دخلت هنا بالصدفة البحتة .. ده انا شاري باورات لكذا واحد من زمايلي
اقولهم ايه !!

انا اطالب من المشرف العام انه يضع لينك رئيسي في معظم الصفح زي لينك مسابقة
جيجابايت علشان ال مايعرفش يعرف .. و يبقى له كامل الحق في التصرف .. انا عرفت
بالصدفة البحتة

و المشكلة الاكبر مش في منتج و لا شركة .. بل في فقدان الثقة في السلعة من اساسها
طب الواحد يقوم يعمل جرد لمنتجات الكمبيوتر بتاعه و لا الوضع ايه دلوقتي .. و اذا كانت شركة
معروف عنها السمعة الجيدة و حدث منها ده .. ماذا عن الشركات التانية ؟؟؟؟؟؟
و الادهى اصحاب المحلات !!

يا استاذ شريف تأكد ان ماحدش هيستغل الموضوع ده في تبويظ سمعة الشركة لاني
اصلا بعد ال حصل ده .. مش هاثق في شركة تاني في مصر .. و معاملتي هتبقى
مبنية على الشك اولا من هنا و رايح

مع كامل احترامي
لازم يتم تحديد اذا كان اصحاب المحلات يعلمون القصة ده ام لا .. في حال علمهم تقع المسؤلية عليهم
و تنتفي عن الشركة المستوردة .. او العكس لو كانوا لا يعلموا .. او تقع عليهم الاثنين لو في اتفاق مسبق

كنت هاقول : انا في رايي الشخصي اتخاذ الاجراءات القانونية افضل حل
لكن بعد التفكير هاقول فقط : حسبنا الله و نعم الوكيل

و شكرا للاخ mramzi مش عارف اقولك ايه .. انت فخر للمنتدى هنا
و اشكر الادارة على طرحها الموضوع الشائك ده من اساسه
و د العشم برده

حسبنا الله و نعم الوكيل

[sazim99]

السيد المحترم مصطفى لقد تعملنا مع الوضع بى الاعتذار والحلول والضمان انا اقدر شعوركم تماما ونحن علينا المسئوليه صدقنى اعلم ان هناك مزيدات كثيره واراء كثيره واتهامات كثره وتليمحات مباشره وغير مباشرهولكن نحن ثقتنا بى انفسنا كبيره فى مواجهة اى ظرف الشىء الثانى رغم كل ذلك لن نتوقف عن تقديم كل مهو جديد الى السوق المصريه فنحن بفضل الله تعالى او لا واخيرا كنا احد اسباب تطور السوق المصريه وار تقاء منتجاته لا اعتقد ان رغم الا عتذار والا حترام الذى نكنه الى كل اعضاء المنتدى الكرام ان يخرج موضوع على الهجوم او الحوار البناءاكرررر اعتذارى لشخصك المحترم ونعد ان شاء الله تعالى بما كل ما هو جديد ومميز بعد معرض تايوان اوائل الشهر المقبل شريف عبد العظيم

[3m.Ahmed]

..... مش عارف اقول ايه الصراحة انا بالفعل مصدوم جدا
لان ببساطة تم اخفاء معلومة مهمة كان لها تاثير كبير في القرار الشراء لاني بصراحة مكنتش حشتري باور سبلاي recertified لي شخصيا او لاحد من معارفي لان من المعلوم ان مكونات الباور و خصوصا المكثفات بتقل كفائتها مع الوقت ده غير انه مصدر الطاقة لباقي المكونات و لو حصل حاجة فيه ممكن يحرق مكونات تانية و ساعتها الضمان مش حيكون مفيد في شئ.
لان الواحد اتنقل من الباور الصيني الي الباور الاضمن للحصول علي الامان و الاداء المضمون و ليس القلق و شيل الهم
ثانيا كونه بنفس سعر الجديد يؤكد تعمد تحقيق ربح مادي اكبر من بيعه علي انه جديد و ليس تطمين المشتري او ازالة الرهبة من كونه recertified
الحمد لله ان الباور شغال عندي كويس و ادعو الله ان يستمر علي هذا الحال عند الجميع.
لكن مما لاشك فيه ان هذا الموقف سيكون له تاثير مستقبلي خصوصا بعد ان وضعت ثقتي في منتجات ocz و Sapphire و جمعت جهازين واحد للمكتب و التاني لاحد الاصدقاء باستخدام هذه المكونات مما يضعني في حرج امام اصحاب الاجهزة لو حصل لهم حاجة من جراء عدم الوضوح و التلاعب.
و مفيش حاجة نقدر نقولها غير حسبنا الله و نعم الوكيل و الحمد لله.