هام لكل من اشترى او سيشتري مزودات OCZ PSU في مصر

[mustafa811]

و الله يا سيد شريف انا مش عارف اقول ايه .. مش لاقي كلام اقوله
اترك المجال للادارة و اصحاب الباورات

[sazim99]

فعلا اخ مصطفى انا فى انتظار حل ايجابى يرضى الاطراف بدل من منحنى فى الحوار لا يفيد فى شىء انا يهمنى سماع اراء العملاء البناءه فى حل المشكله دعنا نتعامل مع الموضوع بى عقلانيه تفيد المستخدمينوانا يهمنى بشده ان اسمع اراء بناءه علما باننا مسئولون عن ضمان البورات لمده 3 سنوات كامله وساحاول ان اترك اميلى الشخصى لمتابعة الاراء فى خلال سفرى الى تايوان لحضور المعرضما زال هدفى الاول والا خير هو ارضاء عملائى لخطاء غير مقصود واتحمل مسئوليته واعترفى بى الخطاء والمسئوليهفى انتظار الاراء البناءه شريف عبد العظيم

[alayoubi]

شباب هذه صفحة أسعار البورات المرتجعة من موقع OCZ المعتمد للأسعار :

https://gear.ocztechnology.com/produ...SUs/index.html

وهذه صفحة أسعار البورات الجديدة من موقع نيو اييج من أشهر المواقع المعتمدة للأسعار:

https://www.newegg.com/Store/BrandSu...Power-Supplies

الفرق بالسعر كما ذكرت بالبداية مش كبير 10-15$ والآن عندكم ثلاثة حلول :

1- تخلي البور عندك اذا شايف انه عاجبك ومفيش مشاكل منه .
2- ترجع البور بالفاتورة وتاخذ كامل فلوسك .
3- تاخذ فرق السعر بين الجديد والمرتجع , بعد الاتفاق مع الأستاذ شريف على هذه النقطة ( أرجو أنه يوضحها)

[ŤǾЯŊΛĐф]

أستاذ شريف أنا شايف إن الأفضل مش إرتجاع الباور و لكن تبديله بواحد جديد و ميكونش Refurbished المرة دى .

[KRONUS]

أستاذ شريف أنا شايف إن الأفضل مش إرتجاع الباور و لكن تبديله بواحد جديد و ميكونش Refurbished المرة دى .

ودة اللي عمله newegg لما أكتشف ان المعالجات اللي باعها كانت Demo ، عملوا أعتذار وبعدها ارسلوا معالجات أصلية للمتضررين ، رغم ان المشكلة كانت غلطة من المورد وليس منهم .

[Danteroid]

الحل الي شيفه انه يتم استبدال البورات صاحبه ال حرف B والي هيا معاد تصلحها او خلافه باخره جديده لا تحتوي علي هذا الحرف (جديده تماما)
او استرداد مبلغها او استبداله بمزود طاقه اعلي معا دفع فرق

[Powert]

استاذ شريف
انا برضه اشتريت 2 باور لاصدقائي وطبعاً لو عرفوا بالموضوع ده هيبقى منظري :eek:

اعتقد ان الحل هو زيادة فترة الضمان الى 3 سنوات وبارجاع المنتج وليس بالصيانة

ومن يطالب بفلوسه ترتجع له قيمتها بكامل

ومستقبلاً يتم كتابة كلمة "معاد تصنيعه" بشكل واضح على المنتج

واعتقد بنسبة لي فسوف افكر كثيراً قبل الشراء اي منتج يوضع عليه علامة QDS

اخيراً انت وثقت بنا وواثقنا نحن بك واتشرينا منتجك واضعنا ثقاتنا كاملاً بيك....ولكن .....

والموضع في النهاية عبارة عن أمانة

[sazim99]

استاذى الفاضل ها ماتم طرحه بى الفعل اننا تطمن 3 سنوات طمان وهو ضمان استبدال وليس تصليحلاى بور يكون فيه مشكله يتم استرداد المبلغ من مقر الشركه مباشرة انا قدمت كل الحلول الممكنه فى ذلك ومازلت فى تلاقى اى اقترحات منكم شريف عبد العظيم

[hazemsagherh]

سلام عليكم

انا عندى مزود الطاقة ocz stealthXstream 600W

اولا انا اشتريته عن طريق الشحن مع الجهاز كاملا واتركب فى الشركة ولما وصلنى الجهاز مكنش في غير الكابل فقط الخاص بالباور

وانا مدققتش اوى علشان انا واثق فى الشركة

لما بصيت على العلبة فى ظهرها مكان السيريال مكتوب ocz600sxs

لكن من مكان فتح العلبة الامامى مكتوب استكير OCZ600SXS-R

لما بصيت على ال unboxing فى اليوتيوب ملقيتش الاستكير الامامى فى الفيديوهات

وفى مواقع مكتوب فيها ان ال OCZ600SXS-R ده معاد تصنيعه

ولسه لما انزل الجهاز النهاردة حابص على استكير الباور

ف ايه رأيكم فى ده؟

لو عاوزنى اصور العلبة اصورها

[Planet Hemp]

استاذ شريف حاجة اتمنى ان تتقبلها بصدر رحب مننا كمستخدمين وثقنا فى منتجات شركتكم
لشركتكم الكثير من المنتجات الاخرى
من رامات وكروت شاشة لشركتى سابفير وايفيجا وبوردات لايفيجا

فأذا كان ما حدث مع البورات قد حدث مع اى منتج اخر قامت شركتكم بالتعامل معة فأرجو ان يتم الكشف عن هذا الامر وبأسرع وقت ممكن
تذكر ان المحافظة على ثقة العميل تحتاج منكم الى تحرى هذا الامر جيدا حتى لا نعود مرة اخرى ويكون الكلام عن منتج اخر نكتشف بة ما اكتشفناة فى البورات وقتها سيكون الامر بالفعل صعب للغاية ولن تجدى وقتها اى مبررات منكم
صدقنى كلامى من دافع حرصى على شركة كنت و ما زلت اجد بها الامل فى سوق الهاردوير فى مصر

تمنياتى ان تمر تلك الازمة على خير

[DrMKD]

ياريت تقول لو فيه sticker مكتوب عليه "RECERTIFIED " علي ال PSU

لا ملقيتش اي ستيكرز عليه غير اللي صورتهم .. انا دورت في كل الاتجاهات والبور راكب يعني مفكتهوش وبالتالي فيه حتت مشوفتهاش ..

[SeeNoEvil]

انا شايف ان اي حد عنده الباور ده يروح يرجعه عشان متعرفش ممكن يظهر اي عيب تاني قدام في البور وغير كده انت مضحوك عليك لانك دافع فلوس في حاجه جديده وهي غير ذلك

وبالتأكيد ثقة الجميع هتتغير في الشركة المستوردة واكيد الموزع بتاعهم اللي المنتدى كله كان بيشكر فيهم...اكيد الثقه دي هتتغير بشكل كبير جدا وانا واحد منهم

وللأسف مهما نعمل برضو ونرفع في شركات ونشكر فيها بنلاقي في المقابل تعامل بلف ودوران زي مابنقول .. مش عارف ليه بصراحه هو انت لو مشيت صح مش هتكسب برضو دا انته هتكسب مرتين ثقة عملائك ومكسبك التجاري

[Ĵ Ŏ ƙ Э Ř]

:confused:

و المشكلة الاكبر مش في منتج و لا شركة .. بل في فقدان الثقة في السلعة من اساسها
طب الواحد يقوم يعمل جرد لمنتجات الكمبيوتر بتاعه و لا الوضع ايه دلوقتي .. و اذا كانت شركة
معروف عنها السمعة الجيدة و حدث منها ده .. ماذا عن الشركات التانية ؟؟؟؟؟؟
و الادهى اصحاب المحلات !!

استاذ شريف

انا لا امتلك مزود طاقة من ocz

ولكن الكلام الذى بالاقتباس هو ما يهمنى

بالفعل انا الان فاقد الثقة تماما فى السوق المصرى شركات و تجار و منتجات

يعنى انا دلوقتى اما اجى اشترى اى منتج جديد اروح الاول اصورة من كل الجوانب و اخد السيريال و احجزة لدى البائع حتى اتأكد انة جديد و لا ...

ما خلاص المصداقية فقدت

و خصوصا ان الموقف دة حصل من اكبر شركة كنا بنحترمها و نثق فيها لابعد الحدود

المشكلة مش فى الاعتذار او الضمان او استبدال الباورات بأخرى جديدة او ارتجاعها و الحصول على الاموال

المشكلة لية تم دة

و لماذا لم تصارحنا القول من البداية ..

[hany103]

فعلا اخ مصطفى انا فى انتظار حل ايجابى يرضى الاطراف بدل من منحنى فى الحوار لا يفيد فى شىء انا يهمنى سماع اراء العملاء البناءه فى حل المشكله دعنا نتعامل مع الموضوع بى عقلانيه تفيد المستخدمينوانا يهمنى بشده ان اسمع اراء بناءه علما باننا مسئولون عن ضمان البورات لمده 3 سنوات كامله وساحاول ان اترك اميلى الشخصى لمتابعة الاراء فى خلال سفرى الى تايوان لحضور المعرضما زال هدفى الاول والا خير هو ارضاء عملائى لخطاء غير مقصود واتحمل مسئوليته واعترفى بى الخطاء والمسئوليهفى انتظار الاراء البناءه شريف عبد العظيم

أحب اشكر، الاستاذ "mrramzi" لإيضاح الموضوع، وأحب أحكي حاجة حصلت معايا بعد ما أنا فتحت الموضوع بتاعي و إظهار ال-emails بتعت OCZ، طلب مني أستاذ شريف صاحب شركة QDS اني أبعتلو رقم موبايلي



- و إتصل بي فعلاً و قال لي إذا كان الباور بتاعي فيه مشكلة، قلتلو لأ بس البورات ال-OCZ Recertifed، قال لي إنت له مبعتش لنا ايميل ،تسألنا من على موقع QDS بدل OCZ، قلتلو أنا فعلاً بعت و محدش رد و دة حصل فعلاً، هو فكرني مش عرف إن المواقع دي بتبقى منظر بس، و من الأخر هو أكنو بيقولي كنت تبعتلنة عشان نضحك عليك.

المهم قالي مش المهم إن الباور بتعك مش رسرتفيد، قلتلو ماشي بس من حق المستهلك إن يعرف إن بيشتري حاجة رسرتفيد أبل مايشتريه، لأن أنا فعلاً مكنتش أحب يحصل معايا كدة، إتنرفز جداً و أعد يزعق و يقولي "يا عم أنا مش شريهم من الشارع" و يتكلم بطريقة غير حضارية، المهم فالأخر هو صمم إنو مش لازم حد يعرف إنو رسرتفيد، و المكلمة قطعت أو إتقفل في وشي.

شكلي كدة مليش ضمان بعد إلي أنا قلتة :D

[hazemsagherh]

هههههههههه يبقى انت اكيد فى مصر

للاسف الشديد لقيت مكتوب RECONDITIONED فى استكير على الباور صبلاى بعد فك الكيسة

الحمد لله على القرطاس اللى انا اخدته لانه اصلا انا اشتريته على انه جديد و ثمنه كان 490 (مش فاكر اوى ممكن 480 بس الفاتورة موجودة) وكمان ان الجهاز اتركب فى الشركة واتشحنلى وانا عن طريق الثقة لم اشك مطلقا وحتى مبصيتش على الباور غير على الوات والامبير

وانا حتصل بالشركة واشوف