يا جماعة الحقوني بمشتت احترافي

[SIGMA-ZERO]

عزيزي يا ريت لو تصور لنا الكيسة و تورينا دورة تبريد الهواء انتا ممشية ازاي فيها دة اول حاجة...
ثاني حاجة يا ريت ترفق لينا صور لدرجات الحرارة بي everest و cpuz و core temp

-علي فكرة مشتات ال amd ال stock مش زبالة خالص زي ما الناس بتقول خصوصا بقي ال black edition لانه ممكن يتكسر عليها سرعة البروسسور عادي و بأستقرار تام لدرجة الحرارة ,لانها مصممة لذلك...بس طبعا مش هتتقارن بي المشتات الغالية برضة ..بيبقي في فرق طبعا بس مع الكسر العالي...
بس انا معاك ان درة الحرارة عالية ...ارجح دورة الهواء في الكيسة سيئة ..لذلك اريد صور مع شرح للمراوح المتركبة في الكيسة اللي بتدخل و بتطرد الهواء....

[contracts]

شكرا يا جماعة على الردود الجميلة و السريعة
طيب اتا هجرب اظبط الهواء داخل الكيسة الاول و لو منفعش هبقى اجيب مشتت

بس لو تكرمتم ....انا الكيسة باعتي من النوع الرديئ ...مفيهاش غير مكانين بس للمراوح

واحد في الباب و التانية من الخلف في ارتفاع البروسيسور

لو ينفع حد فيكم يقولي اعمل ايه بالظبط و اجيب كام مروحة مع العلم ان المروحتين الي بقولكم عليهم شغالين

و معدش في مكان في الكيسة

بس انا ممكن اقطع في الكيسة و اعدل فيها ....و لو سمحتم ياريت اعرف تدفق الهواء بيكون اتجاهه ازاي




و عندي سؤال اخير ...هل ممكن احط مراوح على الشيب سيت بتاعت المزر بس من ظهر المزر؟
و شكرا

[SIGMA-ZERO]

عزيزي التوزيع الصح بيكون مروحة في الامام و في باب الكيسة من الجنب تدخل هواء
و الخلف و فوق طرد هواء
شوف الاماكن المتاحة و حط فيها المراوح بالنظام دة و ان شاء اللة الدنيا تظبط شوية و انا متابع معاك و تحت امرك في اي وقت

[contracts]

متشكر اوي على رد حضرتك
و اسف جدا لان الحقيقة مش عارف احط الصور الي صورتها بالموبايل على الجهاز علشان ارفعها

الحقيقة انا معرفش ازاي ابعت لحضرتك صورة برنامج الايفريست و هو قاري الحرارة .....يا ريت تقولي اعمل ايه لان انا خبرتي محدودة جدا في الكمبيوتر ....بصراحة انا بعرف اسطب لعب بالعافبه :D:D:D

[ALL4US]

متشكر اوي على رد حضرتك

الحقيقة انا معرفش ازاي ابعت لحضرتك صورة برنامج الايفريست و هو قاري الحرارة .....يا ريت تقولي اعمل ايه لان انا خبرتي محدودة جدا في الكمبيوتر ....بصراحة انا بعرف اسطب لعب بالعافبه :D:D:D

اضغط زر print screen sysrq فى الكيبورد... ثم قم بفتح برنامج الرسام ثم اضغط alt + v ستجد صوره من الشاشه فى البرنامج اعملها حفظ وبعدين ارفعها باى موقع رفع للصور وليكن
https://tinypic.com/

..


ونصيحه منى استنى اسبوعين على الاكثر فى شحنه جايه من المشتت cm hyper 212 plus وسعره 270 جنيه
هتندم بجد لو جبت غيره .. ال ocz الفينديتا اضعف منه بكتير وال v8 مساوى لادائه بالرغم من سعره المرتفع ..

[dandasha]

سيبك من مراوح الكيس التعبانه لانها دوشه عالفاضي
هات مشتت احترافي وتكون مروحته هاديه احسن

[SIGMA-ZERO]

بالعكس بقي انا شايف ان المشتت الاحترافي ملوش اي لزمة خصوصا لو انتا مش ناوي تكسر السرعة

[dr.ahmed shahin]

يا جماعة قلنا يقلل الفولت من البيوس وانتهت المشكلة الراجل مش غاوى كسر سرعة ولا اى حاجة من الكلام ده

[contracts]

متشكر اوي على الاراى الجميلة

انا شايف اني استنى المشتت الاحترافي ......و دلوقتي اقلل البفولت و احط مروحتين في الكيسة و اصبر على الجهاز


بس انا اعتقد اني لازم هحتاج كمية مراوح كبية لان الجو لسه محررش اوي

انتو شايفين الحر الي احنا فيه و طبعا عارفين ان شهر6 و 7 هما اكتر شهرين حر في السنه

عموما شكرا جزيلا و ياريت تتابعو معايا في الموضوع و انا هقولوكو على الي بيحصل معايا بالظبط

[ayoub_bob]

اسف لكم على المداخلة
==
ولكن اذا كان الكيس التهوية الذى تدخل لة
تعبانة
يبقى المشتت لن يقوم بعملة على اكمل وجة
==
انا اشتريت المشتت ولكنى تفاجأت ان الحرارة نزل 3 دراجات فقط
وهو نوع V8
ولكن بعد تغير الكيس التبريد اصبح رائع جدا جدا
واشتريت نوع HAF922
===
وفى شيىء اخير يجب التأكد ان المشتت V8
سوف يركب مع الكيس الذى عندك بدون مشكلة عدم امكانية غلق
باب الكيس
===
لكم جزيل الشكر واسف لكم على المداخلة

[contracts]

شكرا على المداخلة


يا جماعة انا لقيت الفولت في البيوس على 1.4

ظبطه على 1.25 و دلوقتي الحرارة مع الضغط بقت 48 او 50 بعد ما كانت بتوصل ل 60

و حرارة البورده بقت 50 تقريبا مع الضغط عد ما كانت وصلت ل 58


فهل كده في خطر من ناحة الحرارة او الفولت؟

و هل الحل ده مؤقت ولا دائم؟

بس في حالة الخمول حرارو البروسيسور 40 و البورده 41

[contracts]

يا جماعة حد يقولي ....كده الحرارة خطر و لا لا