يااه انت فاضل لك ربع خطوه وتبقى MCSE
Relay Agentطبعا حضرتك عارف ان ال Client بيطلب ال IP برساله broadcast اللى هى DHCP Discover وطالما انه بيبعتها بالشكل ده يبقى مش هينفع ياخد IP غير من DHCP Server موجود معاه فى نفس ال LAN لان الروتر مش بيعدى ال broadcast من شبكه لشبكه تانيه_طب لو عندنا DHCP Server بيخدم اكتر من شبكه وعاوزين Client فى شبكه تانيه ياخد IP منه_هنعمل ايه؟ قالوا هنحط عند ال Client ده server شغال relay agent بحيث انه يستقبل الطلب المبعوت broadcast من ال Client ويحوله لرساله Unicast لل DHCP Server وبكده يبقى قدر يعدى من الروتر وهيروح يقول لل DHCP Server انا الايبى بتاعى كذا وعندى Client فى الشبكه عاوز منك IP وعلى اساس IP ال Relay Agent ال DHCP Server هيعطيله IP وزى ما قولتك من نفس range ال Relay Agent لان ال IP بتاع ال Relay Agent هو اللى بيعرف ال DHCP Server الايبى المطلوب من اى شبكه
طب ال DHCP Relay Agent ده هيكون جهاز مخصوص للموضوع ده؟
لأ طبعا والا كنا عملناه DHCP Server وخلاص وعلى هذا الاساس وضعوا الخدمه دى مع خدمة ال Routing and Remote Access على اساس ان الروتر موجود وشغال وكمان هى خدمه بسيطه جدا
طريقة اعداده
هتفتح ال Routing and Remote access service ثم IP routing ثم كليك يمين على General وتختار New Routing Protocols وتختار DHCP Relay Agent وبعد كده هتعمل كليك يمين على DHCP Realy Agent ثم Properties وتعرفه ايبى ال DHCP server اللى هيبقى يكلمه لو Client طلب IP
باقى بس تعرفه اى شبكه او تحديدا اى Interface الروتر ده هيقبل منه DHCP request ويحولها على السرفر وده عن طريق كليك يمين على ال DHCP realy agent وتختار new interface
Super Scopeتلاحظ فى اى Scope لو عملتلها Properties هتلاقى ان ال subnet mask مقفول او dimmed ولا يجوز تغييره
وطبعا ال mask هو اللى بيحدد عدد ايبيهات اى subnet فلو فرضنا انه عندى Scope بتخدم شبكه فيها 20 جهاز وانا مظبط ليهم mask على عددهم وفجأه الشركه زودت كمان 50 جهاز فى القسم ده وعاوزين نكبرها يبقى ايه الحل؟
ميكروسوفت بتقولك انت ممكن تعمل scope كمان وتلحمهم الاتنين فى بعض كأنهم scope واحده بس مش هتبقى scope هتبقى ال scope اللى بتضمهم الاتنين اسمها super scope
Frame Relayنوع من انواع ال WAN Technolgy وهو ال packet switched وميكروسوفت مش بتهتم بال Physical connection لكن ممكن تبحث فى قسم سيسكو هتلاقى شرح باستفاضه للموضوع ده ولو مفيش اعمل موضوع جديد هناك وانا اشرحهولك بالتفصيل
ناخد كمان موضوع ال mbsa عشان تبقى MCSE
MBSA Microsoft Base Security Analyser ده برنامج من برامج ميركوسوفت بتسطبه على جهاز سواء server او client عشان يعمل فحص للجهاز من حيث المشاكل او الثغرات الامنيه سواء password ضعيفه وغيره _ برنامج سهل جدا بتفتحه وتختار scan a computer عشان يبدأ فحص الجهاز
ورجاء من الاخوه جميعا بلاش نكتب مواضيع داخل مواضيع اخرى واى حد له طلب او استفسار او مشكله او غيره يعمل موضوع مستقل واحنا تحت امر الجميع
المفضلات