عندى شاشة صينى عادية كنت شاريها مع جهاز الكمبيوتر من 7 سنين تبع مشروع حاسب لكل طالب. الشاشة مش فيها أى مشاكل وشغاله بقلها 7 سنين بدون ما تشتكى. حاطط عليها فلتر عادى من 5 سنين. شلت الفلتر فترة شهر وبعد كدة رجعته تانى. المشكلة اللى ظهرت أن فى كهرباء شديدة فى الفلتر بمجرد ما طرف صبعى يلمس سطح الفلتر ألقى طرقعة وأتكهرب. كهرباء كهرمغناطيسية بس شديدة. لو بمسح الشاشة بقطعة قماش رقيقة بشعر بالقشعرة بس مش شديدة قوى. لو بمسحها بالفرشة قيها أجزاء معدنية بألقى فيها رعشة برضوا. جسم الشاشة البلاستك مش بيكهر ولا حتى إطار الفلتر. المشكلة فى السطح الزجاجى. حد يعرف أه المشكلة وأزاى أعالج الحكاية دى.
متشكر على العون
تامر
ياباشا مفيش اى مشكلة او عطل
ده شئ طبيعى فى كل الشاشات الـ CRT
و الحكاية ديه بتحصل لما بتلمس الشاشة و يكون رجليك تكون لامسة الارض مباشرة يعنى مفيش تحتيها عازل .. يعنى تكون واقف على بلاط او سيراميك
جرب تلمس الشاشة وتحتيك اى عازل . ومش هتلاقى اى حاجة تحصل
وبالنسبة للفلتر المفروض انه بيكون طالع منه سلك رفيع . لمس السلك ده فى اى جزء من خلف جهازك عشان يسحب الكهرباء الزيادة الموجودة فى الكيس كمان
المفضلات