جزاك الله خيرا اخى Vancouver
جزاك الله خيرا اخى Vancouver
ولله انك صادق يالغالي من مشاركات الأخوه في المنتدى وخصوصاً حديثي العهد يظن بان الشهادة هي مربط الفرس وفانوس علي بابا
ينبغي ان توضح ما نوع الشهاده في الموضوع عشان يحصل لبس (انا عارف المقصود)
(أربع من كن فيه كان منافقاً خالصاً ومن كانت فيه خصلة منهن كانت فيه خصلة من النفاق حتى يدعها إذا اؤتمن خان وإذا حدث كذب وإذا عاهد غدر وإذا خاصم فجر).
هذا الداء مع الأسف موجود في نسبة كبيرة من خريجي كلية الهندسة فقط. أما باقي الكليات فلم أقابل أحدا تخرج فيها ومصاب بهذه المشكلة.طب ايه رأيك بقى ف اللي لسة فاكر ان تقدير الكلية هيشغله
ومستني وظيفة تجيله لحد عنده بالمواصفات اللي هو عاوزها
اخى بلال
اعتقد دى مشكلة الكثير من الناس
بس انتا بتبص للموضوع ده من وجهة نظر ضيقة و غير مكتملة
يعنى بالله عليك فيه ناس بتخلص كلية و بتكون عايزه تدرس شبكات و طبعا الشبكات لازملها مصاريف كتيرة
و غير مصاريف الانسان اليومية و الشخصية
فهل يعقل ان يكون الانسان زى الشحط كده و يوقل لوالده عايز فلوس
المفروض ينزل يشتغل اى حاجه
علشان يجيب فلوس
و مش معقول يعنى اما يعوز يسهر سهرة او يخرج بره او يشترى حاجه هيطلب من والده فلوس
اتذكر مره كنت محتاج فلوس علشان اشترى كورس معين
طلبت من والدتى انها تطلب من بابا لو ينفع اشترى الكورس و لا لأ
لانى ما عنديش الجرأه انى اكون مخلص كلية و مش شغال و كمان اطلب من والدى فلوس
و حتى اكتر من مره والدى زعل منى علشان انا ما بطلبش منه فلوس و قالى اطلب اللى انتا عايزه
لكنى برفض دايما لان ده ما ينفعش ابدا
لدرجة انى كان بيعدى عليا ايام كتيره جدا و اسابيع ما بيكونش معايا و لا مليم
...........
لذلك الوضع بيكون صعب عمليا انك تفضل تدرس بدون عمل
..........
اتذكر انى اثناء الكلية كنت اعمل فى الصيف اعمال لن تصدقوها ( حلال طبعا ) و لكنها صعبة جدا
و كل ذلك حتى اجتنب احراج نفسى و لا اطلب فلوس
............
هذه هيا الحياة اخى بلال
فايهما تختار :
انتى تضحى بالشبكات مؤقتا ( او حتى فتره اطول )
ام تعيش كالنعام تاكل و تشرب و لا تعمل و الحجه انك بتدرس
و الله اختيارين زى الزفط يعنى انت لو سبت الشبكات مثلا فترة ما اظنش انك هتفكر بعد كده تدرس ثانى :ah1:فايهما تختار :
انتى تضحى بالشبكات مؤقتا ( او حتى فتره اطول )
ام تعيش كالنعام تاكل و تشرب و لا تعمل و الحجه انك بتدرس
لانك هتكون خلاص غرقت فى اى شغلانة تعبانة و خلاص
ومينفعش بردة حد هيفضل يدرس و يدرس و كمان فى الاخر ممكن انه ميلقيش شغلانة بعد ما يدفع فلوس فى
كورسات و امتحانات و يكون خلاص ضيع وقته :ah42:
بعديها بقى فى حلول تانية انك مثلا تنتحر :ah46::ah46: او يجيلك اكتئاب و تدخل السراياه الصفره و تعيش ملك هناك
او انك تبقى مدمن او ارهابى مثلا (شغلانة بتكسب دهب):D:D
والله حاجة تحير بجد :ah26:
من الاخر كده انت ربنا محددلك رزق لا هيزيد و لا هيقل
جزاكم الله خيرا على التقيمات، وبارك الله فيكم جميعا، وفي كل من اتصل عليّ وشكرني
بص يامحمد، أنا هحكيلك قصة دخولي المجال...
كنت طبعا زي أي شاب معندوش أي خبرة في أي نيلة، فضلت ألف على الشركات في المولات، مول مول وشركة شركة، لغاية لما لقيت أخ واقف في شركة، فقلت بس، هما الناس المُلتحين والمتشددين اللي الواحد هيسلك معاهم :D
المهم اشتغلت فعلا معاهم، وكنت باخد 350 جنيه !! ( الكلام ده من سنتين بس، وبفضل الله دلوقتي أصبح مرتبي أضعاف أضعاف هذا الرقم )
كنت شغال مندوب صيانة حقير، والله العظيم محدش يعرف كنت بكره الشغلانة ديه أد إيه. كنت بفضل ألف على الشركات علشان أوديلهم الصيانات لغاية لما أفايا أسود، ورجلي اتنحلت.
وأحيانا - والله - كنت أجلس مع نفسي وأبكي، بس برده صبرت. أصل أنا لو رحت لأي شركة هيقولي أنا عايز حد خبرة، وأنا مكنش عندي أي خبرة خالص. فقولت لازم استحمل، لغاية لما أكتسب خبرة تأهلني إني أشتغل في أي شركة كبيرة بالمرتب اللي أنا عايزة ( والحمد لله هذا توفّر نسبيا لي الآن )
بس يا حج،فضلت مستحمل... مستحمل... مستحمل، وطبعا كان مرتبي بيزيد لغاية لما وصل 650 جنيه !!( طبعا مرتب حقير برده، وإن رزق الله كله خير )
المهم رحت ناقل على شركة شبكات ( وهي دية بوابة دخولي مجال الشبكات ) كانت كبيرة نسبيا، ولقيت صاحبها بيقولي هديك ألف جنيه مرتب!!
أنا طبعا عنيا زغللت، وفضلت أبحلق، وريلت على نفسي، وكنت عايز اقول للراجل: انت عبيط ياعم انت، المرتب ده كتير أوي عليّ :D
المهم، ربنا كرمني، وأصبح دخل شهريا 1800 جنيه ( وهذا من فضل الله عليّ ).
فضلت بقى على كدة، أخد خبرة من الشركة ديه، ولو جتلي شغلانة في شركة تانية أروح، وهكذا...
الخلاصة اللي عايز أوصلها للناس...
إن عصر الأحلام الوردية... انتهى خلاص! وإنك لازم لازم تصبر على كل بلاء، وعلى ضيق الحال، وقلة المال لديك.
وكمان تصبر على المذاكرة، مش أول ماتتفرج على فيديو وتلاقي نفسك مش فاهم تقول: علشان أنا أكيد غبي !!
لا لا ات مش غبي ولا حاجة، بس أي حاجة بتكون جديدة على الإنسان، لابد أن يجد صعوبة في بدايتها. وكما طريق العلم طويل جدا جدا، وواسع جدا. مفيش حد بيوصل في لغاية آخره. ده مستحيل.
لكن الواحد يجتهد على قد ما يقدر ويستعين بالله، وأهم شيء، أهم شيء الدعااااااء.
فإني - والله العظيم - ما رأيت مثل الدعاء في جلب الرزق، ودفع الهم والغم، وتيسير الأحوال.
وعلى رأي المثل: العلم لا يُكيل بالبتنجان :D
[CENTER]
[FONT=Arial][SIZE=4][COLOR=red]
[COLOR=black]والذي أَحلَّ الزواج وحَرَّم الزِّنا، وأَحلَّ البيع وحَرَّم الرِّبا؛ أنا لا أتجاهل أي أحد يراسلني على الخاص، أو أضعه خلف أُذُني!
لا، ولكني غير متفرغ هذه الفترة تمامًا.
وأعتذر - أشد الاعتذار - لكل من راسلني، وتأخر ردي عليه، أو لم أرد عليه حتى الآن.[/COLOR]
[/COLOR][/SIZE][/FONT]
[/CENTER]
بسم الله الرحمن الرحيم
انا حاصل على ليسانس حقوق سنه 2001
ولكن تركت مجال المحاماة والحقوق واشتغلت فى مجال الكمبيوتر من سنه 2002 وسافرت الى دوله خاليجيه وفضلت مهنه الكمبيونر على المحاماة لنى لقيت فيها نفسى ومنزو قرابه شهرين قدمت على العمل فى شركه كمدخل بيانات داخلها وقد اعجبت برئيس الموارد البشريه حيث اتى الى بشخص متخصص فى مجال الكمبيوتر ليجراء مع امتحان بسيط ولما تحدث معه الشخص واعجب بى المدير وارايته يقول لى فكر بالعمل لدينا لان مهاراتك تفوق الشغلانه لانى متخصص شبكات سيسكو وميكروسوفت واوركل وتطبيقاته ولان انا عامل لدى الشركه فى ادخال البيانات حتى التقى بفرصه داخل الشركه فى IT
وكم وصل راتبك الحين اخي VancouverEG
امزح طبعا
نصيحيتي لكل مبتدء خذ الطريق من اوله وتحمل واعلم ان كل يوم يمر عليك تكتسب موقف معين او موضوع معين يضم تلقائيا الى خبرتك في الحياة الخبرة ليست علمية فقط وهذه مشكلة الاخوة المصريين عند العمل في الخارج هناك شيء اسمه خبرة التعامل مع مواقف وضغوط العمل (قصدت الاخوة المصررين لأني منهم وصافني مواقف كثيرة عند التعامل معهم والاشراف عليهم في اي عمل نقوم به الا من رحم ربي منهم )
واعلموا يا اخواني ان من صعد سريعا هبط اسرع فتمهلوا ولا تستحوا ان تاخذوا السلم من اوله
معاك حق انا كنت اقصد انتحار كتشبيه مجازى
من يريد ان ينجح فى اى مجال اعتقد انه يجب يكون عنده مرونة و سرعة
فى التأقلم مع وضعه الحالى
بس فى حاجات ساعات الصبر فيها يكون ضار
اقولك على حكايه انا فى واحد قريبى خريج سياحة و فنادق واقدر يشتغل فى
فندق فى الغردقة شوف بقى الزبالة اللى هتحصل فى المجال ده
قريبى ده كان فاكر انها شغلانة الاحلام و لكنه وجد غير ذلك
اولا من تقديم الخمر و الاحتكاك و التعامل مع زوار عايزين الحرق بسبب مناظرهم ده شىء متفقين عليه
اسمع بقى اللى جاى
كان رئيس قريبى هذا ياخذ مرتب بالميت مش اقل 20 الف شهريا ده غير العلاوات و و و و و.......
ده على حسب قول قريبى و لا اظن انه يكذب
المهم كان فى زائر اتعصب على الرئيس هذا وضربة بالقلم و هزقه و بهدله
تفتكروا الرجل ده عمل ايه مع انه مكنش غلطان
كل اللى عمله حط اسم الزائر ده فى حاجة اسمها بلاك ليست علشان ميدخلش الفندق تانى
قريبى استغرب اوى ازاى يسيبة بعد ما بهدله فسال واحد معاه فرد عليه وقالة ولو كان فتح بؤقه مع
هذا الزائر او غير مش هيقعد ولا ثانية فى الفندق و الرجل اتعود على مستوى حياه لا يستطيع ان
يفقده من اجل قلم واحد :o
جيت ع الجرح يا حاج Van
انا في مرحلة حدود ال 650 جنيه
بس دي اول شغلانه ليا
كنت بذاكر وماشي كويس بس بقالي اسبوعين مريح
عشان الحر وتعبان شويه
واحد في الشغل قالي ذاكر دلوقتي احسن لما العمر يتقدم بيك وتفضل زي مانتا وتبقي عليك مسئوليات كتير
عَنْ أَبِي سَعِيدٍ الْخُدْرِيِّ , عَنِ النَّبِيِّ صَلَّى اللَّهُ عَلَيْهِ وَسَلَّمَ ,
قَالَ : " يُوشِكُ أَنْ يَكُونَ خَيْرَ مَالِ الْمُسْلِمِ غَنَمٌ يَتْبَعُ بِهَا شَعَفَ الْجِبَالِ ، وَمَوَاقِعَ الْقَطْرِ , يَفِرُّ بِدِينِهِ مِنَ الْفِتَنِ ".
قالي اللي بيذاكر ولو ساعتين قبل ما يجي الشغل مع الوقت بيفرق عن اللي حواليه في الشغل
عَنْ أَبِي سَعِيدٍ الْخُدْرِيِّ , عَنِ النَّبِيِّ صَلَّى اللَّهُ عَلَيْهِ وَسَلَّمَ ,
قَالَ : " يُوشِكُ أَنْ يَكُونَ خَيْرَ مَالِ الْمُسْلِمِ غَنَمٌ يَتْبَعُ بِهَا شَعَفَ الْجِبَالِ ، وَمَوَاقِعَ الْقَطْرِ , يَفِرُّ بِدِينِهِ مِنَ الْفِتَنِ ".
موضوع ممتاز للناس التايهين في دوامة افظل مرتب واي قسم يحول مجال العمل فية .
في عالم الشبكات يعتبر من المجالات سريعة التطور و التقدم يجب يكون الشخص فيها شغوف في البحث عن كل جديد فيها اي شخص يقضي ساعات في البحت و الابحار في الشبكة العنكبوتية دون اي ملل ودلك للوصول للمعلومة وصاحب قوى تحمل وعزيم لمواجة صعوبات التعامل مع الاخرين
ينظر مهندسون الشبكات ليس على الراتب في الدرجة الاساسية انما على حبهم وشغفهم لهذة المجال
CompTIA A+ IT Technical
Network+Security+ server+ MCSE CCNA
كل الشكر للمهندسين الافاضل
WOBOO - Lumark - mohamedsn
gouda2000
اللهم انفعني بما علمتنيو علمني ما ينفعنيوارزقني علما ينفعني
المفضلات