بجد بارك الله فييك وجزاك الله كل خير
وفعلا كلامك صحيح ميه فى الميه وانا ايضا قابلت ناس كتير كده
ليس لديهم اى صبر ولا عزيمة ولا همه
وجزاك الله خير
المشاركة الأصلية كتبت بواسطة VancouverEG
أنا سمعت مرة قصة من أحدهم - وبها أختم كلامي - ، وكان لها أكبر التأثير عليَّ في حياتي المهنية...
قال: ذهبت لبعض الشركات، وقلتله من عايزين حد يشتغل عندكوا؟
فالراجل قاله: لأ.
فراح معدي عليه أخينا تاني يوم بالظبط، وقاله: مش عايوين حد يشتغل عندكوا ؟!
فالراجل استغرب وقال: لأ.
فراح معدي عليه أخينا الرخم تالت يوم، وقال: مش عايزين حد يشتغل عندكوا؟!!
فالراجل قاله: مش انت اللي عدّيت علينا امبارح وأول امبارح؟!
فقاله: اه، أنا قولت يمكن في حد مات، أو اترفد، أو استقال!! :D
فراح الراجل قاله: لأ ياعم، مفيش حد مات، ولا حد استقال، ولا حد اترفد، ومش عايزين حد يشتغل..!
فصاحبنا التنح عدّى عليه رابع يوم، وقاله: مش عايزين حد يشتغل عندكو؟!!!
فالراجل التاني كان هيتجنن، وقاله: إيه ياعم مش انت اللي عمال تعدي بقالك تلات أيام؟!
قاله: اه، وبعدين قاله – وده الشاهد –: شغلني عندك شهر بدون مرتب، مش هتخسر حاجة، لو لقيت شغلي عجبك شغلي عندكوا.
أسأل الله أن يرزق شباب المسلمين بعمل طيب حلال بمرتب مجزي، واسأل الله أن يرزقنا العلم النافع والعمل الصالح.
والله من وراء القصد.
أخوكم: Vancouver
انا القصه ديية فاكرها اوى
خصوصا انى سمعتها من اكثر الناس حبا لهم
وهوه الدكتور الكبير ابراهيم الفقى
ومن ساعتها وانا بعمل زيه يعنى لما بكون عاوز حاجه بتنينى الح عليها مره واتنين وتلاته لغاية ماعملها او احصل عليها
وربنا يوفقنا جميعا
المفضلات