السلام عليكم ورحمة الله وبركاته ،،
كيف احوالكم جميعا ؟؟ يا رب تكونوا بخير ان شاء الله.
اخوكم الصغير خلص امتحانات من كام يوم يعنى فضيت لجامعة عرب هاردوير الجميله ربنا يبارك فى كل من ساهم فيها
وحابب انى ابدء فى مجال النتورك وسيسكو وربنا يباركلى واتفوق فيه
تقريبا وقفت عند
OSI Model
بس فى كام سؤال كده مدوّخنّى ومترتبين على بعض وكل ما اسال حد مش بيفهمنى انا عايز يه بالظبط
اتمنى الاقى الاجابات عند العمالقه ان شاء الله
انا عارف ان فى ناس مش هتقدر تقرا كل ده بس اسف اعمل ايه طيب :D
بسم الله ،،
يعنى ايه Gateway
دى البوابه اللى هتخرجنى بره النتورك بتاعتى يعنى هى الـ IP بتاع الـ Interface للروتر المقابل للشبكه بتاعتى .. ده اللى انا فهمته تمام كده؟؟
لو تمام
هل هناك علاقه بين
Public IP & Gateway ???
بمعنى ان انا لما احب اطلع على النت بحتاج Public IP
ده بتدهولى الشركه اللى مشترك معاها أو ISP علشان اطلع بيه على النت
وده مش ليا لوحدى ده بيبقى للناس اللى متوصله معايا على نفس الشبكه ( السويتش)
والعمليه دى بتضايقنا لما مثلا اجى احمل من الرابيد شير ويقولى انت عمال تحمل دلوقتى مع انى مش بحمل .. والسبب فى كده لان جهاز اخر معايا فى السويتش بيحمل منه
تمام كده؟؟
سؤالى تانى هل فى علاقة بين الاتنين IP دول
يعنى هما واحد ولا ده حاجه وده حاجه تانيه؟؟يعنى ايه الفرق بينهم طيب؟؟
السؤال اللى بعد كده
لما بيبقى فى شبكه داخليه مش بتدخل على النت متوصله بسويتش فقط
كل جهاز عليها ليه Private IP وده اللى بستخدمه علشان اعرف بيه الـ Mac Address علشان اقدر ابعت لجهاز معين
وفى الغالب بيكون فى الرنج
192.168.1.0 Network
بعد كده بنوزع الهوست
192.168.1.1 , 192.168.1.2
and so on ...
ده ملوش اى علاقه لا من بعيد ولا من قريب بالـ Public IP اللى بيمكننى من الدخول على النت
انا ماشى كده صح؟؟
اللى فات ده كوم واللى جاى ده كوم تانى
فى الرسمه دى ( بغض النظر توصيل صحيح ولا لا دى مجرد رسمه هشرح عليها سؤالى)
دلوقتى لو عايز ابعت بيانات
From PC1 To PC5
ده فى شبكه وده فى شبكه تانيه يعنى عمرى ما هستخدم ال private ip واروح ارسل بيه
اساسا السويتش هيبدأ يقارن بال subnet mask وهيعرف ان الجهاز المرسل اليه مش تابع للشبكه بتاعته
فيبدأ يجهز باكيت فيها
Source ip يعنى الجهاز PC1
Des ip يعنى الجهاز PC5
source mac يعنى الجهاز PC1
des mac ده بقى لل interface بتاع الروتر (المقابل لل pc1)
بعد كده الروتر هيوجه البيانات للشبكه المقصوده واختيار افضل مسار ليها
وهيغير بقى الماك للمرسل اليه
هنا بقى ال Ip اللى اتحط فى الباكيت دى مش المفرو ض يكون ال public ؟؟
مستحيل يحط ال private اصل ده متكرر فى كل شبكه محليه وبالتالى مش هيعرف مين الشبكه المقصوده
تمام كده
طب واحنا مش متفقين ان الشبكه اللى على اليمين دى كلها على سويتش واحد يعنى كل جهاز فيها ليه نفس ال public ip
منين الروتر او السويتش هيعرف انا قاصد الجهاز pc5
ويقوم مسلمه البيانات ؟؟؟؟!!!!
معنى كده ان الباكيت بتبقى محطوط فيها
ال public علشان يعرفنى انهى شبكه
وال private علشان اعرف انهى جهاز بالتحديد فيها ؟؟
يا رب اكون كده انا صح؟؟؟؟ وكده كده ال Mac متسجل وهتتبعت وخلاص
طب لو صحيح كلامى ده
ليه لما بشوف رسومات للابات على الباكيت تراسر بلاقى كل جهاز واخد ip
واحيانا بيكون فى الرنج بتاع public ازاى ؟؟؟
ولو انا غلطان ومفيش كده وانه بيبقى private
هل تفسيرى صحيح اللى هو بيبقى فى الباكيت
public and private ؟؟؟
ولو تفسير أخر ايه ال Ip بتاع كل جهاز ده؟؟
انا عارف ان فى حاجات كتير غلط طبعا .. انا لسه مبتدء شوفتلى كام درس فقط
بس لازم افهم الدنيا دى بتمشى ازاى ومش ههدى الا لما اعرف :D
واهم حاجه برضه الفرق بين public وال gateway
اسف معلش انا عارف انى كده بتقل عليكوا جامد
هستأذنكوا تستحملونى
وحد يقول ايه الصح والغلط فى كلامى علشان ابدء ارتب الدنيا دى
جزاكم الله خيرا ،،
المفضلات