:: قــاهــر الـ Logitech Z-5500 على مشارف الوصول ياشباب .. إستعدوا بالكاشات ياوحوش ::

[M Z]

السلام عليكم ..


شباب .. كان طبعاً كتير جداً مننا منتظر Logitech Z-5500 املاً في طاقم سماعات " نضيف " بأسواقنا المهروسه
لكن مع الأسف يبدوا إننا سوف ننتظر إلا ما لا نهايه ..

إلى ان كشف فلاطه وعنتبلي النقاب عن مفاجأه جديده ..
وهو Edifier S550 الذي تفوق على Logitech Z-5500 عندما تواجها رأس لرأس وفارس لفارس والميدان واسع :D

فهو بكل تأكيد فرصه لمن اراد التعرف عن قرب على اقوى وانقى Sound System عرفته مصر ..







وهذا هو رابط الفيديو للمقارنه بين الإثنين وجهاً لوجه ..

Edifier Vs Logitech z-5500 - The Test We All Wanted To See


اما بخصوص الوصول .. إن شاء الله خلال شهر 7 .. حيث ستصل السفينه المحمله بهذا الوحش مع بداية الشهر
الإجراءات والروتين والتعقيدات فقط هي ما سوف ننتظر متي سوف تنتهي .. فهي مصرنا كما تعودنا عليها
يعني بمجرد إنتهاء الإجراءات سوف يكون هذا الوحش مُتاح لمن اراد ان يقتنيه ..
اما عن السعر .. فـ حتى الآن لا نعلم كيف سيكون .. فللنظر ونرى ..
وللعلم ياشباب .. وجب التنبيه إن الكميه من هذا الصب ستكون محدوده جداً ..

بعض الفيديوهات الاخرى للصب :

edifier s550 -clear sound ,,, shaking my room

Edifier S550 Song: 50 Cent Candy Shop - HD

Edifier S550 Bass test

Edifier S550 5.1

Edifier S550 5.1 - Boom Boom Pow

test sub - Edifier S550

Edifier S550 ergonomic controller



مع تحيات النجمين .. فلاطه وعنتبلي

[HuLkY]

بكام؟ :D , نازل بكام؟

[S.O.S]

:eek:
:eek:
حرام عليك طيب انا اعمل ايه في ال 6200 الي عندي اولع فيه ولا ارجعه
:mad:

S 550 5.1. Best price: £264.92

[M Z]

والله ياكبير علمي علمك ..
انا لما كنت بتكلم مع مدير المبيعات للأسف لسه مافيش اي معلومات عن التسعير قالي عليها
لسه نقل وهامش ربح وتخزين وارضية جمارك لو لا قدر الله الموضوع طول كلعاده
ده غير الشاي و الـ Under table لبتوع الجمارك .. لإن ده العادي عندنا ..

يعني لسه الموضوع مش واضح ..
ولكني اتوقع بناء على سعره بره إنه هايكون ما بين 2200 و 2800 مثلاً ..
وإذا رجال الجمارك البواسل " تقلوا " في الشاي شويه .. احتمال يعلى مثلاً لـ 2950 في اسوأ الاحوال ..
لكنه مازال صفقه مُربحه مُقارنة بتكاليف شحن Z-5500 اللي هاتكون ضعف المبلغ ده ..
ومع تفوق الـ Edifier كمان هاتبقى الصفقه اكثر من مربحه فعلاً ..


صوص باشا ..
انا عملت اللي عليّا وقولت .. كتبت تنويه في موضوع الاسعار من حوالي اسبوعين او اكتر
لكن لو عايز نصيحتي بجد
إعتبر إن السفينه غرقت او وقعت في فجوه زمنيه او الصب هرب من القفص اثناء محاولة ترويضه على رصيف المينا بعد وصوله
لإنك لو روحت الشركه وسمعته بنفسك على كارت صوت محترم هاتولع في الـ 6200 فعلا

[MF88]

شىء جميل جدا

بس 2950 دى رقم شنيع :D

و النظام شكله تحفه طبعا ولا يقل عن اللوجيتيك بل فعلاااااا يتفوق عليه

[M Z]

MF88

إزيك ياجميل عامل ايه .. بص بيني وبينك كده من غير ما حد ياخد باله " انا لسه لغاية دلوقتي ماقولتلكش مبروك :o "
الف مبروك يا مستر محمود واعتذر لو كانت متأخره ... متأخره اوي بصراحه

بخصوص السعر فهو مُجرد تخمينات قد تصيب وقد تخطئ
بس ماتنساش إن كان فيه ناس خلاص قفلت معاها على لوجيتيك وحلفوا يجيبوه بأي تمن
حتى ولو كان هايتكلف خمس بواكي .. لإن وزنه مُرعب
لكن لما يلاقوا حاجه تتفوق عليه وبنصف التكلفه واكتر يبقى صفقه مُربحه جداً ..

وعلشان كده الشركه عملت حسابها في كميه مش كبيره ..
مش هاقول كام بالظبط لإني مش عارف هاينفع انشر الرقم بدون اخذ اذن ولا لأ ..
لكنه رقم يُعد على اصابع اليد الواحده !
ويابخت اللي هايلحقه بجد .. هايكون عنده ساوند سيستيم يخلوه من صفوة مستخدمي الكمبيوتر في مصر فعلاً

[MF88]

يا مسهل يا رب و الف شكر على التنبيه الحلو ده

و اكيد كل واحد كان بيحلم بساوند سيستم متميز مش هيفكر اصلاً ولو حتى بـ 10000 جنيه " طالما مش هيشحن و يحرق دمه فى الشحن "

و مفيش تأخير على المباركه يا عم " عادى هرجع بالزمن و احطها فى مكانها عاااادى :D "

[HD5870X2]

Egypt

Edifier Lifestyle Distributor




Edifier Multimedia Distributor
Palm Springs Club Trading

38 "A" Al Ourouba Street, Villa Aladdin Bahri, Heliopolis, Cairo Egypt

Contact : Adel Aziz
Email : sales@thepalmsprings.com
Websites : -
Phone : (202) 22917425
Fax : (202) 22917978


وتقريباً هو برضو توكيل منتجات Verbatim في مصر

واضح ان الناس دي نضيفة فعلاً :D

مينفعش تكلمهم لنا على S750 ال 7.1 (ان كانت نزلت أو هتنزل قريب بره) أو حتى الإصدار ال Digital من ال 5.1 وهو S550D لأن S550 للأسف Analog بس وفي دي ال Logitech تتفوق عليه لأن فيها DD/DTS Decoders

وبعدين سعر ال S550 هو 420 دولار أسترالي أو 370 دولار كندي يعني تقريباً 2050- 2100 جنيه مصري :

https://www.ncix.com/products/?sku=4...acture=EDIFIER

https://www.shopbot.com.au/pp-edifie...ce-155451.html

وأنا عن نفسي مش هدفع فيهم أكتر من 2300 جنيه

[hack4love]

اخيرا ياوديع اخيرا فهمتني

بس انا سئلت الاستاذ مراد البخاري قالي لوجيتك يتفوق عليه برده:D

[hack4love]

انا هخلص يامعلم هههه شفت الفديوهات بس ميكسرش 2500:D

[khaled samra]

اولا شكرا لك

ثانيا انا لا اعتقد ان النظام الذي قدمته هو اقوى من logitech z5500
لأن نظامك قوته 280 watte RMS
اللوجيتك قوته على الأقل 500 watte RMS

ملاحظة: انا لدي نظام logitech Z5500 واريد ان اقول لك انه ينطح نظامك المقدم نطحا كاملا لأن نظامي على وشك ان يخترق الجدران وعلى وشك ان اتقبل الشكاوى من الجيران.

Logitech Z5500 The Best System Home Theater

[HD5870X2]

اولا شكرا لك

ثانيا انا لا اعتقد ان النظام الذي قدمته هو اقوى من logitech z5500
لأن نظامك قوته 280 watte RMS
اللوجيتك قوته على الأقل 500 watte RMS

ملاحظة: انا لدي نظام logitech Z5500 واريد ان اقول لك انه ينطح نظامك المقدم نطحا كاملا لأن نظامي على وشك ان يخترق الجدران وعلى وشك ان اتقبل الشكاوى من الجيران.

Logitech Z5500 The Best System Home Theater

للأسف يا عزيزي معظم التقارير تقول بالفعل بتفوق نظام Edifier الجديد على Z5500

ولعلمك القدرة أو الوات لا تعني شيئاً في جودة صوت السماعات

[khaled samra]

للأسف يا عزيزي معظم التقارير تقول بالفعل بتفوق نظام Edifier الجديد على Z5500

ولعلمك القدرة أو الوات لا تعني شيئاً في جودة صوت السماعات

ممكن تقول لي اسباب التفوق.

[HD5870X2]

ممكن تقول لي اسباب التفوق.

سببين بسيطين :

حجم Driver ال Subwoofer الأكبر مع ال Edifier

ال Enclosure الخشبية مقارنة بالبلاستيكية مع اللوجيتيك

وهذا على سبيل المثال لا الحصر

وصدقني الوات لا يعني أي شيء عن الحديث عن السماعات والأنظمة الصوتية

وعموماً في عالم السماعات ينصح دائماً بسماع الطقمين المراد الإختيار بينهما في نفس المكان للحكم على جودة صوت كل منهما

[khaled samra]

سببين بسيطين :

حجم Driver ال Subwoofer الأكبر مع ال Edifier

ال Enclosure الخشبية مقارنة بالبلاستيكية مع اللوجيتيك

وهذا على سبيل المثال لا الحصر

وصدقني الوات لا يعني أي شيء عن الحديث عن السماعات والأنظمة الصوتية

وعموماً في عالم السماعات ينصح دائماً بسماع الطقمين المراد الإختيار بينهما في نفس المكان للحكم على جودة صوت كل منهما

بالنسبة للخشبية والبلاستيكية فأن صب ووفر اللوجيتك من الخشب وانا امتلك هذا النظام.
وصدقني اللوجيتك اقوى واحلى من النظام المذكور.
اينما تذهب وتبحث عن نظام صوتي للكمبيوتر تصادف نظام اللوجيتك.

تحياتي