مساعده بسوفت وير لراوتر TP-LINK

[عصام خليل]

عندى راوتر TP-LINK موديل TD-8840
وكان عندى خط من تى داتا ولسوء الخدمه غيرت الى اتصالات
ولكن الراوتر لم يربط قط مع الخط الجديد وعند تركيب راوتر ريبوتك او زوم يربط ويعمل تمام
مندوب شركه التوزيع اعطاه سوفت فى محاوله لكى يربط الراوتر ويعمل على خدمة اتصالات
ولكن للاسف الراوتر رفض العمل مره اخرى
هل يمكن استعادته كما كان بتحميل سوفتوير له ام انه تلف وانتهى امره اريد ان استفيد منه ولو عند حد اخر لانه كان يعمل على تى داتا
هل بالامكان ذلك
علما ان مندوب شركة التوزيع اخده معاه وقال سيحاول فيه مهندسى الشركه بتحميل سوفت ولما اتصلت بهم كان ردهم انه عليه العوض

[almaskar]

لا طبعا الراوتر بيشتغل على اي خط ليس لخط معين

و لو انت عايز السوفت وير تبع لهذا الموديل انا ممكن ارفعه لك

بس انا فهمت انه الان ليس عندك ؟!!!!!؟

اعلمني بما هو جديد

شكرا جدا

[abdalla_atta]

الاخ الكريم

الروتر جهاز ذي اي جهاز بيشتغل علي خدمات اي شركة

المفترض ان كان يشتغل علي خدمة شركة اتصالات عادي جدا بس بعد ما يتعمله اعداد بالبيانات الجديدة بتاعت الشركة , يعني كل اللي كان ناقصه انه يتعمله Configration ليس الا

اللي انت بتكلم عنه معناه حاجة من اتنين

1. الروتر حصلت فيه مشكلة وباظ فعلا بس صدفة انه باظ لما ركبت الخدمة الجديدة

2. الراجل اللي ركبلك الخدمة معرفش يشغلها ودخلك في قصة Firmware جديد للروتر وبوظ الروتر لانه نزل عليه فيرم وير مش بتاعه

الحل دلوقتي

1. تعمل شكوي في الشركة ضد الراجل اللي جه عندك ومعرفش يعما اي حاجة وتطالب بروتر مكان اللي باظ وتعمل شوشرة وتقلب الدنيا وتتصل بالجهاز القومي لتنظيم الاتصالات 155 وابعت شكاوي بالميل والبريد وبالتليفون لادارة الشركة نفسها

2. تشتري روتر جديد او تستلف روتر من حد من اصحابك تشمي بيه نفسك عشان متعطلش لحد ما المشكلة تتحل

3. خلي نفسك طويل ومتسيبش حقك مهما حصل و في الشكوي قول الكلام اللي حصل كله بالتفصيل بس من غير تهويل ولا مبالغة ويا سلام لو ذكرت تواريخ زيارة الراجل ده ليك وتواريخ المكالمات يبقي شكوتك قوية جدا وهتتحل بسرعة باذن الله