تقرير مفصل عن اللاب Dell Inspiron N5010 ATI 1GB

[Intelligent]

أداء راااااااااااائع جداً
11 ساعة ...--> 64 max :eek:
ألف مبارك عليك الجهاز
وسأحاول أن أسأل عنه لاني على وشك أن أحضر لابتوب !
شـــــــــــــكراً لك
وان شاء الله سأحضر شقيقه إذا كان متوافراً
والله ولي التوفيق
..........
Operating System:

No Operating System Preinstalled
!!! غريب
.........................................



ممكن سؤال: مثل أي ألعاب شغلت عليه وكم من الزمن تقريباً؟؟

[etch.five]

انا اشتريت الجهاز من 5 ايام
ولكن انا اشتريت الـ فيه اوبشن الرامات 4 جيجا والفيجا 1 جيجا ايه تى اى
ضمان بى دى ال (BDL)
والجهاز بسم الله ما شاء الله رائع بمعنى الكلمه
حتى انى اقسم لكم بالله استمريت عليه 22 ساعه
شغل عليه العاب ونسخ من هاردات تانيه
والحمد لله مفيش سخونه ولا صوت ولا اى مشاكل
وجيبتله نسخه سفن 64 بت اصليه
وشغال الحمد لله زى الفل
وانا فى وجة نظرى عن تجربه بقول نفس الكلام ال قاله كريزى
تقييم الجهاز 10/10
وشغلى جرافيك وداتا بيز والعاب زى جتا اى فى ونيد فور سبيد شيفت وبرو ايفيليوشن 2011
فى حفظ الله

[Dr Mohammad]

مبارك عليك الجهاز

و أنصحك أخى الفاضل ألا تستخدم أى لاب توب لأكثر من 8 ساعات متواصلة , حتى لا يتعرض للأعطال على المدى البعيد (لا قدر الله)

و مبارك مرة أخرى

[etch.five]

الله يبارك فيك يادكتور محمود
اكيد طبعاً معاك حق
بس دى كانت اول وآخر مره
وكان الغرض منها
( اختبار الجهاز للضغط العالى والكفاءه فقط )
وانا معترف تماماً بمقوله دايماً اقولها فى اى حاجه ان كانت
حافظ عليه هيحافظ عليك .. راعيه هيراعيك
ومتشكر اووى لذوقك
لك منى اجمل تحيه
:ah7:

[heshaaaam]

انا اشتريت الجهاز من 5 ايام

ولكن انا اشتريت الـ فيه اوبشن الرامات 4 جيجا والفيجا 1 جيجا ايه تى اى
ضمان بى دى ال (BDL)
والجهاز بسم الله ما شاء الله رائع بمعنى الكلمه
حتى انى اقسم لكم بالله استمريت عليه 22 ساعه
شغل عليه العاب ونسخ من هاردات تانيه
والحمد لله مفيش سخونه ولا صوت ولا اى مشاكل
وجيبتله نسخه سفن 64 بت اصليه
وشغال الحمد لله زى الفل
وانا فى وجة نظرى عن تجربه بقول نفس الكلام ال قاله كريزى
تقييم الجهاز 10/10
وشغلى جرافيك وداتا بيز والعاب زى جتا اى فى ونيد فور سبيد شيفت وبرو ايفيليوشن 2011

فى حفظ الله

جبته منين وبكام

[msp_man]

طب أنا عاوز أعرف سعر الجهازه المدمج فيه كارت الشاشه ( Intel) والآخر الذى يحتوى على كارت الشاشه ati
أرجو الرد لأنى هشترى خلال أيام

[etch.five]

جبته منين وبكام

معلش ياهشام ع التأخير لسه داخل المنتدى

انا اشتريته من شركة ايجيبت لاب توب
www.egyptlaptop.com
بس فرع اسيوط لانه قريب منى
وفيه فرع تانى للشركه فى القاهره
وتقدر تدخل ع الموقع هتلاقى ارقام خدمة العملاء
وهتلاقى الدعم الفنى اون لاين
تقدر تسألهم فى اى حاجه بدون حرج
وهيردوا عليك وخد كلامهم ثقه
لانها بجد شركه محترمه فى تعاملاتها وعن تجارب سابقه كتير مع اصحابى ومعايا
اشتريته بـ 4200
ودا لينك اللاب فى الشركه
https://egyptlaptop.com/dell-inspiron-n5010-4-gb-and-320-hd.html
وملاحظات ليك انت برضه :
الكاميرا بتاعته بسم الله ما شاء الله
جاااااامده جداااااااااً
هى 1.3 ميجا بيكسل بس فى تصوريها تحسها 5 ميجا بيكسل جوده عاليه جدااااً
وبالنسبه للتعاريف بتاعته يفضل انك تحملها من موقع ديل الشركه المصنعه لان السوفت الاصلى ليه
ومتنزلوش من اجيبت لاب توب لان التعريفات فيها مشاكل فيه

وعامتاً لو هتشتريه سواء من اجيبت لاب توب او اى شركه
طلعه م الكرتونه ف الشركه وشيك عليه هناك قبل م تخرج
ولو لقيت اى حركه فى البطاريه ف الشاشه اى حاجه ان كانت متخدووش
وربنا يوفقك
فى حفظ الله

[etch.five]

طب أنا عاوز أعرف سعر الجهازه المدمج فيه كارت الشاشه ( Intel) والآخر الذى يحتوى على كارت الشاشه ati
أرجو الرد لأنى هشترى خلال أيام

الجهاز الـ كارت الفيجا بتاعه Intel
السعر من 3500 : 3700
على حسب الشركه او المكان الـ هتشترى منه

والــ ATI
دا فيه منه 3 موديلات
(اوبشنز )
1- رامات 3 جيجا هارد 320
(4000 : 4100)
2- رامات 4 جيجا هارد 320
(4200)
3- رامات 3 جيجا هارد 500
(4500 تقريباً)

بس انا انصحك انك تختار الفيجا بتاعه ATI
لان البيكسل تشير بتاعه 5 يعنى يشغل الالعاب الحديثه والقويه جداً
(Directx 11)
اما كارت الـ Intel
ضعييييييف جدااااااااااااً
وكجودة الجهاز عامتاً بسم الله ما شاء الله راااااااائع من ناحية السخونه الصوت الاوبشنز
وبلاقى احتيجاتى فيه بشكل جيد جداً
ولك حرية الاختيار
فى حفظ الله

ومتأسف للأخ Crazy
ع المداخله فى التوبك
ولكن الهدف هو الافاده للجميع

[msp_man]

طب مشكله كارت الشاشه إنتل إيه
يعنى مزايا وعيوب وهل هيشغل اللعب الجديده ولا لا
وهل هو ا ميجا ولا 512
لأنى هشترى اللى مدمج فيه كارت إنتل (على قد فلوسى ) :ah42:

[الطبيب]

مرحبا اخي العزيز ، انا حابب اشتري جهاز لاب توب يكون فعال ومقاوم ،ويفيد بالعمل ببرنامج الاتو كاد ، هل تنصحني بال dell 5010؟

[عماد ايجيببت]

السلام عليكم ورحمة الله وبركاته
معلش يااستاذ هشام انا عايز اقوللك اني دخلت علي الرابط اللي انت حطه لشركة ايجيبت ولقيت نفس التعريفات
الموجودة لجهاز dell n5010 هي نفس التعريفات الموجودة علي موقع dell ويمكن في كمان تعريفات اكتر مجودة علي موقع شركة ايجيبت لاب توب زي تعريفات ويندوز xp , وكمان موجود عندهم في الموقع خدمة الدعم اون لاين وموجود اغلب التعريفات لجميع الموديلات
وربنا يوفقك
فى حفظ الله

[heshaaaam]

انا جبت الجهاز والراجل ظبط التعريفات وويندوز7 64 والفيجا ATI 1 GIGA وهارد 320 ورامات 4 جيجا

بس ساعات لما أشغله الاقيه مهنج والصورة مكسرة وداخلة فى بعضها

[Moorafun]

يا باشا لو تخدمني و تسال الراجل الي انت اشتريت منه نظام التقسيط ايه
تبقي عملت معاي خدمة كبيره اووي لاني عمال ادور و مش عارف اوصل لحل
و لما كلت الدعم قلي منك للبنك و انا مجربتش قبل كدة نظام التقسيط
منتظر ردك يا اخي الكريم

[hossam elden]

موضوع روعه جزاك الله خير

انا ناوي اشتري الجهاز ده بس اللي 4 رام


وكنت عايز اسألك سؤال كده


وانا بشتريه هيكون من غير وينوز ازاي اقدر اعرف امكانياته عشان زي ما انت عارف في منه 4 رام و 3 رام 2 رام

ده غير انه مش كله البروسيسور بتاعه m350/ 2.26 فيه منه m330/ 2.13


اعرفها ازاي الحوارات دي بقي عشان ميضحكش عليا مع العلم اني هجيبه من السخاوي


وشكرا مقدما

[heshaaaam]

موضوع روعه جزاك الله خير

انا ناوي اشتري الجهاز ده بس اللي 4 رام

وكنت عايز اسألك سؤال كده

وانا بشتريه هيكون من غير وينوز ازاي اقدر اعرف امكانياته عشان زي ما انت عارف في منه 4 رام و 3 رام 2 رام

ده غير انه مش كله البروسيسور بتاعه m350/ 2.26 فيه منه m330/ 2.13

اعرفها ازاي الحوارات دي بقي عشان ميضحكش عليا مع العلم اني هجيبه من السخاوي

وشكرا مقدما

اولا خليه يسطبلك الويندوز والكارتونة بيبقى مكتوب عليها من الجنب مواصفات الجهاز واتاكد من السريال نمبر بتاع الكرتونة مكتوب فى الفاتورة وهو هو المكتوب ع الجهاز وتأكد من كارت الفيجا برده هتلاقيه مكتوب ع الكرتونة ومتخدش لاب معروض فى الباترينه واتاكد ان مفيش نقط بيضاء ع الشاشة واقف جنبه وهو بيسطب الويندوز عشان لو سمعت صوت كده ولا كده وكمان جرب عنده البطارية والشاحن وخليه يعرف كل حاجة وينزلك التعريفات ع الجهاز وكمان نسخة الويندوز واديله 10 او 15 جنيه وقوله قبل ماتشترى هتسطبلى ويندوز كتير منهم هيقولك اه