من أغنياء أمريكا يتبرعون بنصف ثرواتهم لأعمال الخير كتب شريف سمير ووكالات الأنبا

[one-zero]

لطالما انتانتني شكوك حول نوايا المتبرّعين هؤلاء..
ألا يمكن أن يكون الأمر متعلّق بالضّرائب أو بفوائد ماليّة معيّنة أو سياسيّة معيّنة بعيدة المدى؟

فعلا فكرت في هذا
وفكرت ايضا ان تكون جزء من لايف ستايل الاثرياء
خاصة بعد ان وجدت ان حتى محمد الفايد عنده مؤسسات خيريه

ولكن دعنا نتسأل هل تعجبنا هذا بسبب اننا لم نسمع عن ملياردير عربي في مصر او سوريا او غيرها فعل هذا
وبالتالي فكرنا نما على سلوك ان الغني لا يتبرع بلا سبب فهذا حال الاغنياء في بلادنا

لا ادري و لكن اتمنى ان اراى ملياردير عربي يتنازل عن نصف ثروته في اعمال الخير

[JUBA]

لا ادري و لكن اتمنى ان اراى ملياردير عربي يتنازل عن نصف ثروته في اعمال الخير

والله لو عمل كده ما هايبقى عربي وهايتقال عليه مجنون وولاده وعيلته هايرفعوا قضية حجر عليه والسبب من وجهة نظرهم السفه في صرف الاموال

[JUBA]

هالكي ما انت كمان مكشر اهو في الصورة اللي حاطتها للبروفيل بتاعك حتى الواد مش عاوز يفك التكشيرة خايف من هالكي

يعني عيش وتعايش في الموضوع

[HuLkY]

^^ ده متنح , مش مكشر! :D , شتان الفارق , ده التعبير بتاع Wanna a fight , come get some , حلو التعبير ده

صدقنى انا مش مكشر , عضلات وجهى ارتخت من التكشير خلاص , التكشير بقى نفسه متعب , الضحك متعب , عضلات وجهى والاعصاب لم تعد زى الاول , للسن احكام ,

عيش وتعايش , تصدق ينفع موضوع , انا لا اجيد هذا الفن للأسف , انا مرن جدا لكن معنى المرونة انى لا ابيع نفسى , للأسف والله انا بشوف بتتضرب على قفاها قدامى بداعى العيش والتعايش!

الشتيمة مش بتلزق! الضرب مش بيسيب أثر :D , للأسف جملة العيش والتعايش صعبة اخ سنايبر , الا فى الشعوب المتحضرة , لأنه هنا مفهوم العيش والتعايش هو هو مفهوم "أول مرة زى شكة الدبوس" , اول شتيمة صعبة بس من بعدها عادى , حتاخد على كده! اول قفا صعب تبتلعه , بس بعد كده فل , حيتحول الامر لمحبة , نفس الكلام لأول رشوة , تقيلة على القلب لاحقا حتكون تقيلة على الجيب مش اكتر :D , كله بيعيش ويتعايش للأسف مشرفنا العزيز


حاليا انا مسكنى القديم بيمر بمشكلة ظريفة فى ترميمه , حتتكلف حوالى 8 مليون جنيه , منهم الربع على المقاول المسئول , والربع على السكان , والنصف على رجال الاعمال , انا سألت فى الموضوع , هل هو خيري؟

نزلت لمبنى المحافظة ورحت لابس فورمال عشان جدية الموقف ,موظف كبير فى الداخل كلمته شوية واحترم انى جاى له بنفسى واسال من غير زعيق وخلافه , بقيت واقف عايز استمع له , قال لى بكل بساطة اننا كسكان لا نستحق مليم لنا , لكن الفكرة انه رجال الاعمال لما تشارك بكده بتاخد اعفاء ضريبي حلو , قلت له طب ميعمل العقار وخلال كله وياخد تخفيض اكتر!

هنا وجهه كشر! ههههههههههه قال لى حرفيا "انتم مش للدرجة محترمين" وقال كمان انه بيتنا مش أثر , احترمت وجهة نظره بغض النظر عن تعبيره لكنه المح لى بكل وضوح انه لو كل رجال الاعمال تحملوا الفائدة , حياخد اعفاء ضريبي كبير حيأثر على المحافظة! فهمت وقتها الفكرة بكل بساطة

الموضوع اقرب للمثال المضروب هنا , الراجل بيتبرع ب 1 مليون لأنه حياخد اعفاء من 3 مثلا , هههههههههههههههههههههههههههههههههههههههههههههههههه ههههههههههههههههههه


فعلا , الراجل ده بيعيش ويتعايش!


يا جدعان! حد يقول لى بتوع القنابل فين :D

[M Z]

و اللهي يا هالكي الناس يتوع اسيا دول زي الفل

تخيل الهنود اللي بنفضل يتريقوا عليهم واي موقف يقولك هندي هندي ..
مش قصدي إحنا بالتحديد لإن الناس دي إحترامها عندي زاد بطريقه بشعه ..
انا اقصد دول معينه للأسف بتعتقد إن الهنود دول مُجرد سلاله بشريه لخدمتهم ..
وده شئ على فكره يُحسب للهنود نفسهم لإن عقلياتهم ممتازه ورغم كده مش بيقولوا لأ ..
إحنا بقى فالحين في ايه ؟؟ .. متفردين في ايه ؟؟.. متميزين في ايه ؟؟ .. بنعرف نعمل ايه اصلاً ؟؟..

كنت في كورس تبع عملي الجديد من كام إسبوع .. والـ Trainer حكيتلنا عن مصنع فحم في الإسكندريه زمان ..
طبعاً هي قالتلنا مصنع فحم من هنا .. وإحنا طبعاً تصورنا بشاعة المنظر اللي ممكن يتحكي .. مصنع فحم في مصر بقى :D
لكن اللي إتقال بعد كده بصراحه كان صدمه فعلاً خصوصاً وإن الإداره لم تكن امريكيه او اوروبيه .. كانت هنديه !

اولاً قالت إن المصنع منظره من بره كان يخطف الابصار .. حديقه رهيبه ولا حدائق قصور الرئاسه !
وفيها انواع نادره وروعه من النباتات والاشجار النادره والجميله .. ده غير الديكورات الرهيبه ..
والطريق مفروش بالورود والزينه والطريق للداخل معموله بطريقه معينه وسط الحدائق شكلها تحفه
اما داخل المصنع نفسه بقى حدث ولا حرج .. فكر كده إنك داخل في مصنع فحم في مصر وشوف هاتتصور ايه
اكيد طبعاً هاتتصور إنك بعد العوده من الزياره اهلك هايتعرفوا عليك من خلال الصوت فقط وهاتفضل تستحم لمدة سنتين :D

لكن الحقيقه غير كده .. وقالتلنا بالحرف إحنا كُنا فعلاً محتاجين نستحم لإننا نقلنا للمصنع التلوث من الخارج ! :rolleyes:
ده غير إن المدير نفسه كان هندي قالتلنا إسمه " اجاروال " .. بتقولنا الراجل ده بيعمل ايه
الراجل ده عنده مكتب صغير جداً جداً يادوب مكتب وامامه كراسي إستقبال ومكتب صغير جداً امتار قليله
لإنه اصلاً لا يجلس فيه إلا كل فين وفين لإنه دايماً مع العمال تحت في المصنع معاهم دائماً ولابس مثلهم تماماً وبيشتغل بإيده !

ده غير إنه بيعمل يوم كل العمال بيجلسوا في الحديقه للغداء مع اسرهم واسرة المدير ( على الارض كده تخيل :D )
والتجمع ده بيكون على شرط .. إن مافيش ولا شخص يتكلم في اي شئ يخص العمل والمصنع والشغل :rolleyes:
ورغم كل ده الراجل ده اصلاً كان مدير كبير جداً وناجح ومعروف ومشرف على مشروعات كثيره جداً .. وشوف بيفكر ازاي

تعالى هنا بقى قارن الوضع وشوف اقل مدير بيكون ازاي وبيتعامل ازاي
ده لو حتى مدير مراجيح او مدير خرابه بتلاقيه رِجل على رِجل وتناكه وتكشير فعلاً ومعامله سيئه جداً
ده غير إن الفلوس بالنسبه لناس كتير في مجتمعاتنا للأسف بيعتبروها درجات سلو يسموا بيها فوق البشر

لكن هانعمل ايه .. قدر وصعب الواحد يتخلص منه .. بس اهو بنحاول
يارب قنبلة هالكي يارب :D

[ramy]

ولكن دعنا نتسأل هل تعجبنا هذا بسبب اننا لم نسمع عن ملياردير عربي في مصر او سوريا او غيرها فعل هذا

فكّرت بهذا الأمر أيضاً..لكن لا أعتقد أنّ هذا هو السّبب..لأنّني أحاول دائماً أن لا أترك للخبرات السّابقة تأثيراً على نطرتي للأمور.
بصراجة ليس هذا ما دفعني للتّشكيك بدايةً، بل هو كلام سمعته هنا و هناك عن أنّه و بطريقة ما فإنّ التّبرّعات تعود على المتبرّع بما ذكرت..
أتمنّى أن أكون مخطئ، لأنّه وقتها سيكون العالم مكان أفضل.

[Mshadow.me]

فعلا , الراجل ده بيعيش ويتعايش!


يا جدعان! حد يقول لى بتوع القنابل فين :D

بيعرف يعوم علي سطح الكوسة:D

يعني عايزين كمان نستورد رجال أعمال من بره؟

ربنا يلطف بينا و يطلعنا منها علي خير