من أغنياء أمريكا يتبرعون بنصف ثرواتهم لأعمال الخير كتب شريف سمير ووكالات الأنبا

[one-zero]

كتب شريف سمير ووكالات الأنباء ٦/ ٨/ ٢٠١٠
بيل جيتس

«عندما نعطى نلهم الآخرين على العطاء».. بهذه الفلسفة نجح الملياردير الأمريكى الشهير وارين بافيت «٧٩ عاما» بالتعاون مع مؤسس شركة «مايكروسوفت» بيل جيتس «٥٤ عاما» فى إقناع ٤٠ من مليارديرات الولايات المتحدة بالتبرع بالجزء الأكبر من ثرواتهم لصالح أعمال خيرية.
ولقيت فكرة المشروع الذى تبناه «بافيت وجيتس» بعنوان «وعد العطاء» صدى هائلاً وقبولاً واسعاً من جانب مجموعة كبيرة من رجال المال والتجارة فى العالم، بينهم مايكل بلومبيرج عمدة نيويورك، وجورج لوكاس مخرج سلسلة أفلام «حرب النجوم» وتيد تيرنر مؤسس قناة «سى إن إن» الإخبارية الأمريكية، بالإضافة إلى بارون هيلتون وريث سلسلة هيلتون للفنادق، ورجل البنوك ديفيد روكفيلر.
أطلقت المبادرة منذ ٦ أسابيع وتهدف إلى استقطاب أكبر عدد ممكن من كبار الأثرياء لتخصيص أكثر من نصف ثرواتهم لجمعيات خيرية، واستند كل من بافيت وجيتس فى الترويج لمبادرتهما إلى مخاطبة الجانب الإنسانى لدى رجال الأعمال الكبار، باعتبار هذا التبرع «التزاماً أخلاقياً وليس عقداً قانونياً تنطبق عليه المواصفات القضائية».
وبدأت الحملة منذ فترة وجيزة إلا أن الاستجابة لها مشجعة جدا «من قبل أثرياء العالم»، وبرر بلومبيرج انضمامه للمبادرة بالقول: «إذا أردت أن تفعل شيئا لأبنائك وأن تعبر لهم عن حبك فإن الأفضل على الإطلاق أن تساند هذه المنظمة التى تسعى لعالم أفضل».
وفى ١٦ يوليو الماضى، أعلن بول آلان، الذى شارك فى تأسيس «مايكروسوفت»، التبرع بمعظم ثروته التى تبلغ ١٣.٥ مليار دولار للأعمال الخيرية بعد وفاته، خصوصاً بعد فترة عصيبة عاشها فى رحلة علاجه من سرطان الغدد الليمفاوية.



https://www.almasry-alyoum.com/artic...ticleID=265152

[HuLkY]

^^ والله اخ ياسر خبر مشرف , رد محترم على من يسب الغرب بلا اى مبررات

هناك فى وطننا العربى من هم اكرمهم الله بثراء كبير ولا يفكرون فى احد , واضح انه العلم له احسن اثر على عقلية وروح صاحبه , خبر مفرح والله

[M Z]

احم احم ..

أوباما لعالم مصري: بسببك أصبح لدى أمريكا تأمين صحي

امام مصري يتسلم أرفع جائزة أمريكية حكومية لتطوير المجتمع

إمام أمريكي من أصل مصري يفوز بأرفع جائزة لمكتب التحقيقات الفيدرالي

داليا مجاهد - ويكيبيديا، الموسوعة الحرة

[M Z]

اتمنى ان تكون الرساله وصلت

الامثله الجيده كثيره جداً جداً ..
ومن يريد المزيد من هذه الامثله الجيده يتفضل بوضع طلبه وسوف اضع له مئات الامثله
التي معظمها لا ولن نجدها في مجتمعاتنا اساساً .. لكن بشرط الا يمل من كثرة قراءة الامثله

[coolhero]

هناك فى وطننا العربى من هم اكرمهم الله بثراء كبير ولا يفكرون فى احد , واضح انه العلم له احسن اثر على عقلية وروح صاحبه , خبر مفرح والله

+1111111111111111111111111111

[one-zero]

هناك فى وطننا العربى من هم اكرمهم الله بثراء كبير ولا يفكرون فى احد , واضح انه العلم له احسن اثر على عقلية وروح صاحبه , خبر مفرح والله

لدينا من يدفع 2 مليون دولار لقتل مغنيه او لشراء رقم سياره مميز

[HuLkY]

^^ لدينا من يرتدى الحرير وغيره فى عرىالليل , لدينا شيوخ تحاضر فى الزهد وامامه LapTop Sony VAIO :D

للأسف , الامثلة فى المجتمع سفيهة جدا والله , نسينا جوهر الدين وركزنا على المظاهر , نسينا العلم فتخلى عنا الزمن , لا اقصد اى شئ هنا لكننا رجعنا للخلف اميال ضوئية ,

حكرر كلامى :D


لو الحل فى نفس طريقة اليابان للقمة! اوعدنا يا رب! :D

[one-zero]

و اللهي يا هالكي الناس يتوع اسيا دول زي الفل
شاغلين هنا كالساعه و تلاقي الاسيوي عامل بمطعم او يحجز لك تذكرة سينما او مترو
يعني اشغال بسيطه بس دائما مبتسم و تشعر انه مستمتع بعمله و بيومه
زي الاسيوي اللي في الطائره بتاعة هنيدي في فيلم فول الصين العظيم

طبعا غير الهنود عامل زي ال i robot بتاع ويل سميث
روح يمين يروح روح شمال معاك
حاجه غريبه فعلا
وكمان رجال اعماله شاغلين تمام ختى هايبر ماركت اجهزة الكتروميه وكومبيوتر او هايبر ماركت زي كارفور عاملين واحد و فروعه بدول الخليج كلها (اسمه لولو هههههههه)

سيبك انت سمعت ان اكياس الدم الملوث اليومين دول بيتاخذ فيها برأه

[M Z]

و اللهي يا هالكي الناس يتوع اسيا دول زي الفل

تخيل الهنود اللي بنفضل يتريقوا عليهم واي موقف يقولك هندي هندي ..
مش قصدي إحنا بالتحديد لإن الناس دي إحترامها عندي زاد بطريقه بشعه ..
انا اقصد دول معينه للأسف بتعتقد إن الهنود دول مُجرد سلاله بشريه لخدمتهم ..
وده شئ على فكره يُحسب للهنود نفسهم لإن عقلياتهم ممتازه ورغم كده مش بيقولوا لأ ..
إحنا بقى فالحين في ايه ؟؟ .. متفردين في ايه ؟؟.. متميزين في ايه ؟؟ .. بنعرف نعمل ايه اصلاً ؟؟..

كنت في كورس تبع عملي الجديد من كام إسبوع .. والـ Trainer حكيتلنا عن مصنع فحم في الإسكندريه زمان ..
طبعاً هي قالتلنا مصنع فحم من هنا .. وإحنا طبعاً تصورنا بشاعة المنظر اللي ممكن يتحكي .. مصنع فحم في مصر بقى :D
لكن اللي إتقال بعد كده بصراحه كان صدمه فعلاً خصوصاً وإن الإداره لم تكن امريكيه او اوروبيه .. كانت هنديه !

اولاً قالت إن المصنع منظره من بره كان يخطف الابصار .. حديقه رهيبه ولا حدائق قصور الرئاسه !
وفيها انواع نادره وروعه من النباتات والاشجار النادره والجميله .. ده غير الديكورات الرهيبه ..
والطريق مفروش بالورود والزينه والطريق للداخل معموله بطريقه معينه وسط الحدائق شكلها تحفه
اما داخل المصنع نفسه بقى حدث ولا حرج .. فكر كده إنك داخل في مصنع فحم في مصر وشوف هاتتصور ايه
اكيد طبعاً هاتتصور إنك بعد العوده من الزياره اهلك هايتعرفوا عليك من خلال الصوت فقط وهاتفضل تستحم لمدة سنتين :D

لكن الحقيقه غير كده .. وقالتلنا بالحرف إحنا كُنا فعلاً محتاجين نستحم لإننا نقلنا للمصنع التلوث من الخارج ! :rolleyes:
ده غير إن المدير نفسه كان هندي قالتلنا إسمه " اجاروال " .. بتقولنا الراجل ده بيعمل ايه
الراجل ده عنده مكتب صغير جداً جداً يادوب مكتب وامامه كراسي إستقبال ومكتب صغير جداً امتار قليله
لإنه اصلاً لا يجلس فيه إلا كل فين وفين لإنه دايماً مع العمال تحت في المصنع معاهم دائماً ولابس مثلهم تماماً وبيشتغل بإيده !

ده غير إنه بيعمل يوم كل العمال بيجلسوا في الحديقه للغداء مع اسرهم واسرة المدير ( على الارض كده تخيل :D )
والتجمع ده بيكون على شرط .. إن مافيش ولا شخص يتكلم في اي شئ يخص العمل والمصنع والشغل :rolleyes:
ورغم كل ده الراجل ده اصلاً كان مدير كبير جداً وناجح ومعروف ومشرف على مشروعات كثيره جداً .. وشوف بيفكر ازاي

تعالى هنا بقى قارن الوضع وشوف اقل مدير بيكون ازاي وبيتعامل ازاي
ده لو حتى مدير مراجيح او مدير خرابه بتلاقيه رِجل على رِجل وتناكه وتكشير فعلاً ومعامله سيئه جداً
ده غير إن الفلوس بالنسبه لناس كتير في مجتمعاتنا للأسف بيعتبروها درجات سلو يسموا بيها فوق البشر

لكن هانعمل ايه .. قدر وصعب الواحد يتخلص منه .. بس اهو بنحاول
يارب قنبلة هالكي يارب :D

[HuLkY]

^^ هنا فى مصر العكس! مهما كان حياته مرتاحة! العكس! المدير مكشر! السكرتيرة مكشرة "عادة حتى يصالحها المدير :D " , كل شخص مكشر حتى فى الصباح الناس كلها مكشرة! فل الفل!

عندنا فى مصر اكياس الدم براءة , سحل الناس براءة! خط البحر حتى بقى ضرب الناس فيه براءة! بس للأسف فى غرامة! الناس فراخ فى مصر يا ياسر بك

والله الوضع هنا مش حقول مزرى , لا , الوضع هنا بقى مميز , محتاجين لفظ جديد فى المعجم للحالة دى! خطبة يوم الجمعة بقت ولا اروع! :D , الواحد مش عارف يتكلم فى ايه ولا ايه!

ههههههههههههههههههههههههههههههههههههه , بس احلى شئ! انه لسه مفيش ضرائب على الاوكسجين للناس! الحمد لله!

[coolhero]

^^ هنا فى مصر العكس! مهما كان حياته مرتاحة! العكس! المدير مكشر! السكرتيرة مكشرة "عادة حتى يصالحها المدير :D " , كل شخص مكشر حتى فى الصباح الناس كلها مكشرة! فل الفل!

فعلا الناس كلها مهما كانت طبيعة عملها تذهب الى عملها مكشرة

ههههههههههههههههههههههههههههههههههههه , بس احلى شئ! انه لسه مفيش ضرائب على الاوكسجين للناس! الحمد لله!

قرييييييييييييييييييييييبــا

[ieee99]

يعني إيه ... كوكا كولا زيرو ؟؟ يعني هشام طلعت مصطفى يخطط .... والسكري هو اللي يتشنق يعني السيول تنزل عندنا في مصر ....ونتبرع للضحايا في هايتي يعني يبقى عندنا بحرين ونهر... والصيادين بيصطادوا بره الحدود يعني نبقى بلد زراعي ... ونزرع البطاطس في الكونغو يعني الريس يعمل عملية .... وشيخ الازهر هو اللي يموت كوكا كولا زيرو ... راعي الهبل في مصر

[التنين الجامح]

المشكلة الخطيرة أنهم يدعمون أيضا الحملات التبشيرية (التنصيرية)

[JUBA]

استاذ ياسر كيف حالك ارباب

ارى انك تكيفت على الوضع الجديد سريعا

مشكور ارباب كله تيكا مشكل نيا

ترجم يا أبو ياسر لما اشوف كورسات الأرودو عامله معاك ايه


هالكي

هناك فى وطننا العربى من هم اكرمهم الله بثراء كبير ولا يفكرون فى احد , واضح انه العلم له احسن اثر على عقلية وروح صاحبه


ولا هايفكر لانه بحسبه بسيطة لو فكر هايبقى مش عربي لأنه لو فكر هايبقى منتج والشعوب العربية مستهلكة إذا فمعادلة حلها = The Big Zero

[HuLkY]

هناك فى وطننا العربى من هم اكرمهم الله بثراء كبير ولا يفكرون فى احد , واضح انه العلم له احسن اثر على عقلية وروح صاحبه

ما فى علم للأسف أخ قناص

الان من يملك المال يعيش بكل جشع للذات الدنيا , ناسيا او متناسيا انه هذا الجسد اللذى يهتم له ما هى الا مسئلة وقت ويكون وليمة ممتازة للدود فى الارض , انه مخه بكل خلايه سيكون طبق مقبلات مفرح جدا للدود , حتى انه على خوائه سيكون لا بأس به


الموضوع ككل أضحى مزرى جدا , والمشكلة انه من يدرك ابعاد المشكلة هو من يعانى , لا صاحبها , كم من العلماء هرب للغرب باحثا عن فرصة , كم من مواطنى بلادنا العربية يبحثون عن مخرج منها , تصور ان تكون راحتك خارج بيتك ويتسلل الشك الى قلبك , هل هذا بيتى من الاساس؟!

مع الوقت تجد ان بداخلك غضب رهيب لا يستطيع اى شئ ان يحتويه , فى ظل كل هذا ,ترى من هو صاحب قرار شخص سفيه , من صاحب كلمة مسموعة شخص اسفه , والمحصلة هى تضاربات وتداعيات لا حصر لها , لا حل لها النسف , الامر اقرب لبكرة خيط كتان مبللة بالزيت تحاول فكها و الحل هو حرقها تماما وغسل يديك والتحصل على بكرة جديدة

اتذكر انه من يقول لى "خلى عند ايمان " اقول له ما تزوجت! يقول لى ما فى ايمان؟ اقول له ولا اختها امل ولا وفاء , كلهم توفوا الى رحمة الله...............................