مساعدة ضرورية بخصوص Access point

[Pincake]

بسم الله الرحمن الرحيم

دلوقتي انا واحد صاحبي شغال في شركة تنويل سفن
وجاتله مركب طلبت منه
Wi-Fi Access point Router Voltage 220V - 60 Hz
وبعد ما استفسرت لقيت ان ال Router حاجة وال Access point حاجة تانية خالص
فا اتصلنا صاحب المركب طبعا هو ايطالي واللغة الانجليزية بتاعته مش كويسه فكان من الصعب ان احنا نفهم منه الي هو عايزه
بس انا فهمت في الاخر ان هو عايز لما يدخل الميناء عندنا في بورسعيد يقدر يكلم عائلته من على النت
فهمت ان هو يحتاج ل Access point عشان على ما اعتقد ان ال Access point بيقوم بتقوية الاشارة من اي مزود خدمة Wi-Fi خارج المركب لداخلها
وبعد كده واحد صديقي قالي ان ال Access point لازم يدخله وصلة سلكية عشان يقوم بتقويتها داخل المركب
فطبعا انا مش فاهم اي حاجة ولا عارف اعمل ايه

ياريت المساعدة الضرورية من حضراتكم لان المركب هاتوصل كمان ساعتين ومش عارف اعمل
مستني ردتكو

[abdalla_atta]

الاخ الكريم

اولا : ان شاء متكونش المركب وصلت

وبعد ما استفسرت لقيت ان ال Router حاجة وال Access point حاجة تانية خالص

ثانيا : الروتر هو الجهاز اللي بيجيب الانترنت من مزود الخدمة وفيه منه يو اس بي مودم او روتر عادي 1 بورت او 4 بورت او 4 بورت + وايرليس

الاكسيس بوينت هي اللي بتحول الاشارة السلكية اللي جاية من الروتر الي اشارة لاسلكية او بتعمل تقوية للاشارة الاسلكية اللي جاية من الروتر اللي بيبقي فيه خاصية Wireless

وجاتله مركب طلبت منه
Wi-Fi Access point Router Voltage 220V - 60 Hz

لو قالك عايز روتر اكسيس بوينت = يبقي هو عايز روتر فيه بيدعم خاصية الوايرليس بس بمواصفات معينة في الفولت وفي التردد

وبعد كده واحد صديقي قالي ان ال Access point لازم يدخله وصلة سلكية عشان يقوم بتقويتها داخل المركب


مش شرط لان ذي ما قلتلك قبل كده الاكسيس بوينت ممكن تقوي الاشرة اللاسلكية اللي جابلها من الروتر وتعيد ارسالها مرة اخري

وربنا يكرمك وتخلصله موضوعه

[Pincake]

شكرا لك اخي الكريم على الرد الوافي

[Pincake]

طيب سؤال اخر معلش
هو ال TP-LINK ACCESS POINT 150
بيدعم ان هو ياخد من Wireless يقويه؟
زي ما حضرتك قولتلي

او بتعمل تقوية للاشارة الاسلكية اللي جاية من الروتر اللي بيبقي فيه خاصية Wireless

ومعلش تعبك معايا

[abdalla_atta]

طيب سؤال اخر معلش
هو ال TP-LINK ACCESS POINT 150
بيدعم ان هو ياخد من Wireless يقويه؟
زي ما حضرتك قولتلي

ومعلش تعبك معايا

ولا يهمك انا تحت امرك

المفترض ان الخاصية دي موجودة في كل ال Access Points بس برضه لازم تسال لاني شفت اكسيس قبل كده مبتشتغلش بالطريقة دي

اساله اذا كانت بتشتغل Wireless Repaeater ولا لا

لو عايزني اقولك اكتبلي الموديل بتاعها بالظبط وانا ادورلك علي النت واشوفلك وربنا يسهل