قبل كل شئ السلام عليكم و على نبينا محمد سيد المرسلين و خاتم النبيين افضل مبعوث للعالمين

السلام عليكم و رحمة الله و بركاته على اهل هذا المنتدى العبقرى و على كل فاعلى الخير من مهندسين و شباب و كل من ساهم فى إنشاء هذا الموقع الذى يعتبر بداية حقيقية لاى شخص يريد التعلم سواء بمجهوده او بمساعدة الآخرين

اولا بسم الله الرحمن الرحيم
آسف على الاطالة

انا يا جماعة اللى طالبوا مشورتكم فى موضوع
انا بدرس حاليا الـ ,Mcse و حبتدى فى الايزا , انا عندى الماتيريال اللى تخص هذا الكورس سواء عربى او انجليزى سواء العبقرى مهندس احمد سرحان و العبقرى مهندس ياسر رمزى جزاهم الله كل الخير عنا و عن جميع المسلمين او حاجات TestOut , Trainsignal , CBTNUGGETS .

انا صراحة يعنى قربت امل من الكورس ووقت و رايح جاى و مواصلات و صراحة الحاجات اللى بلاقيها فى الكورس بلاقيها مع مهندس احمد سرحان او مهندس ياسر بس الزيادة اللى بلاقيها ان الراجل اللى بيديلنا واخد ريدهات و تقريبا CEH و شوية سيسكو فهو ساعات بيديلنا حاجات فى الهاكينج حاجات بسيطة اوى يعنى مش اللى هى تبقى تقدر ان انت تهاك على حد و الكلام بس حاجات تعتبر دفاع عن النفس زى ما بيقولوا

انا عايز اكمل مزاكرة مع نفسى و اوفر الوقت و فى نفس الوقت انا لو اخدت كل يوم ساعتين بس او فيديو معين حقدر انى اخلص الكورس , بس انا المشكلة عندى فى حاجتين انى برضه يجيلى ملل انى عمال اذاكر لوحدى و نفس الوقت مش عايز اخسر و اسيب الحاجات اللى بيديهالنا اللى فيها شوية هاكينج .

الملاحظة انى عندى طموح انى اخد كل الكورسات و دى مشكلتى فى نفس الوقت انى عايز اخد كل حاجة فى نفس الوقت .

ياريت يا جماعة تشوروا على اخوكم و تنصحونى اعمل ايه
ياريت الكل يرد اللى معدى و اللى مش معدى يدخل يرد

كل سنة و انتم طيبين