مشكلة ابدية في ال EIGRP Topology ارجو الحل

[eng_eslam_comm2]

السلام عليكم ورحمة الله وبركاته
ازيكو يا اعضاء المنتدي الكرام يارب تكونو كلكو بخير
عندي مشكلة بتواجهني دايما بخصوص الامر show ip eigrp topology ومش لاقيلها حل ومش عارف بصراحة اعمل ايه تاني عشان العملية تتظبط معايا.
دايما لما اعمل الامر show ip eigrp topology بيجيبلي بس ال successor routes ومش بيجيبلي ال feasible successor routes ...اكتشفت بعد كدة ان المشكلة كانت ان كل الروتس بيبقي ليها AD اعلي من ال FD وبالتالي مفيش اصلا feasible successor عشان يظهرهالي...جميل...قولت خلاص هزود offset لل FD عشان اخليه يبقي اعلي من ال AD بتاعة اي route تاني وبالتالي ال route دي هتظهرلي في ال topology table لان ال FD دلوقتي اصبح اعلي من ال AD .....ومع ذلك لما عملت الكلام ده بردو مظهرليش حاجة جديدة في الروتنج تابل...مش كدة وبس...لا ده كمان فيه تخاريف بتظهر لما اعمل الكوماند show ip eigrp table بعد ما بزود ال offset...اللي بيحصل اني بعد ما بزود ال offset واعمل show ip route بيجيبلي كل حاجة مظبوطة وبيظهرلي ال FD الجديدة فعلا زي ما المفروض تطلع ومفيش مشكلة...اجي بقي اكتب show ip eigrp topology يقوم جايبلي ال FD القديم اللي هو قبل اضافة ال offset مع انه بين القوسين اللي هما [FD/AD] بيبقي كاتب ال FD الجديدة اللي بعد اضافة ال offset ...انا عارف ان الموضوع فيه توهان شوية بس ده اللي بيحصل معايا والله والصور اللي باعتها في المرفقات هتوضح الكلام ده كويس اوي...ياريت حد يقولي ايه اللي بيحصل ده لان انا هتجنن.

في رعاية الله
سلام عليكم

[أيمن النعيمي]

اول شيء وقبل أي شيء هل جربت نسخة ios آخرى حتى نتأكد ان المشكلة ليست فنية ؟
ثانيا ياريت لو تجرب تعمل unequal load balancing من خلال كتابة الأمر التالي
Router(config)#router eigrp 10 Router(config-router)#variance 3على شان نتأكد ان المشكلة ليست في قيمة الـ AD والـ FD ولو ماعندك خلفية حول هذا الموضوع"unequal load balancing" شوف الرابط التالي https://www.arabhardware.net/forum/s...d.php?t=150022
ومتواصلين ان شاء الله

[eng_eslam_comm2]

اول شيء وقبل اي شيء احب اشكرك يا ايمن علي ردك السريع علي استفساري ده وعلي جميع استفساراتي السابقة.
اما بالنسبة للنقاط اللي انت ذكرتها فانا الحقيقة فكرت اني اجرب نسخة IOS تانية ولكن قولت صعب المشكلة تكون منها...وبالنسبة لل load balancing فانا مش شايف اي علاقة للمشكلة بال load balance
بس علي كل حال انا هجرب الحلين دول وهقولك عالنتايج ان شاء الله

شكرا جزيلا ليك مرة تانية علي تواصلك معايا دائما
في رعاية الله
سلام عليكم

[eng_eslam_comm2]

السلام عليكم ورحمة الله وبركاته
اخي ايمن يرجي العلم اني قمت بتنفيذ اقتراحاتك الان ولكن الوضع لم يتغير...فما الحل؟؟؟؟؟؟

[frozenEyes]

ملحوظة:

- جرب تغيير Delay الخاصة ب interface للتلاعب ب Eigrp metric بدلا من offset list

- اظهر لنا ناتج الامر sh ip eigrp topo all-links

- لن يتم تطبيق قاعدة unequal load balancing الا على Feasible Successors routes فقط اى ال routes التى اجتازت قاعدة Feasibility condition وهى ان AD اقل من FD لل Successor

[أيمن النعيمي]

طيب هل لك أن ترفع لنا اللاب(net.) مع ملف الأعدادات حتى أتحقق من الموضوع بنفسي

[eng_eslam_comm2]

salamo 3leko
Thanks Ayman..sorry for replying late but I'm at work now and I'll send you the .net file when I go home

salamo 3leko

[eng_eslam_comm2]

السلام عليكم ورحمة الله وبركاته

انا بعتلك فايل ال .net و ملفات ال configuration في المرفقات يا ايمن...قولي بقي ايه اللي مش مظبوط في الموضوع

في رعاية الله
سلام عليكم

[أيمن النعيمي]

أنا خلاص عملت اللاب على الباكيت ترايسير ووصلت إلى كل النقاط التى عاوز تعرفها أن شاء الله
وبداية أحب أن أنبهك إلى شيء صغير وهو اللاب الذي تقوم بالتطبيق عليه



فلو لاحظت معي تركيبة اللاب وتوزيعة الكابلات فيها سوف تستنتج أن الروترات التى تملك مساران لايوجد فيها أي مسارات أحتياطية اما الروترات التى تملك ثلاث مسارات وأكتر فتجد ان هناك مسارات احتياطية وبل تجد Load balancing والسبب طبعا توزيعة الكابلات ولو أخذنا مثال الروتر رقم واحد وحاولنا أن نبحث عن أفضل مسار للشبكة 10.2.5.0 التى تربط الروتر رقم أثنان والروتر رقم حمسة لوجدنا ان المسار يتم من خلال الشبكة 10.1.2.0 ولو حاولنا ان نبحث عن مسار احتياطي لن نجد أبدا لان أقرب مسار لهذه الشبكة يحتاج منا ضعف افضل مسار وبالتالي لن تجد أي مسارات أحتياطية مع الروتر رقم واحد بسبب كون الـ AD في كل مرة أكبر من الـ FD
الملاحظة الثانية أستخدام الأمر show ip eigrp topology لن يظهر إلا أفضل مسار والمسار الاحتياطي بينما الأمر Show ip eigrp topology all links سوف يظهر لك كل المسارات الأحتياطية فقط وليس كل المسارات لان القاعدة تطبق بشكل عام في بروتوكول الـ EIGRP يعني لو وجد مسار الـ AD أعلى من الـ FD فسوف يتم تجاهله ولن يدخل ضمن أي Table في الـ EIGRP
الملاحظة الثالثة لو أردت أن تظهر أكثر من مسار في الـ EIGRP لديك طريقان وسوف نطبق على نفس المثال الذي تحدثت عنه أي على الشبكة 10.2.5.0
الأول ان تقوم بوضع روتر جديد بين الروتر واحد واثنان حتى نستطيع أن نرفع من الـ FD
الثاني أن نقوم بتغيير الـDelay كما اوضح الأخ frozenEyes وهي تتم من خلال الدخل على المنفذ وكتابة الامر delay 2500 مثلا وعندها سوف تجد باقي المسارات قد ظهرت على التايبل ولكن هذه الطريقة سوف تؤثر على كل المسارات المتعلقة بهذا المنفذ
الثالث وهو الذي قترحته من خلال الـ Offset-list وبحسب معلوماتي البسيطة حول هذا الأمر أعلم أنه يقوم بتغيير الـ FD لكن بشرط التلاعب بي الـ K-value الخاصة بحساب الـ Metric لذا فهي طريقة غير فعالة جدا ويتطلب منك تغيير طريقة حساب أفضل مسار ولو حبيت تعرف أكثر عن هذا الموضوع شوف هذا الرابط
الخلاصة : القاعدة الأهم التى يجب أن تعلمها ان أي مسار لايتطابق مع قاعدة الـFD والـ AD لن يتم النظر إليها أبدا وسوف تضاف في حالة واحدة لو في حال تعطل المسار الوحيد عندها سوف يبدأ البروتوكول بالبحث عن المسار الجديد من البداية .
لمن أردا تحميل اللاب على الباكيت ترايسير جاهز بالأعدادات

[eng_eslam_comm2]

السلام عليكم ورحمة الله وبركاته
اشكرك يا ايمن علي سرعة ردك...لكن واضح انك مفهمتش قصدي او بمعني اصح مفهمتش فين المشكلة اللي بتكلم عليها.
كل الكلام اللي انت قولته انا عارفه وفاهمه كويس وانا ذكرت في كلامي في اول مشاركة ان مكنش بيظهر اي روت بديل لان فعلا ال AD لكل الروتس اكبر من ال FD ...وده السبب اللي بيخلي مفيش اي روت بديل يظهر في التوبولوجي تابل...فلجأت الي اني اعمل اوفست لست...وبغض النظر بقي عن علاقة الاوفست لست بال metrics والكلام ده...انا لعبت في الاوفست وزودت اوفست لل FD وفعلا ال FD زاد وكل حاجة تمام...يبقي كدة مفيش اي مشكلة من ناحية علاقة الاوفست بال metrics ... لكن المشكلة اللي بتكلم فيها ان حتي بعد ما زودت الاوفست وال FD زاد وبقي اعلي من ال AD بردو مبيظهرش روتس بديلة وكمان بيحصل تخريف زي ما بيظهر في اخر صورة بعتها في المرفقات اللي في اول مشاركة...بيبقي كاتب FD برقم معين جمب الروت وكاتبها برقم تاني مختلف بين القوسين [FD/AD] ...ياريت يا ايمن ترجع للمرفقات اللي كنت باعتها وتبص عليها تاني وبالذات علياخر صورة وانت هتفهم قصدي.

في رعاية الله
سلام عليكم

[أيمن النعيمي]

أنا رح اشوف اللاب على الجي ان اس وأقولك أيه رائي بموضوع التخريف بس هناك نقطة صغيرة أنت صحيح رفعت الـ FD لكن ممكن تكون القيمة قليلة ولم تلغي القاعدة العامة على كل حال حاول تغيير قيمة الدبلاي إلى 2000 من خلال الأمر delay 2000 وشوف النتيجة

[أيمن النعيمي]

محلوله أن شاء الله عمل shutdown للمنفذ serial 0/0 وأنتظر شوي وأرجع فعله من جديد ورح تشوف أن القيمة قد تغيرت إلى ماهي عليه أي التخريف اللى شفته رح يتصحح
وأعتقد أن الموضوع يحتاج من البروتوكول إلى أعادة عملية حساب المسار من البداية وأخذ الأعدادت الجديدة الخاصة بي الـ offset-list بعين الأعتبار وهذه صورة توضيحية

[eng_eslam_comm2]

السلام عليكم ورحمة الله وبركاته

تمام يا ايمن...فعلا بعد ما عملت ريستارت للانترفيس العملية اتظبطت والارقام بقت مظبوطة.
متعرفش والله الموضوع ده كان تاعبني نفسيا اد ايه :D

عموما الف شكر ليك علي تفاعلك معايا وجزاك الله كل خير
في رعاية الله
سلام عليكم

[أيمن النعيمي]

ولايهمك أخي العزيز
أي شيء معكرلك مزاجك ضعه على المنتدى وان شاء الله نوصل مع باقي الأعضاء لحل منطقي